EZEKEL 21:3 - Sumi Naga CL (Re-edited) Bible (BSI)

³ eno Israel yeghi vilo pilo, Ampeu no ishi piani: Julo, Ni ye nongu lachile ani eno asükhi lono I zütakikihi süjove no amikuchomi na kixikilami namu ghiqhive nani.

BAIBEL (BSI)

³ AMPEU no piani kepi piputolo: Niye oghumike. Ino azutakihi sujono nongu kumtsu, kivimi na alhoksami namu aphiphi shi ghiqhi nanike.

EZEKEL 21:3 Iomraidhean Croise

JOB 9:22

Hi ye aphiphi kehu I no pi ani, ‘Alhou no pimimo kemi ngo kixikilami aphiphishi kütsave cheni.’

LESHELE 17:13

Ithulo, O Ampeu! pa mjochile lo, pa qhasüve lo! O zütakikihi pesü kixikilami launo I ngulho xaphe tsülo,

LESHELE 80:17

Ikemu timi nu khuu Nono saputhu no akumto shilupe keno O u ajeu akeu timi hu shou O u belo.

LESHELE 83:15

Ow pasapagha no panongu hakuqoqhi lo, eno amülhü küsa no panoqo shithüghüi lo!

IPEKULU 15:9

Aghümi no pi, ‘I no hawuni, I no züthaveni, I no hakhokulu kijeveni, I no kümsü akeqo luveni. I no I zütakikihi süjopheni; I u no panoqo kütsaveni.’

YETSAPIU 9:2

Hi ye kümtsü ghenguno aphiphi ke, amikuchomi ngo kixikilami, akivimi ngo alhoksami, mqhamqhi kemi ngo mithekumomi, aghakishimi ngo shimo kemi, kümtsü aphiphi ke. Kivimi no axinemi nguno akiviu ke kumoe, eno ashoqhi shikemi no shimo kemi nguno akiviu ke kumoe.

ISAIAH 10:5

Aha, Assyria, I loghu lo peitha chekeu qheküsü pano u lo anie!

ISAIAH 34:5

Atsütsü lono I zütakikihi kutope I no kütsani ye akemi Edommi shou küghathani ke iqi cheni.

ISAIAH 57:1

Amikuchomi no thive keghi khumu amlo lo kümsüpu moe; khunomu vethamla no akelono amlo kütsümi sawuve ke. Kughengu achipiu-mikuchomi ye amhekiqipu lono sawuve;

JEREMIYA 17:27

Ikemu nongu no I tsa inimo, Sabbath tsala akimthe shi qhimo, akho xapusü Sabbath tsala lono Jerusalem khagho veche ilo aye, I no ghapinhe mlakeu mi pesü Jerusalem khaghoqo eno liw jukivi kighikiqo pitive tsü nani.’”

JEREMIYA 21:13

“Julo, O akhila eno aqa lo atuqu lo küxümiqo, Ni ye nongu mjochile ani, ipi Ampeu no asheshu; nongu no picheni, ‘Khuu no iqighi no ni mjochile eno ni kungo-a lo iloghini kea?’

JEREMIYA 21:14

Nongu kümla xathi kiqi lono I no nongu ghime nani, ipi Ampeu no asheshu; I no li ghasü lo ami süvetsü eno tino li hokümxa kümtsü pitive nani.”

JEREMIYA 50:31

“O aqheküzau, I no o le nani; Ampeu aqokitikhi Lhou no piani, o ghimeni keu ghuloki ighivae.

JEREMIYA 51:20

“No ye I yihesü eno I ghünanu, o pesü I no shiyeqo hepho cheni; kükaqhaqo kütsakungo cheni;

JEREMIYA 51:25

“O kütsale chekeu naghuto, Ni ye o küla ani, ipi Ampeu no sheshu, nono ayeghi kütsale ke; I no o shou I u chhopuku nani, atuxu lono o kulu piqi nani; eno o pesü pitileve keu naghuto shive tsü nani.

EZEKEL 13:8

Tighenguno Ampeu no ishi piani: “Nongu no kichile tsa piqhi eno pishikiqhi kungunhetsü ithuluke ghenguno, julo, Ni ye nongu lachile ani, ipi Ampeu Alhou no asheshue.

EZEKEL 14:17

“Momu I no ayeghi tipau shou azütakikihi süghi no, azütakikihi no ayeghi hipau kathawu pelo, eno I no tile timi ngo tüghashi ghiqhive tsüniye shi aye,

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 21:19

Timi nu, Babylon kükau zütakikihi ighini ye akeu ghenguno alaghi kini amichi shilo. Tiküma kinikujo ayeghi aphiphi lono ighi nani. Eno amchipu lakhi mlape mishighüna laghila lo qhilo.

EZEKEL 24:9

Tighenguno Ampeu Alhou no ishi piani: Aji pele chekeu mishighüna haküsapue! I no asü qhemghai tile ghebe nani.

EZEKEL 26:3

Ampeu Alhou no ishi piani: Julo, O Tyre, I no o mjochile ani, azüghi no azü fukucho süghi ketoi, I no shiye kutomo o shou süghi nani.

EZEKEL 29:10

julo, Ni ye o lachile ani eno o ghoki lachile ani, Migdol lono Syene kuto eno Cush lughi kutolo I no Egypt yeghi pesü shishe küghüküghalei kütsave tsü nani.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

EZEKEL 5:8

ghenguno Ampeu no piani: Julo, Ni ye nongu lachile ani. Eno shiyeqo nhethe lono I no nongu lau aghime süghi nani.

ACHINE 26:25

Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.

AMUS 5:6

Ampeu phu no aküxüpu shilo, tikumo aye Pa no ami toi Joseph lagha piti ighive, eno khumu Bethel ghapinhe mlano qhoi pitive nosae,

AMUS 7:4

Ampeu Alhou no kiu I piye keno hike: julo, Ampeu Alhou no ami pesü küghakütha shiniye kusü ae, eno ami no akuthoku kije eno ayeghiqha pitile ae.

NAHUM 2:13

Aqokitikhi Mpeu no sheshu, Julo, Ni ye o mjochile ani, eno I no ow khurkuluqo pitileve tsü nani, eno azütakikihi no ow abongshuu lhotheqo kütsave nani. Nono xulepughi keu I no ayeghi lono pühave tsü nani, eno o ghinimi sütsa ye khilemu chilu kithe move nani.

NAHUM 3:5

Julo, Ni ye o mjochile ani, ipi aqokitikhi Mpeu no sheshu, o mini xapukupe o gi nha tsüni; I no shiyeqo pelo o phikümsa ithulu peni eno kükaqhaqo pelo o kukujopu lo jupuku peni.

ZEFANIA 2:12

O nongu Cushmiqo ghi, I zütakikihi no ghiqhive nani.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.