EZEKEL 22:3 - Sumi Naga CL (Re-edited) Bible (BSI)

³ No ye ishi pilo, Ampeu Alhou no ishi piani: Mishighüna no aji pele, eno asü-atu julhoqo mla no li ampi shikitiqe kehu li tüqhüdo ye ighivae!

BAIBEL (BSI)

³ Aphughi vilo ni, Akughushu MPEU no kiu piani keno tipau pesu pilo: Nono olikhi owu timi kumzapu ghiqhi pithive eno asu-atu julho mllakeu lono olikhi okitiqeve ake ghenguno oghulokiye ighivae.

EZEKEL 22:3 Iomraidhean Croise

KUKAMI AKINIU 24:3

Judah shou hi ikughi keu ye mtsüqheino Ampeu zakütsü lono ke, tishianguno pa zülono Judah ikhive niye, ti ye Manasseh no axine kümla shike ghenguno ke,

KUKAMI AKINIU 24:4

eno pa no pimihami ji pele keu ghengu ghi ke. Kughengu pa no pimihami ji no Jerusalem lo pichhive eno Ampeu no tighenguno akipimi qhitsü mlave ke.

LESHELE 106:39

Ikehu panongu ye pano kümlaqo vecheo mithe move, eno pano kümlaqo sasü kütüqhauve ke.

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

EZEKEL 12:25

Kughengu Ni ye Ampeu ke; I no pinikeu tsa I no pi nani, eno tipau ye shikupu nani. Tipau ye munuve monani, ikemu O hekibide laghami, nongu ghuloki lono I no atsa pi nani eno tipau shikupu nani, Ampeu Alhou no asheshuvae.”

EZEKEL 22:2

“No, timi nu, no ye küghathabeni ma, no ye aji pele keu mishighüna shou küghathabeni ma? Liw aphikümqhüpu kümtsü li vilo sheshu lo.

EZEKEL 22:27

Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

EZEKEL 22:4

Nongu no aji pele keu vecheo akipimi shivae, eno asü-atu julhoqo mla keu no nongu shikitiqevae, nongu no nongu tsala kupunu saghivae, nongu mpe kihitha püakeu do ye ighivae. Tighenguno I no nongu pesü shiyeqo lau küthaküghapu eno aghakhu kümtsü zülo jukünatha kepu shive tsüae.

EZEKEL 22:6

“Israel sakiphemi nongu gholo akeqo julo, lakhikhi no pütüta küka kiqi lono tamono aji pele ani.

EZEKEL 23:37

Kughengu pama ye shupuvae, eno pama u lo aji hedape ani. Pamaw asü-atu julho sasü shupuvae, eno pama ye anuli khunoqo pama no punu keno tipaqo pesü achuqupu shi asü-atu julhoqo mllavae.

EZEKEL 23:45

Ikemu amikuchomi no shupu-salha kemi eno totimi aji pele kemi lau küghakütha shikeu pesü panoqo lau küghatha nani, kughengu pama ye shupu-salha chekemi eno pama u lo aji hedape ani.”

EZEKEL 23:7

Li no panoqo sasü kütüqha, panongu ye kümtsü Assyriami kishekiphemi ke, eno li no khunoqo sasü ghaghu shi cheni keno panoqo sü-atu julho pesü li shikitiqe ke.

EZEKEL 33:25

Tighenguno panoqo vilo pilo, Ampeu Alhou no ishi piani: Nongu no aji pusüsü keu shi chu, nongu nhethi no ajulhoqo ju, eno aji peleke; tishiaye nongu ye ayeghi amheghi shilu nani keshea?

EZEKEL 9:9

Tile Pa no I vilo pi, “Israel ngo Judah laghami kipimi ye shishe kije ke. Ayeghi hipau ye aji no chhitoivae, eno mishighüna ye achipikumo kümla no chhitoivae. Kughengu panongu no pi, ‘Ampeu ye ayeghi hipau phevae, eno Ampeu ye ithulu amoe.’

MICAH 3:10

aji pesü Zion shiqhe eno axine pesü Jerusalem shiqhe ke.

ZEFANIA 3:3

Li qholo hiyampemi akeqo ye abongshuu toi keqoe; xaküthami no avela tüngtüghaqo, tsütho mono külhüve chekeqo.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.