EZEKEL 27:16 - Sumi Naga CL (Re-edited) Bible (BSI)

¹⁶ Ow tinhemgha kupukuno shi akeu vecheo Syria no o sasü lhidi shiche; panongu no emerald, hughaike phi, aye shisükeu phi, phepheike phi, azükhenu ghitu eno ruby tu pesü ow tinhemgha kilhisho che.

BAIBEL (BSI)

¹⁶ Siriya lo kuamino onhemgha ngo nono mlaphekeu kutomo qhuluveke. Panonguno onhemgha ghenguno Emeral tu, aphi hughaikeu, ayeh shisukeu phi, phepheyikeu phikivi, korel ngo achiku ishi pesu otsuchileke.

EZEKEL 27:16 Iomraidhean Croise

BOTHUBO 10:22

Shem nuliqo: Elam, Asshur, Arpachshad, Lud, eno Aram.

BOTHUBO 28:5

Ikehu Isaac no Jacob puwuve. Eno pa ye Paddan-aram lo Jacob ngo Esau pama paza Rebekah peu, Arameami Bethuel nu Laban lau wuve.

SAMUEL AKINIU 10:6

Kughou Ammonmi no panongu ye David zülo kumthu kümna shivae pi ithi keno, panongu no Beth-rehob eno Zobah lo Syriami ghüshimi qhethonhe muku, akükau Maacah timi 1,000 eno Tobmi kiptimi qhethonhe chighikini piqeve.

SAMUEL AKINIU 15:8

Kughengu I no Geshur, Aram lo akelono o qeu no ashoqhi lakhi shipüani, ‘Ampeu no Jerusalem lo I sachile ighi aye, I no Ampeu mllanie.’”

SAMUEL AKINIU 8:5

Kughou Damascus lo Syriami no Zobah kükau Hadadezer kuphuni ye ighi keno, David no Syriami qhethonhe muku kini ghiqhive.

EZEKEL 16:10

I no aye shisükeu phimini pesü o pipe eno ashiyiko akiviu pesü o pukhukuqho shitsü. I no phepheike phi akiviu pesü o küzüluve eno müdüniyike phi pesü o puuve.

EZEKEL 16:13

Ikehu no ye ameshoyi ngo ghükayi no ananu shipuve, phepheike phi akivi, müdüniyike phi eno aye shisükeu phi no o phimini shike. No ye ashomkhu, akhingozü eno thazü akivi chue. No ye shishe ajukivi shi ipeghive eno kükaliu shive.

EZEKEL 16:18

Nono ow aye shisükeu phimini pesü tipaqo nhape qhi, eno Iw thazü ngo I xokütsüngü pesü tipaqo zülo ghope qhie.

EZEKEL 16:57

ti ye ow küsakügha lhapheve tsümphi züu ke kumo? Syria ngaqo eno li homxape akeqo kümtsü zülo eno Philistiami ngaqo ngo hokümxa lo akemi o jukünatha chekemi kümtsü zülo itehi no ye küthaküghapu shivae.

EZEKEL 28:13

No ye Eden, Alhou ghutu lo ache; akughupu tu jeli no o küzüpe ache, sardius, topaz, eno mlaputu, beryl, onyx, eno jasper, sapphire, emerald, eno carbuncle; ameshoyi no meda eno kixi puku o nanu shiche. O lhoke tsalani no tipaqo kutope qhitsüe.

XAKUTHAMI 10:6

Itaghi Israelmi no Alhou zülo küsakügha shino Baal ngo Ashtaroth, Syriami, Sidonmi, Moabmi, Ammonmi, eno Philistiami lhouqo mllau khaveno Ampeu pheve no Pa huthu move.