EZEKEL 26:16 - Sumi Naga CL (Re-edited) Bible (BSI)

¹⁶ Tileno azüghimkü lo kükapumi kümtsü no pano kükalakhü lono iqighive no chijeboike phi ngo aye shisükeu phimini xaqhive nani. Msaighü keu no panongu kuuphi shi pepu nani; panongu no ayeghi lo iqave no atüqhüdo kümtsü khokhoshi nani eno nongu jupe akichiqhi nani.

BAIBEL (BSI)

¹⁶ Tileno azughilo kukapumi shiachekeqo kumtsuno pano kuka lakhu lono aqhou iqi nani. Panonguno akuuphi ngo ayeh shipukukeu phimini xave puzu musa khokhoshi ayeghilo iqa nani. No kughape kishive keno tipauno panoqo shithughuive puzu panonguye musa khokhoshi keu tamlave nani.

EZEKEL 26:16 Iomraidhean Croise

JOB 8:22

Khunono o mithi cheni keno akukujopu pepipe nani, kixikilami phiki ye hauve nanie.

LESHELE 109:18

Pa no aphimini pepu ketoi ghukusho pepuke; ghukusho no azü toi pa phiau pütsü luve pelo, thazü toi pa ghi-anhü pütsü luve pelo!

LESHELE 109:29

I ngukube akeqo pelo akukujo pepuve pelo; pano kukujopu no hebephi pepu akeshi pano küzüluve pelo!

LESHELE 132:18

I no akukujopu pesü pa ghümi pipe nani, ikemu küka kütsüqho no pa shou yepüvü nani.”

LESHELE 35:26

Khunono I mhekiqi lo alovi akeno pano pelo akukujo lo ilove eno aghüthisüve pelo! Khunono I lachile ghi pano ampi sheqhe cheni keno akukujo eno küthakügha phimini pepu pelo!

IPEKULU 15:15

Edom lo atomi ye itehi aghüthi süvae; akümsa no Moab sakiphemiqo tsüqü luvae; Canaan lo küxümi kümtsü no amlo hauvae.

ISAIAH 3:26

Aphughi khagho no mloqa iju nani; eno aphughi no aphikümsa ayeghi lo iqa nani.

ISAIAH 41:5

Azüghi mkülo küami no ithuluve no msa ani; ayeghi shekhau akemi no khokhoshi ani; panongu ye kumqope ighivae.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

ISAIAH 52:2

Ayeghimkhu kuthove no ithughilo; tishino iqavelo, O Jerusalem, o kuo lo tsüghape akeu yikichhe lekho velo, o akughushi akeu Zion ngaqo.

JEREMIYA 48:39

Kishita kuboleve akelae! Panongu no kishita mloqa ani kelae! Moab ye thoghavae! Ti ye pa sümxape akeqo zülo aküighüpu eno akümsapu shivae.”

AKUMLO 2:10

Zion ngaw layemiqo ye inaqhoi ayeghi lo iqa anie; panoqo ye akütsü lo ayeghimkhu epuku no yeqhiyephi xapuvae; Jerusalem limiqo no pano kütsü pesü ayeghi lo shosüvae.

EZEKEL 16:10

I no aye shisükeu phimini pesü o pipe eno ashiyiko akiviu pesü o pukhukuqho shitsü. I no phepheike phi akiviu pesü o küzüluve eno müdüniyike phi pesü o puuve.

EZEKEL 26:21

I no o pesü akümsapu shi kishekhave tsü nani, eno no ye kühave nani. O phuighi anamu no ye khilemu ithulu kithe move nani ipi Ampeu Alhou no asheshu.”

EZEKEL 28:17

O jukivi ghenguno no ye qhezave; o jekipi ghenguno nono o lokütsü shipüsave. I no ayeghi lo o peve; kükami shipiye no o ju peniye shike.

EZEKEL 31:15

“Ampeu Alhou no ishi piani: Tipa tsalani cedar no Kithigha lo ikiqi ilove kelo I no mloqape ke; I no akuthoku nhave tsü, eno tipau ghokiqo ghasüve, eno azü kutomo lakhave tsü. Aküzü pesü I no Lebanon küzüve, eno tipau ghenguno aluza lo asübo kümtsü thizümüivae.

EZEKEL 32:10

I no timi kutomo pelo o jupe apuchopungope nani, eno kughou I no panoqo zülo I zütakikihi pepheni keno panow kükami no o jupe thüghüi kelauno akütsüsa itho nani. Ow vekiqhi tsalani, timi kümtsü pütüta küxü ghenguno atüqhüdo kümtsü lo khokhoshi nani.

EZEKEL 7:27

Akükau no mloqae, yepemi no aghüthiküsü no küzüluve, ayeghi lo timiqo ye kichi kümsa keu lono anhü thizümüive. Panoqo laghi kiqi lono I no panongu lau mla nani, eno panow küghakütha kiqi lono I no panoqo shou küghatha nani, eno Ni ye Ampeu kepi panongu no ithi nani.”

EZEKEL 7:8

Itehi ye I no mtazü nongu shou I loghu pukuni eno I mlokighide nongu shou pukuni, nongu laghi kiqi lono nongu lau küghathani, nonguw aphikümqhüpu kümtsü ghenguno I no nongu ghime nani.

DANIEL 5:6

Tileno akükau ju ye kilive, eno pa kükümsü no pa shithüghüive; pa phiau no thizümüive no pa khonhe no kügha thuve.

HOSIYA 11:10

Panoqo no Ampeu pape nani; Pa no abongshuu toi igha nani; kughou Pa no ighani keno, pa tianuliqo no khokhoshi kulolau no ighi nani;

JONAH 3:6

Atsa huno Nineveh kükau tove, eno pa no aküka lakhü lono ithuve, pa kükaphi lhaqhive, yeqhiyephi pesü pa küzüluve, eno ayevu lo iqave.

HAGAYI 2:22

eno kükalakhüqo ikhiveni cheni. Ni ye shiyeqo kükaqha kumto kütsa niye ani, eno khurkulu ngo tile chekemi tukulu niye ani. Khurshi eno khurshimi kümtsü pano thiküzümi zütakikihi lono ikiqive nani.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

Piyeküsü 18:9

Ayeghi lo kükami khunoqo no li sasü kütüqha no li gholo kuthole xüche keno panongu no li pitikeu michhi ithulu kelo li ghenguno amloksa shi ighaqa nani.