EZEKEL 24:11 - Sumi Naga CL (Re-edited) Bible (BSI)

¹¹ Ali kümsa amibalu shou ghope qhilo, tishino tipau pelo akülü shive pelo, aküsayi li shipiti lo, tishino tipau mithekumo tileno pitidave pelo, tipau pitidave keu ye kühave pelo.

BAIBEL (BSI)

¹¹ Itehiye alazayili kumsa akeu pesu amibalu shou pepukulo eno tipau pelo huchuyi shukuthuive pelo.

EZEKEL 24:11 Iomraidhean Croise

ISAIAH 1:25

I no nongu shou I u ghapukuni eno nongu baghu kümtsü ayi ghukimthe keshi pitive tsüni.

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

ISAIAH 4:4

Ampeu no Zion limiqo xine qhuve tsüno küghatha kepu mi pesü Jerusalem no aji dapu akeu pitive kethiuno titoi shinani.

JEREMIYA 21:10

Ni ye mishighüna hipau shou akivipu kumono aküsapu ghenguno I kupulo shivae, Ampeu no asheshu: ti ye Babylon kükau u lo süvetsü nani eno pa no ami no pitive nani.’

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

JEREMIYA 37:10

Nongu no Chaldeami ghüshimi no sasü aghüshi akemi qhoi leluve no izave kemi likhi aphiki lo qhive namu, panongu no ithughi no ami pesü mishighüna hipau pitive tsü nani.’”

JEREMIYA 38:18

Ikemu nono liqhipe tsümo aye, mishighüna hipau ye Chaldeami u lo süvetsü nani, panongu no ami pesü hipau pitive nani eno no ye panongu u lono polumo nani.”

JEREMIYA 39:8

Chaldeami no akükau ki eno timiqo ki pitive tsü, eno Jerusalem tupikiye ghi hepholeve tsü.

JEREMIYA 52:13

Pa no Ampeu ki, kükaki eno Jerusalem lo aki kümtsü pitive tsü; aki kijeje thaqhü pa no pitive tsü.

EZEKEL 20:38

Nongu dolo hekibidemi eno I mjochile ghi axine shi chekemi ye I no ikhive nani. Ayeghi khile panongu no kachena shicheni keno tile no I no panoqo saipeghive nani, ikemu panongu ye Israel yeghi lo ilolumo nani. Tileno nongu no Ni ye Ampeu kepi ithi nani.

EZEKEL 24:10

Asü ghepuku lo, ami küqülo, ashi akivishi belelo, vekujumkhu akivishi xukütsü lo, eno aghiqo ye pitive lo.

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”