EZEKEL 22:14 - Sumi Naga CL (Re-edited) Bible (BSI)

¹⁴ I no nongu peithani ke tsalani nongu ye amlo mtolu nani keshea momu nongu u ye mtolu nani keshea? Ni Ampeu no piqhivae, eno I no tishi nani.

BAIBEL (BSI)

¹⁴ Nonguye amlo kuloghipu ani kughashi kumsu ani kesha? Momu ino nongu puhake ghulokilo nongu u peqhe kulupu kumto ani kesha? Ni, AMPEU no pivae eno niye itsa qhilu chenike.

EZEKEL 22:14 Iomraidhean Croise

JOB 40:9

No ye Alhou u kumto toikeu ani keo, eno Pa sütsa toi mghachhoi ighalu nani keshea?

ISAIAH 28:22

Ikehu itehi ye thogha akevilo, tikumo aye nongu yikichhe ye mishishei kithe niae; kughengu aghakhu kuchopu kütsani keu xaküthaza I no aqokitikhi MPEU launo chiluvae.

ISAIAH 31:3

Egyptmi ye Alhou kumono timi, panow khurshi ghi ashi phimpi kethono aghungu kumoe. Ampeu no Pa u chhopuwo kelo akukuphu tsü akeu ngo ithulu akeu kinikujo ikiqi pühave nani.

ISAIAH 45:9

“Khuu no pa lhokeu sasü mtoni keno ahasapue, pa ye ayeghi li dolo lakhike! Aghani ye ali kümlau vilo, ‘No ye kiu mla ani kea?’ momu ali ye akümlau vilo, ‘O kümla ye akixi kühae’ ipi luni keshea?

JEREMIYA 13:21

Nono o küsami shi penike shika keqo no o kütsü shou ikughive kelo no ye kiu pilu nani kea? Totimi no apunu küsü sü aketoi no ye küsakushu no o tsügha luve moni keshea?

EZEKEL 17:24

Eno aluza lo asübo kümtsü no Ni ye Ampeu kepi ithi nani; asübo qhemghai keu I no aqhou saiqighive nani, eno chuninhei keu pesü qhemghaive tsü nani, miniboi akeu pesü kimghoive tsü nani eno qhaikeu pesü xüthilei tsü nani. Ni ye Ampeu ke; I no piqhivae, eno I no tipau shi nani.”

EZEKEL 21:7

Kughou panongu no o vilo, ‘Kushiye no ye mloqa ani kea?’ ipi aye pilo, ‘Sütsasüli ighini ye akeu ghenguno ke. Timi kümtsü mlo hauve nani, eno kümtsü u khokhoive nani; kümtsü ghungu aphi ije move nani, eno kümtsü khonhe no azü toi qeive nani. Julo, ti huye chenie, eno shikupu nani.’” Ampeu Alhou no asheshu.

EZEKEL 23:34

nono ti qhoi tayeve nani, eno ajukhu tsapho no atachu pesü o kichhi ghale nani; kughengu I no piqhivae, Ampeu Alhou no asheshu.

EZEKEL 24:14

Ni ye Ampeu ke. I no piqhivae; tipau ye shikupu nani; I no tishi nani. Ni ye palokuto monani; Ni ye akipimi qhitsümo nani; Ni ye qhivemo nani; nongu laghi eno nongu kümlaqo kiqi lono nongu shou küghatha nani ipi Ampeu Alhou no sheshu.”

EZEKEL 28:9

O ghiqhini kemi zülo no ye timi thono alhou kumo keghi pano nhethe lono no ye itaghi, ‘Ni ye alhou ke,’ ipi ani keshea?

EZEKEL 36:36

Tileno shiye nongu hokümxa lo akeqo no Ni ye Ampeu kepi ithi nani; kütsave keu-aqo ye I no shiqhevae eno khikhi pighive keno tipau lo sübo tsüni shosü kithevae. Ni ye Ampeu ke; I no piqhivae, eno I no tipau shinani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

EZEKEL 6:10

Panongu no Ni ye Ampeu kepi ithi nani. Ni ye panoqo lau kixikila hipau shinie pi akiqi kühano pi püamoe.”

EZEKEL 7:17

Au kümtsü qeivae, eno akhonhe no khokho shivae.

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

MALAKI 3:2

Ikemu khuu no pa ikighi tsala lo kutuu luni, eno khuu no pa no ipeghi kelo puthugho luni kea? Kughengu pa ye ghukimthe chekeu mi toi eno aphi kighishimiw asalu toi ke.

Mark 13:31

Atsütsü eno ayeghi ye hauve nani, ikemu I tsa ye hauvemo nani.

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

IBRIMI 10:31

Aküxüpu Lhou u lo ikiqi ilolu keu ye kümsa kimshipue!

SAMUEL ATUGHIU 15:29

Itaghi Israel Juküvü ye mikimo momu amlo kilimo nani, kughengu Pa ye timi kumo kehu amlo kilimo nani.”