EZEKEL 21:7 - Sumi Naga CL (Re-edited) Bible (BSI)

⁷ Kughou panongu no o vilo, ‘Kushiye no ye mloqa ani kea?’ ipi aye pilo, ‘Sütsasüli ighini ye akeu ghenguno ke. Timi kümtsü mlo hauve nani, eno kümtsü u khokhoive nani; kümtsü ghungu aphi ije move nani, eno kümtsü khonhe no azü toi qeive nani. Julo, ti huye chenie, eno shikupu nani.’” Ampeu Alhou no asheshu.

BAIBEL (BSI)

⁷ Panonguno ovilo noye kushiye sukutu igha ani kelapi iniju keulo panongu vilo asutsa chekeu ghenguno kepi khochilelo. Kughou asutsa tipau ighini keno, panongu mloye akumsano chhitoive nani, panonguye tuthu ijunaive nani, pano mlo kuloghi hauve nani eno panongu khonheno thuthu shiuve nani. Aghulokiye ighivae; hi cheake.” Akughushu MPEU no pivae.

EZEKEL 21:7 Iomraidhean Croise

SAMUEL AKINIU 17:10

Tileno amlo kumtomi khuno mlo no abongshuu mlo toi keno, panoqou ghi shishe msave nani, kughengu Israelmi kümtsü no o pu ye aghütomi, eno pa gholo akemi ye aghükivimie pi ithi ani.

KUKAMI AKINIU 21:12

tighenguno Ampeu Israel Lhou no ishi piani: Julo, I no Jerusalem ngo Judah shou chikulumi pelo akini ghi mthomzai pekepu küsakusho puwuni.

LESHELE 58:7

Azü no qopühave ketoi panoqo ye hauve pelo; kughou pano no apiji pesü mijini keno mbabaive pelo.

IPEKULU 15:15

Edom lo atomi ye itehi aghüthi süvae; akümsa no Moab sakiphemiqo tsüqü luvae; Canaan lo küxümi kümtsü no amlo hauvae.

ISAIAH 13:7

Ikehu timiqo u lo aküka kühave nani, eno kümtsü no amlo hauve nani.

ISAIAH 28:19

Panongu no inaqhe atsütsü, puchou eno putho lo ika ighike kümtsü lo nongu küghape wuve nani; eno hipa tsape vethalu kelo thüghüi nani.

ISAIAH 35:3

Au miqemlei akemi eno akhonhe khokhoshi akemi shikumto tsülo.

ISAIAH 7:2

Kughou “Syria ye Ephraim sasü visho shipe ani,” ipi David laghami Ahaz vilo pi keno, pa ngo paw timiqo mlo ye amülhü no aghasü lo asüboqo fukini keshi khokho shive.

JEREMIYA 26:12

Tile Jeremiah no hiyampemi eno timiqo vilo pi, “Ampeu no aki hipau eno mishighüna hipau mjochile keu tungkuptsa pi penike I puwu keu nongu no chiluvae.

JEREMIYA 49:23

Damascus ghenguno: “Hamath ngo Arpad ye avesavae, kughengu panongu ye asütsa lhoksa chiluvae; akümsa no kütakihivae, azüghi no qümüi mla ketoi auvae.

JEREMIYA 50:43

“Babylon kükau no tipaqo sütsa chiluvae, pa phiau thizümüivae; amlo ghuju no pa tshüluve no totimi no apunu küsü lo ake toivae.

JEREMIYA 8:18

I lokivi ye chevae; amloksa I shou ikughi ani; I mlo no aghime shi ani.

AKUMLO 5:17

Hi ghenguno ni mlo ye sü ani, hi ghenguno ni nhethi ye zamemeivae,

EZEKEL 20:49

Tile I no pi, “Ah, Ampeu Alhou! Panongu no I vilo pi ani, ‘Pa ye aholetsa iqikipheu ke kumo keshea?’”

EZEKEL 21:15

tishikeu lono panoqo mlo ye hauve peni eno kutomo no küpxalu nani. Panow khagho kümtsü lo azütakikihi phuphuike püani. Ya, ti ye tsütsüpha toi mlavae, ti ye ghiqhini ke ghenguno ikhiqhe luvae.

EZEKEL 21:6

“O ghengu ye, timi nu, mloqa lo; amlo hepho eno kukhukimji küqa shilo, panoqo nhethe lono mloqa lo.

EZEKEL 21:8

Ampeu tsa I lau ighi:

EZEKEL 22:14

I no nongu peithani ke tsalani nongu ye amlo mtolu nani keshea momu nongu u ye mtolu nani keshea? Ni Ampeu no piqhivae, eno I no tishi nani.

EZEKEL 24:19

Timiqo no I vilo pi, “Nono hipaqo shi akeu ghilisüqe ye kiu kiqi keno no ye ningu vilo pimo keshea?”

EZEKEL 6:2

“Timi nu, Israel lo naghutoqo küdau o gi kughopuwo lo, eno panoqo küla keu tungkuptsa pilo,

EZEKEL 7:17

Au kümtsü qeivae, eno akhonhe no khokho shivae.

EZEKEL 7:26

Kütsakungo keu shelo kütsakungo keu ighi; alatsa veküpha keu shelo alatsa veküpha. Panongu no tungkupu launo kungunhetsü phuju nani; achinemi launo ayezah eno layemi launo akükütsü pühave nani.

DANIEL 5:6

Tileno akükau ju ye kilive, eno pa kükümsü no pa shithüghüive; pa phiau no thizümüive no pa khonhe no kügha thuve.

ACHINE 26:36

No ghümi yeghi lono I no nongu xüakemi mlo shikulotive tsünani. Asü nipa fupe chekeu sütsa no panongu shikümsa azütakikihi zülo poche keshi kuha nani, eno khumu hachemo keghi iluqi nani.

NAHUM 2:10

Pighivae! Küghüküghalei eno kütsalevae! Amlo hau, akhonhe khokhoshi; aphi kümtsü amloghuju likhi; kümtsü no agi phalaivae!

Luke 21:26

Timiqo no ayeghi lo kiu chea keno kümsü juno akümsa lono ikiqi thiuve nani. Kughengu atsütsü qholo aküka jeli akeqo süküghütha nani.

ZAKINIU 20:8

Kijemi no timiqo vilo itaghi pini, ‘Hile khuana msa momu amlo loti ani keshea? Pa ye aki lo wolu nani, tikumo aye pa no kütami mlo ghi shikulotive tsü nosae.’

IBRIMI 12:12

Tighenguno, nongu u thizümüi keu peqhelo eno nongu khonhe miqemlei keu shikumto lulo,

JOSHUA 5:1

Jordan ghoki kulolau Amorimi kükami eno azüghi mkülo Canaanmi kükami kümtsü Ampeu no Israelmi no Jordan kathalu mphi kutolo Ampeu no qhaive tsükeu sütsa chilu kemtsa, panongu mlo hauve eno Israelmi ghili kümsüpe aghungu aphi ije move.

JOSHUA 7:5

Aimi no pano 36 pithive tsü eno aphughi khagho lono hasü Shebarim kutolo wuno atuxu lono panongu pithive. Ikelo timiqo mlo ye pitikümlave keu zü toive.

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.