EZEKEL 22:26 - Sumi Naga CL (Re-edited) Bible (BSI)

²⁶ Li chinemi no I yezah shou ngukangugha shivae eno Iw akimthe thimeqo shikitiqevae. Panongu no akimthe ngo balha dolo kishe kütüta shimoe, momu mithekumo ngo akimthe dolo kiyeqü keu shika tsümoe, eno Iw Sabbath gihu tsümoe, ikehu panongu gholo Ni shikitiqevae.

BAIBEL (BSI)

²⁶ Achinemiqono iyezah kuboleve eno akimthe jeli panonguye sumsakeu kuhae. Panonguye akimthe ngo mithe kumo dolo kutuqukeu kuhae. Panonguye muqhamiqhiyi keu ngo muqhamiqhiyi mokeu dolo kututa shi akeu shikapiye chemoke eno panonguye Sabat pinye kughuchove cheni. Tishi keu lono Israilmiye isumsa chemoe.

EZEKEL 22:26 Iomraidhean Croise

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

JEREMIYA 15:19

Ikehu Ampeu no ishi piani: “Nono ideighi aye, I no o pesü athoputho tsüni, eno nono I zülo puthugho nani. Nono ameküküha tsa kumono akughupu tsa pi aye, no ye I kichi shinani. Panongu no o lau tsüghü ighi nani, ikemu no ye panongu lau tsüghü wumo nani.

JEREMIYA 2:8

Achinemi ye ishi pimoe, ‘Ampeu ye khile ani kea?’ Ayezah kipemi no Ni mthae, ambekhemi no I shou axine shive, tungkupmi no Baal je lono tungkuptsa pi eno ala shimo keu thime pape wuveke.

AKUMLO 4:13

Hi ye liw tungkupmi xine eno achinemi kipimi ghenguno ke, panongu no li yeghi lono amikuchomi ji peleke.

EZEKEL 22:8

Nongu ye Iw akimthe thimeqo thaigha eno Iw Sabbath shipixivae.

EZEKEL 23:38

Tinguno alau, pama ye I lau hipau shivae: pama ye atsala lakhi lono I kimthe chineki shipixi eno Iw Sabbath shikitiqevae.

EZEKEL 36:20

Ikemu kughou panongu no shiyeqo lau ighi keno, khile khilemu panongu no ighi aye I je kimthe shikitiqe, tipau vecheo timiqo no panoqo vilo pi, ‘Hipaqo ye AMPEUw timi, ikeghi panongu ye Pa yeghi lono ipeve masave ke.’

EZEKEL 42:20

Pa no ako bidi mighiju. Tipau lo akuptu homxape ae, akushulau auxakuchho 250, eno akijelau auxakuchho 250 ae, tipau no akimthe ngo balha dolo kothape ae.

EZEKEL 44:10

Ikemu Israelmi no lavela lo wuve kelo Levimi khunono I launo putosüve no ajulhoqo pape wuve keno, panongu ye aghime xapu nani.

EZEKEL 44:23

Panongu no Iw timiqo lau akimthe ngo balha dolo kiyeqü keu shika nani, eno kishino akimthe ngo mithekumo dolo kishe kütüta shilu nani keno piyetsü nani.

EZEKEL 44:24

Aküküpna lo panongu no xaküthami shini, eno Iw küghakütha kiqi lono küghathabeni. Panongu no Iw tiqhetini kümtsü lo I yezah eno akhuayeqo papeni, eno akimthe shi Iw Sabbath papeni.

EZEKEL 7:26

Kütsakungo keu shelo kütsakungo keu ighi; alatsa veküpha keu shelo alatsa veküpha. Panongu no tungkupu launo kungunhetsü phuju nani; achinemi launo ayezah eno layemi launo akükütsü pühave nani.

ACHINE 10:10

Nongu ye kiu no akimthe eno balha, kiu no mithekumo eno mqhamqhi keno ithi kütüta shi masae,

ACHINE 11:47

ti ye mithekumo ngo mqhamqhi keu dolo, aküxüküa lhoxü chuluni keu ngo chumlani keu küma dolo alaküxa shi ithi kütüta shilu peniye ke.

ACHINE 13:43

Achineu no pa jukuto no pa kütsü lo huchuyi apügha toi aghi aye,

ACHINE 20:25

Tighenguno nongu ye ashi aghau khipaqo no akimthe eno mithekumo keno mtsümishei kütüta shini. Ashi aghau mithemo keu ye chumoni. I no tipaqo ye mithemo kepi pivae eno tipaqo chukeu lono nongu ye mithe move nani.

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

MALAKI 2:8

Ikemu nongu ye mtsüqhei keu laghi lono tsüghü wuvae. Nongu kükütsütsa vecheo timi kutomo no küpxavae. Nongu no Levimiw puloshoqhi shipüsavae, aqokitikhi Mpeu no pi,

Rommi 2:24

Ti ye ishi yepüake toie, “Nongu ghenguno Jewkumomi zülo Alhou je küthakügha shi acheni.”

SAMUEL ATUGHIU 2:22

Eli ye ighono muchomi shive eno pa nu pama no Israelmi kümtsü lau kiu shiche eno kuposhukulu phiki kulaghi lo pama no totimi akümla kishimi sasü kishi züche keno chilu che.

SAMUEL ATUGHIU 2:29

Tishiaye kushiye I ghakishi eno I kümllagho khipaqo I no I chineki ghenguno azah tsü keno tipau thaigha eno Iw timi Israelmi no mlla keu lono ashi leqhi akiviu pe nongu ampi no atha pubeyi luve no I nguno alau o nuliqo gihuve kea?’