EZEKEL 24:21 - Sumi Naga CL (Re-edited) Bible (BSI)

²¹ ‘Israel laghami vilo pilo, Ampeu Alhou no ishi piani: Julo, I no I kimthe chineki shikitiqeve nani, nongu qheküzapu küka, nongu nhethi lo ikighi, nongu ngulho no khelho chekeu, nongu pu-anga khunoqo nongu no Jerusalem lo qhive keno panongu ye azütakikihi lono ikiqive nani.

BAIBEL (BSI)

²¹ nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

EZEKEL 24:21 Iomraidhean Croise

KUKAMI ATUGHIU 9:7

I no Israelmi tsükeu yeghi lono panongu hapheve nani, eno aki khikhi I je ghenguno shikimthe püani keno I nhethe lono ikhive nani. Israel ye ashiayeqo gholo küghakiche eno küthakügha shive nani.

LESHELE 105:4

Ampeu eno Pa küka phulo; tamono Pa zülo wuni keu phulo!

LESHELE 132:8

Ithulo, O Ampeu, No eno O kughushu Puloshoqhi bohu ishi O kulhokiqhi-a lo ighilo.

LESHELE 27:4

Thime lakhi I no Ampeu vilo khu ani, ti likhi I no phunani; ti ye I küxü kupuju lo Ampeu kilo acheni keu, Ampeu jukivi shou jupuku eno Pa chineki lono Pa pulou ighijuni keu ke.

LESHELE 74:7

Panongu no O chineki lo ami süvetsü; O je achekeu ki shikitiqeve, eno ayeghi lo xaleqhive tsüe.

LESHELE 79:1

O Alhou, shiyeqo ye O mheghi lo iloghivae; panongu no O kimthe chineki shipixive tsüae; panongu no Jerusalem kütsavae.

LESHELE 84:1

O Aqokitikhi Mpeu, O kungo-a ye kiutoi aghile kela!

LESHELE 84:3

Tüghashoqhi ghi aki acheni, akhalu ghi ati khokepu püsü, O kümlla khache shou acheni, O aqokitikhi Mpeu, I kükau eno I Lhou.

LESHELE 96:6

Ajuküvü eno akükanguagha ye Pa zülo ani aküka eno jukivi no Pa chineki chhitoi ani.

ISAIAH 65:11

Ikemu nongu khunoqo Ampeu qhive keno, khunono I kimthe naghuto kümsümave keno, Angukümgha ithulu niye achuqupu pesü mlla chekeqo, eno Kükümgha ithulu niye atsaiji jeli kitekungo chekeqo,

JEREMIYA 6:11

Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

JEREMIYA 7:14

tighenguno I no Shiloh lo mlake toi, nongu no pükhübe chekeu, I je lono kukeu kibo shou eno no puasüqo tsükeu yeghi shou ghi titoi shinani.

JEREMIYA 9:21

Ni lashe lo akithi iloghivae; niw kükakiqo lo iloghivae, tino alaghila lo ni tianuliqo eno kobidi-a lo lhothemiqo shou kütsale ighivae.

AKUMLO 1:10

Liw akughupu thime kümtsü aghümi no süxa luvae; kughengu shiye khipaqo Nono O kukuhomi gholo ilo pemoni keu shi ani keno, tipaqo no akimthe-a lo iloghi keu li no ithuluvae.

AKUMLO 2:1

Ampeu no kishi Pa mlokighide lono khüngküsü no Zion nga küzüluve kela! Pa no Israelmiw qhivütsünyi keu atsütsü lono ayeghi lo veqhive tsü; Pa mlokighide tsalani Pa ye Pa pukhu kinepu kümsü mlave.

AKUMLO 2:21

Alaghila lo ayeghimkhu lo kichimi itimi athoshi ikiqi ani; Iw ilimi eno apumiqo ye azütakikihi lono ikiqivae; Nono O mlokighide tsala lono kimiyemo no panoqo pithivae.

EZEKEL 23:25

I no I mlo kishikumo o shou puku nani, tishikeu lono panoqo no aloghu lono o peitha nani. Panongu no o nigipe eno o kini ghithave tsü nani, eno nongu ghülu kemi ye ghüyi lono wove nani. Panongu no o pu-angaqo küghaluve nani, eno nongu ghülu kemi ye ami lono pitiqhive nani.

EZEKEL 23:47

Aqokitikhi no atu pesü pama veqhi nani eno panoqo zütakikihi pesü pama ghiqhive nani. Panongu no pama pu-angaqo ghiqhive nani eno pama kiqo pitive tsü nani.

EZEKEL 24:16

“Timi nu, julo, o nhethi lo ikighi I no ghuthu khavino ikhi süwuve niye shivae; ikemu no ye mloqa kevilo, momu o nhezü piji kevilo.

EZEKEL 24:20

Tileno I no panoqo vilo pi, “Ampeu tsa I lau ighi:

EZEKEL 24:22

Nongu ye I no kiu shi keno tishi nani; nongu no nongu kichi küzümo nani, momu timi shopa chumo nani.

EZEKEL 24:25

“Timi nu, tipa tsalani I no mtsüqheino panow sükusho-a, pano lokivi eno ajuküvü, pano nhethi lo ikighi, pano ngulho no puloniqhiyi chekeu, pano pu-angaqo ikhipe wuve nani,

EZEKEL 33:28

I no ayeghi pesü küghüküghalei amekühave tsü nani, li kumto qheküza kishekhave tsü nani, eno Israel lo naghutoqo agha itsüvepe nani tishikeu lono khumu katha move nani.

EZEKEL 7:24

I no shiyeqo dolo alhoksau saghi no panoqo ki luvepe nani. I no akumtomi qheküza kishekhave tsü nani, eno panow akimthe-aqo ye shipixive nani.

EZEKEL 9:7

Tithiu Pa no I vilo pi, “Achineki shipixi lo, eno achineki khala lo ghiqhive keqo pesü shepichhi lo.” Ikehu panongu no wuno aphughi kupuju ghiqhi thuve.

DANIEL 11:31

Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

HOSIYA 9:16

Ephraim ye micheqhivae; pano kuhu ye qhaivae; panongu ye axathi pithimoae. Panongu no atianuli punu namu, I no pano no qhuivü chekeu tianuliqo pithive tsü nani.

ACHINE 26:19

I no nongu qheküza shipühave tsü nani, atsütsü no tsüghu move no ayi kümka toi eno ayeghi no alazayi toive nani.

MALAKI 2:12

Alaghami dolo khukhumu hipa gholau no akümllagho pesü aqokitikhi Mpeu tsükeu ye Ampeu pelo Jacob phiki lono ikhive peni!