EZEKEL 22:4 - Sumi Naga CL (Re-edited) Bible (BSI)

⁴ Nongu no aji pele keu vecheo akipimi shivae, eno asü-atu julhoqo mla keu no nongu shikitiqevae, nongu no nongu tsala kupunu saghivae, nongu mpe kihitha püakeu do ye ighivae. Tighenguno I no nongu pesü shiyeqo lau küthaküghapu eno aghakhu kümtsü zülo jukünatha kepu shive tsüae.

BAIBEL (BSI)

⁴ Noye hupaqo ghiqhive keulo kuquvea eno asu-atu julho nono shikeuno kitiqevae, ike otsalaye ighivae, odoye tovae! Ikehu ino ashiayeh kutami pelo othaigha peke eno ayeghi kutau akemiqono ophimo gihumoke.

EZEKEL 22:4 Iomraidhean Croise

KUKAMI ATUGHIU 9:7

I no Israelmi tsükeu yeghi lono panongu hapheve nani, eno aki khikhi I je ghenguno shikimthe püani keno I nhethe lono ikhive nani. Israel ye ashiayeqo gholo küghakiche eno küthakügha shive nani.

KUKAMI AKINIU 21:16

Manasseh no Judah sasü axine lo ilokeu lono panongu pelo Ampeu zülo axine shive peke likhi kumono, pa no amikuchomi kutomo pithive tsükeu ji no Jerusalem halau no halau kutolo qowue.

YEKIKITHI AKINIU 7:20

I no I yeghi o tsü püakeu lono o hapheve nani eno aki khikhi I no I je ghenguno shikimthepe püani keno, ti ghi I zülono ikhive nani. Eno hipau pesü küghakiche tsa eno thoküghapu shivetsü nani.

LESHELE 79:4

Ningu ye ni cheaxümi zülo atichepu shivae, ni sümxape akeqo no junu eno pipütha anie.

JEREMIYA 18:16

pano yeghi pesü akümsapu shitsüe, alholo ghenguno atichepu shivae. Tipau veche kemi kümtsü no thüghüi pano kütsü küngüe.

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

EZEKEL 16:57

ti ye ow küsakügha lhapheve tsümphi züu ke kumo? Syria ngaqo eno li homxape akeqo kümtsü zülo eno Philistiami ngaqo ngo hokümxa lo akemi o jukünatha chekemi kümtsü zülo itehi no ye küthaküghapu shivae.

EZEKEL 21:28

“Timi nu, no ye tungkuptsa pilo, Ampeu Alhou no Ammonmi ghenguno eno panow küthakügha ghenguno ishi piani pilo; Azütakikihi, azütakikihi ye ghiqhini ke ghenguno süjophevae. Ti ye ghiqhini ke ghenguno ilomphui shipe ani eno tsütsüpha kukulo toi kulo ani,

EZEKEL 22:2

“No, timi nu, no ye küghathabeni ma, no ye aji pele keu mishighüna shou küghathabeni ma? Liw aphikümqhüpu kümtsü li vilo sheshu lo.

EZEKEL 23:32

Ampeu Alhou no ishi piani: “No ye o fo jukhu lono sho nani ti ye kije eno thonhei; o junuqhi nani eno cheqhi nani, kughengu ti ye chhitoi ani;

EZEKEL 23:7

Li no panoqo sasü kütüqha, panongu ye kümtsü Assyriami kishekiphemi ke, eno li no khunoqo sasü ghaghu shi cheni keno panoqo sü-atu julho pesü li shikitiqe ke.

EZEKEL 24:7

Kughengu li no aji pele keu ye li gholo ani; li no tipau pesü atuqu shou lepuku ke; ayeghimkhu pesü tipau jonhani ye li no ayeghi lo leqhi move.

EZEKEL 24:8

I loghu shikighide eno amkhü luniye li no aji pele puku keu tuqu shou I no aji lepuku ke, tishikeu lono ti ye nhape moniye ke.

EZEKEL 36:15

I no nongu pelo shiyeqow küthakügha chilu pemove nani, nongu ye ashiayeqow küthakügha xapu move nani eno no shiye pelo küpxalu pemo nani, Ampeu Alhou no asheshu.”

DANIEL 9:16

“O Ampeu, O mikucho kümla kiqi lono Jerusalem, Ow mishighüna, O kimthe toghi lono O mlokighide eno O loghu tsüghüve tsülo, ni xine eno ni puasüqo kipimi ghenguno Jerusalem eno Ow timiqo ye ningu sühope akemiqo kümtsü zülo küthakügha shivae.

ACHINE 26:32

Ni ampi no aghakhu kütsale nani eno no ghümi tile akemi no apuchopungo nani.

AKIKIHI 32:14

Julo, Israelmi shou Ampeu xukighide kighishe penike nongu axinemi tianuliqo no nongu papuqo theli lo ipeghivae!

ZAKINIU 28:37

Ampeu no khile nongu puwuveni keno, ashiaye tipaqo gholo nongu ghili akümsapu, ahole, eno atichepu shi kügha nani.

ZAKINIU 29:24

tile shiye kümtsü no ishi pi nani, ‘Ampeu ye kushiye axuide aghakhu hipau lau hitoi shi kea?’

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.