EZEKEL 22:21 - Sumi Naga CL (Re-edited) Bible (BSI)

²¹ I no nongu xukütsü nani eno I loghu miküqü nongu shou puku nani, nongu ye tipau lono pitive nani.

BAIBEL (BSI)

²¹ Ino Jerusalem lo panoqo hekutsu kumqo nani eno panoqo qhouno ami shipuku nani eno iloghu pesu panoqo pitiqhi nani.

EZEKEL 22:21 Iomraidhean Croise

KUKAMI AKINIU 25:9

Pa no Ampeu ki, aküka ki eno Jerusalem lo aki kümtsü pitive tsü; aki kijeje thaqhü pa no pitive tsü.

LESHELE 112:10

Kixikilami no ti ithulu no amloide ani; pa ye ahu tsüghü no hauve cheni; küsaküghami no lajuqhiyi achekeu ye pühave nani!

LESHELE 21:9

Kughou Nono ipeghi keno panoqo pesü amiphoki miküqü toi shitsü nani. Ampeu no Pa loghu lono panoqo pühave eno ami no panoqo pitive.

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

LESHELE 68:2

Amchhi fusawuve ketoi, nongu no panoqo haleve nani; ami phivilo aghügha no mlave keshi, kixikilami ye Alhou zülono hauve nani!

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ISAIAH 64:2

tipaqo pelo ami no asü lokaqo piti akeshi, eno ami no azü kumqho akeshi— tileno O ghümi pelo O je ithi penike, eno shiyeqo pelo O zülo khokhoshi msa peniye ke.

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

JEREMIYA 21:12

O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

JEREMIYA 8:13

I no panongu hekütsü kelo, Ampeu no asheshu, atsaibo lo atsaithi küha nani, mububo lo mubuthi küha nani; anipaqo ghi kimghoive nani, eno I no kiu panongu tsü keno pano launo süwuve nani.”

JEREMIYA 9:7

Tighenguno aqokitikhi MPEU no ishi piani: “Jualo, I no panongu thakütsüghü eno pejuni, Iw timiqo ghenguno Ni ye kiu shilo pi kea?

EZEKEL 21:31

Eno I no I loghu kighide nongu shou lepuku nani; I no I loghu miküqü pesü nongu ghaqhi nani, eno nongu pesü ajiküxümi, kütsakungo keu lo shitsami u lo phesüve tsü nani.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

ZAKINIU 32:22

Kughengu I loghu no ami iqüvae, tino Kithigha kutho kutolo piti nani, ayeghi ngo tile akeqo pitive nani, eno naghuto boqha pitive nani.

ZAKINIU 4:24

Kughengu Ampeu nongu Lhou ye amiküqü eno anhekushu Lhou ke.