EZEKEL 24:14 - Sumi Naga CL (Re-edited) Bible (BSI)

¹⁴ Ni ye Ampeu ke. I no piqhivae; tipau ye shikupu nani; I no tishi nani. Ni ye palokuto monani; Ni ye akipimi qhitsümo nani; Ni ye qhivemo nani; nongu laghi eno nongu kümlaqo kiqi lono nongu shou küghatha nani ipi Ampeu Alhou no sheshu.”

BAIBEL (BSI)

¹⁴ Ni, Akughushu MPEU no pivae. Ino chhosu masakeu ghuloki ighivae. Niye oxineqo palokutovemo nani momu kimiyekeu eno kupukeu piyemo nani. Nono mula puakeu ghenguno oghimeqhive nani.” Akughushu MPEU no pivae.

EZEKEL 24:14 Iomraidhean Croise

JOB 27:22

Tino kimiye mono pa shou vepuku kelo pa ye tipau launo shoxashi po nani.

LESHELE 33:9

Kughengu Pa no atsa pi kelo shikupuve; pa no azah tsükelo ti ye akumtoshi puthughove.

ISAIAH 3:11

Kixikilami hasapue! Pa sala aghime anani, kughengu pa no shike toi pa lau shitsü nani.

ISAIAH 55:11

Tihutoi I launo ipekeu atsa ye tishi nani; ti ye I lau kümsa ideighimo nani, ikemu I no kiu shinike kughu püani keno, tipau lo tokulu shi nani.

JEREMIYA 13:14

I no apu-anu dolo lakhino lakhi ghadaqhi kilepe nani, ipi Ampeu no sheshu. Ni ye panongu kütsamo no amlo ighiqhiyi püxüve momu kimiyeqhiyi keu shimo nani.’”

JEREMIYA 23:20

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 4:18

O laghiqo eno o kümlaqo no o shou hipau süghivae. Hi no o ghimepu tsala, hi ye khumtsai o mlo kutolo ilo chuxutsü ani.

EZEKEL 16:43

Kughengu nono o lhothe tsalaqo kümsü move, ikemu thime hi kümtsü vecheo I mlo shikighideve ke, tighenguno julo, I no o kümlaqo pesü o kütsü shou shekichile shipukuve tsü kepi Ampeu Alhou no asheshu. No ye ow aphikümqhüpu kümla kümtsü shou asalha pesü shoqabe ke kumo keshea?

EZEKEL 17:24

Eno aluza lo asübo kümtsü no Ni ye Ampeu kepi ithi nani; asübo qhemghai keu I no aqhou saiqighive nani, eno chuninhei keu pesü qhemghaive tsü nani, miniboi akeu pesü kimghoive tsü nani eno qhaikeu pesü xüthilei tsü nani. Ni ye Ampeu ke; I no piqhivae, eno I no tipau shi nani.”

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

EZEKEL 22:31

Tighenguno I no I loghu panoqo shou lepuku ke. I no I loghu miküqü pesü panoqo pitive. I no panoqo laghi pesü pano kütsü lo lepuku tsü kepi Ampeu Alhou no sheshu.”

EZEKEL 23:24

Eno panongu no ahuu no khurkulu ngo akhokupu tuhakulu, eno timi aqokitikhi ishi o mjochile ighi nani. Panongu no azüto kije kitila, eno akütsükuqho xapusü ako kümtsü lono o shou aghili kutope khe nani; eno I no küghakütha panoqo shou qhivetsü nani, panongu no panoqow küghakütha kiqi lono o shou küghatha nani.

EZEKEL 23:29

panongu no akimthipu shi o peitha nani eno nono aghimeshi mlaitha keu xathi pewuve nani, eno aphimini pepipe mono aphikümsa o qhive nani, nono kütüqha keu phikümsa shi akeu ye lhapheve tsü nani. O salha eno kütüqha keu

EZEKEL 24:15

Ampeu tsa I lau ighi:

EZEKEL 30:9

“Tipa tsalani I launo atsapemi no zükiluqo lono wuno pülüküpsa küha kemi Cush lo timiqo kichi kümsa niye shinani, eno Egypt mhekiqi tsalani kütakihi keu no panoqo shou ikughi nani; kughengu julo, ti ye ighivae!

EZEKEL 36:19

I no shiye gholo panoqo kutholeve, eno panongu ye aghakhuqo lo apanagha wuve. Pano laghi eno pano kümla kiqi lono I no panoqo shou küghatha ke.

EZEKEL 5:11

Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

EZEKEL 7:3

Itehi kishekha ye nongu shou ighivae, I no I mlokighide nongu shou puwu nani; I no nongu laghi kiqi lono nongu lau küghatha nani, eno nonguw aphikümqhüpu kümtsü ghenguno I no nongu ghime nani.

EZEKEL 7:4

I nhethi ye nongu juzüvemo momu Ni ye amloighi monani, ikemu nongu gholo aphikümqhüpu ake lono I no nongu kümla ghenguno nongu ghime nani. Tileno nongu no Ni ye Ampeu kepi ithi nani.

EZEKEL 7:8

Itehi ye I no mtazü nongu shou I loghu pukuni eno I mlokighide nongu shou pukuni, nongu laghi kiqi lono nongu lau küghathani, nonguw aphikümqhüpu kümtsü ghenguno I no nongu ghime nani.

EZEKEL 7:9

Eno I nhethi ye nongu juzüvemo nani momu Ni ye amlosa qhiyi monani. Aphikümqhüpu no nongu gholo aphi lono I no nongu kümla ghenguno nongu ghime nani. Tileno nongu no Ni ye Ampeu nongu ghimeqhi keu kepi ithi nani.

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

EZEKEL 9:10

Ikemu I ghengu ye, I nhethi no juzüve monani, momu Ni ye amlosa qhiyi monani; I no panoqo kümla pesü panoqo kütsü shou betsü nani.”

ZEKHARIA 8:14

Kughengu aqokitikhi Mpeu no piani: “Kughou nongu puasüqo no I loghu shikighide keno I no küsakusho süghini ye kughu, eno ti süchilemo ketoi,

AKIKIHI 11:23

Ampeu no khochile, “Ampeu u ye ikholove akeshea? I tsa ye o ghenguno kuchou shinani kemo keno nono ithi nani.”

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

SAMUEL ATUGHIU 15:29

Itaghi Israel Juküvü ye mikimo momu amlo kilimo nani, kughengu Pa ye timi kumo kehu amlo kilimo nani.”