EZEKEL 26:17 - Sumi Naga CL (Re-edited) Bible (BSI)

¹⁷ Panongu no nongu shou akumlo le phe nani eno nongu vilo pi nani, “‘Nongu azüghi mkülo küami, nongu ye kishi pühave akea, O ajekipi mishighüna, no ye azüghi lo akumtou; li eno li ghakütsami no tile akemi shithüghüi cheke!

BAIBEL (BSI)

¹⁷ Panonguno no ghenguno akithilo le hipau phetsu nani: Ajekipi phughiye kutsalevae! Li zukiluqoye azughi lono jole sawuve. Aphughi hipaulo kuamino azughi shou ayehpecheke; Eno azughi kumxalo xuachekeqo shithughui cheke.

EZEKEL 26:17 Iomraidhean Croise

SAMUEL AKINIU 1:19

“O Israel, o juküvü ye ow akiqhe-a lono ghiqhivae! Akumtomi ye kishi ikiqive akela!

ISAIAH 14:12

“O inaqhe yepu, tsükutho nu, no ye kungugha lono kishi ikiqiva kelae! No khuu shiyeqo kütsaqhi chekeno, o pesü kishi ayeghi lo veqhive akela!

ISAIAH 23:4

O Sidon, azüghi lo akumtou, kujolo, kughengu azüghi no pivae: “Ni ye punuke kumono apunu küsü mu süju mphi, kiptimi na totimi namu saputhuju mphie.”

ISAIAH 23:8

Kilhishomi no agigihu küami, lhidimi no kükami toi achekeu mishighüna, kükami süküsüu Tyre shou khuu no ishi kughuve kea?

JEREMIYA 48:39

Kishita kuboleve akelae! Panongu no kishita mloqa ani kelae! Moab ye thoghavae! Ti ye pa sümxape akeqo zülo aküighüpu eno akümsapu shivae.”

JEREMIYA 50:23

Ayeghi yihesü ye kishita ikiqive no kuboleve kelae! Babylon ye kishi shiyeqo zülo jukümsapu shive akelae!

JEREMIYA 6:26

O Iw timi ngaqo, yeqhiyephi pepu no ayevu lo ihilo; anu lakhi likhi keu ghenguno mlo ketoi, kukhukimji shi mloqa lo, kughengu züleno hekiqhimi no ningu shou ikughuni cheni.

JEREMIYA 7:29

“‘O sa tsave no pevelo; atoghi lono mloqa lo, kughengu Ampeu no Pa loghu lono hipa tiqheli milive no phevae.’

JEREMIYA 9:20

O totimiqo, Ampeu tsa inilo, eno nongu kini xükhope Pa tsa chilu lo; nongaqo akumlo lakhi shikalo, akithilo le akisüghümi shikalo.

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

EZEKEL 19:1

No ye Israel kükapumi ghenguno akumlo shilo,

EZEKEL 19:14

Eno ami no tipa bo lo akhuni lono ipeghi no axathi pitivae, ikehu abo mtotoi keu kühavae, kükaküsü küsü kühavae. Hi ye akumlo le lakhi eno akumlo shivae.

EZEKEL 32:16

Hi ye akumlo le shi phe nani; shiye ngaqo no ti phe nani; Egypt shou eno liw aqokitikhi kümtsü shou panongu no hi phe nani, ipi Ampeu Alhou no asheshu.”

EZEKEL 32:2

“Timi nu, Egypt kükau Pharaoh lau akumlo le phelo eno pa vilo pilo: “Nono o pesü shiyeqow abongshuu kepi kümsü cheni, ikemu no ye azüghi lo dragon ke; nono o ghoki lono ilhe ipeghi cheni, o pukhu no azü shipuqove, eno aghokiqo qonyive ke.

EZEKEL 32:23

Panoqo sükumo ye kithimi yeghi shekhau ani eno li loji no li sükumo vehope ani. Küxümi yeghi lo kichi kümsa chekemi ye kümtsü ghiqhivae, azütakikihi lono ikiqivae.

EZEKEL 32:27

Panongu ye akumtomi, aphighüyiko ghamo kemi thive keqo dolo, aghüshi nanu xapusü Kithigha lo iqive keqo, panongu ye azütakikihi pano kütsü qholo qhi eno axine no pano saghi shou ani; kughengu akumtomi no kichi kümsa keu ye küxümi yeghi lo ani.

JOYIL 1:18

Tüghashiqo no kishi aküsü ghügha shi ani kelae! Amishi loji no avehu izüvae kughengu panoqo ghenguno achu kümza-a kühavae; ambe lojiqou ghi ime auvae.

Obadiah 1:5

Tsala küpkami no o lau ighi aye, xulepuwuve chekemi no putho lono ighi aye, no ye kishi kütsaveni chekela! Panongu ye pano sala likhi püka luveni cheke kumo? Atsaithi xoni kemi no o lau ighi aye, panongu ye xokhakumo qhiveni cheke kumo?

MICAH 2:4

Tipani panongu no nongu müsü kutho keu le phe eno kukhukimji shi qa nani, eno, “Ningu ye shishe kütsavae; Pa no Iw timi saje kilive tsüae; kishi Pa no I launo ti ikhipe wuvetsü akelae! Pa no ni luzaqo pesü pülümo kemi tsüvae,” ipi nani.

ZEFANIA 2:15

Hi no alokivi eno sükusho akeu mishighüna, li mlo lono piche, “Ni thono kütami ye khumu kühae.” Li ye kiutoi küghüküghaleive akelae, tüghashi kungo-a shivae! Khunoqo no li hechesü wu keno atuthu kuloghi sheqhi eno au sükumqo luve ke.

JOSHUA 19:29

Tishino alughi ye Ramah lo tsüghüsü wuve ani eno aliwo kumto phughi Tyre to ani. Tileno idesü Hosah lo wu ani eno Azüghi lono ashekha shive ani; Mahalab, Achzib,