EZEKEL 28:16 - Sumi Naga CL (Re-edited) Bible (BSI)

¹⁶ Ow kilhisho kupukuno shikeu lono no ye ngukangugha no chhitoive no axine shive kehu I no Alhouw naghuto lono kitiqeve keu thime toi o peve, eno atu iqü akeqo dolono o kütsave ke, O hikujuu cherub.

BAIBEL (BSI)

¹⁶ Noye mighimghai qhu ache eno je acheke eno tipauno omusupe heqhi buqhi eno axinelo sawuveke. Ike ino tsuikhomo iwu akimthe toghi lono opuwuve eno kungumi okhe achekeu huno phuphuyikeu tu gholono ohapupove.

EZEKEL 28:16 Iomraidhean Croise

BOTHUBO 3:24

Pa no Timi hu hapheve, eno aküxüpu sübo laghi khekuto penike Pa no cherubim eno amiküiqü zütakikihi pesü Eden ghutu kipelau qhive.

BOTHUBO 6:11

Tipa ghuloki lo ayeghiqha ye Alhou nhethe lo küsaküghapu shive, eno hekiqhi ghikiqhi no chhitoive.

ISAIAH 22:19

I no ow hiyam lono o tuhaphe nani eno o lakhü lono sünheqhive nani.

ISAIAH 23:9

Aqokitikhi MPEU no aqheküza ajekipi ikhivetsü, eno agigihu küami shikujo niye kughuke.

EZEKEL 28:14

Hikujuu cherub toi o nukishe I no o kimkhipe qhi; no ye Alhouw akimthe toghi lo atu iqü akeqo dolo alache ae.

EZEKEL 8:17

Pa no I vilo pi, “O timi nu, no ye hipau ithuluve akema? Israel laghami no aphikümqhüpu hilehi shi akeu ye thime aghulo lakhi kesheno panongu ye ngukangugha jeli ghi pesü no ayeghi hipau shepichhi eno itaghi I xukutho no alau I mlo shikighide ani kea? Julo, panongu ye ihulo keu shi I thaigha auvae.

HOSIYA 12:7

Alhikishimi khuu u lo pishikiqhi ahu pe ani keno, pa ye qhasüni keu no pa pulou.

AMUS 3:9

Ashdod eno Egypt yeghi lo sükusho-aqo lau asheshu lo, eno pilo, “Samaria naghutoqo lo nongu hekütsülo, eno timiqo no shishe ighamku akeu, pano dolo nedaqoda kile akeu julo.”

Obadiah 1:3

O mlo lo aqheküza no o pishiqhivae, no khuu atuki qhemghai keu lo xü acheni keno, nono o mlo lono ishi pi cheni, “khuu no ayeghi lo I saiqighi kulupu kea?”

MICAH 2:10

Ithu no wuvelo, kughengu hi ye akulhokiqhi-a kumoe, mithekumo khikhino shishe kütsakungo cheni keno tipau ghenguno ke.

MICAH 2:2

Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

MICAH 6:12

Now kinimiqo ye ngukangugha no chhitoi ke; xüküamiqo no alatsa picheni, eno pano mili ye pishikiqhie.

HABAKUK 2:17

Nono Lebanon kütsale kehu tino o mhoqhive nani, nono kütsale keu tüghashiqo no o shikichiqhi nani, kughengu aji pelekeu eno ayeghi shiküpsa, aphughi eno tile küxümi kümtsü lau nono küsakügha shike.

HABAKUK 2:8

Nono aji pele eno ayeghi shipüsa, aphughi eno tile küxümi kümtsü lau küsakügha shi kehu, nono shiye kutomo pükaqhi kehu ghükulumi no o pükaqhi nani.

ZEFANIA 1:9

Tipani khunono akikhasü ilhe kache ilo anguka eno pishikiqhi vecheo pano mpeu ki shepichhi tsü cheni keno I no ghime nani.

John 2:16

Pa no amiqhi je akeqo vilo pi, “Hi kümtsü pewuve lo, I Pu ki pesü kilhikishi ki kughulho kevilo.”

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.