EZEKEL 26:14 - Sumi Naga CL (Re-edited) Bible (BSI)

¹⁴ I no o pesü atuqu lakhi shive tsü nani. No ye akhameqo vesü kepu-a shive nani. No ye khilemu shiqhe puku moae, kughengu Ni ye Ampeu ke; I no piqhivae, ipi Ampeu Alhou no asheshu.

BAIBEL (BSI)

¹⁴ Ino atuqu likhi thoqhalei qhive nani eno akhakukhamino pano khame phuputhokeu shi nani. Aphughi huye khilemu itaghi shikithemo nani. Ni, Akughushu MPEU no pivae.”

EZEKEL 26:14 Iomraidhean Croise

JOB 12:14

Pa no xaqhive aye khunomu shiqhekithe mlae; Pa no khuana akughu shive aye khunomu khaqhiphe mlae.

JOB 40:8

No ye I küghape akumou lo qhini kea? Nono achipiu shiniye akipimi I tsüni keo?

ISAIAH 14:27

Kughengu aqokitikhi MPEU no kughuve ke khuu no moe pini kea? Pa u chhove ke khuu no tuchile luni kea?

ISAIAH 23:12

Pa no pi, “O qodave kemi Sidonmi, no hukülü ye kühavae, ithulo, Cyprus lo wulo, tilau mu nongu ye akulhoqhi lumo nani.”

EZEKEL 21:32

Nongu ye ami lo süküghüpusü shive nani. Nongu ji no ayeghi lo pele nani. Nongu kümsüchilelu move nani, kughengu Ni Ampeu no piqhivae.”

EZEKEL 22:14

I no nongu peithani ke tsalani nongu ye amlo mtolu nani keshea momu nongu u ye mtolu nani keshea? Ni Ampeu no piqhivae, eno I no tishi nani.

EZEKEL 26:12

Panongu no o küakini xülepe wuve nani eno ow lhidi nhemgha xupuwuve nani. Panongu no o tupikiye kuboleve tsü nani eno o lokughunopu ki kütsave tsü nani. Ow atu, asüpa eno ayeghi ye panongu no azü lo vesüve tsü nani.

EZEKEL 30:12

I no Nile qhaive tsü nani eno ayeghi pesü kixikilami u lo jesüve tsü nani; inaghami vecheo I no ayeghi eno tile akeu qhoi kütsave tsü nani; Ni ye Ampeu ke; I no piqhivae.

EZEKEL 47:10

Akhakükhami no azüghi phivilo puthugho nani. Engedi lono Eneglaim kutolo akhame vesü keu-a shive nani. Tipau lo akha ye Azüghi Kije lo kha toi ajeli kutomo shi nani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

EZEKEL 5:15

Nongu homxape akeu shiye kümtsü zülo nongu ye atichepu eno thoküghapu, ghutu keu eno msaichi kepu lakhi shive nani, axukighide, amlokighide lono I no aghime nongu shou be nani, Ni ye Ampeu ke; I no piqhivae,

EZEKEL 5:17

I no püqümiye eno tüghashiqo nongu lau puwu nani, eno tipaqo no nongu nuliqo püqapunu nani. Püsa eno aji no nongu shou ighi nani, eno I no azütakikihi nongu shou puku nani. Ni ye Ampeu ke; I no piqhivae.”

MALAKI 1:4

Tsala Edom no, “Ningu ye kütsalevae ikemu ningu no tipaqo shiqhe kitheni,” ipi aye, aqokitikhi Mpeu no, “Panongu no shiqhe anamu I no xaleqhive tsü nani, panongu pesü ‘küsakügha ghakhu,’ eno ‘pülhapuju Ampeu mlokighide ye timi hipaqo shou ani,’ ipi nani.”

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

ZAKINIU 13:16

Tile küxümi tinhemgha kümtsü pesü mishighüna mta lo qhini, eno Ampeu nongu Lhou lau akümllagho shi mishighüna tipau pitiveni.