EZEKEL 21:27 - Sumi Naga CL (Re-edited) Bible (BSI)

²⁷ Ixapinyi, ixapinyi, I no tipau ixapinyive tsü nani. Küghakütha ye milakhi khuuw keno pa no ighi moke kutolo, hipau ghi tishi pemo nani, eno I no tipau pa tsüve nani.

BAIBEL (BSI)

²⁷ Ixapinyi! Ixapinyi! Ino aphughi pesu ixapinyivekeu shi nani. Ikemu ino khuu pelo aphughi ghimeqhi penikeu shiani keno tipau ighi mphi loye hipau shimo nani. Pa ighi kethiuno ino tipau shipe nike pa tsu nani.

EZEKEL 21:27 Iomraidhean Croise

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 2:6

“I kimthe toghi Zion lo I no I ghenguno Akükau süsüvae.”

JEREMIYA 30:21

Pano sakipheu ye pano dolo timi no shinani; pano yepeu ye pano gholono ipeghi nani; I no pa sasü aphivilo ighi eno pa no I kupunu ighi nani, kughengu khuu no I kupunu ighi luni kea? ipi Ampeu no asheshu.

JEREMIYA 32:24

Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 33:21

I qeu David sasü, eno Levi chinemi I zülo hukuthumi sasü I no puloshoqhi shi püakeu ghi hepho luve nani, tishianguno David ye pa kükalakhü lo ayepeni kemi kühave nani.

JEREMIYA 33:26

Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

JEREMIYA 52:4

Zedekiah yepe mpe atokuu, aqhi achighiu, atsala achighiu lono Nebuchadnezzar no paw ghüshimi kümtsü sasü ighi no Jerusalem leighi no khasü luve. Panongu no aqoghe shipukuve.

EZEKEL 21:13

Kughengu ti ye peju akeu kumo nani, tsala nongu no aküsü jukünatha aye tipau ye kiu shiluni kea?” ipi Ampeu Alhou no asheshu.

EZEKEL 34:23

I no panoqo shou ambekheu lakhi, I qeu David, qhinani eno panoqo mbekheu shive nani.

EZEKEL 34:24

Eno Ni, Ampeu no panoqo Lhou shive nani, I qeu David no panoqo gholo kükapuu shive nani. Ni ye Ampeu ke; I no piqhivae.

EZEKEL 4:2

Tipau leluveni keu kümla shilo, atupi yepuku lo, eno ayeghi pekumqope qhilo. Tipau bothape aphiki shilo, ti shopho ilo kepu sübolu pesü vehomxa qhilo.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

HAGAYI 2:7

I no shiye kümtsü süküthü nani, tishikeu lono shiyeqo küakini kümtsü ighi nani, eno I no ajuküvü pesü aki hipau shepichhi nani, ipi aqokitikhi Mpeu no piani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

AKIKIHI 24:19

Jacob launo ighikeu no qhasü nani eno ghükulumi kütsavetsü nani!”

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Luke 1:32

Pa ye kije shi nani eno Shishe Akiqheu Nu ipi ku nani. Ampeu Alhou no pa sü David kükalakhü pa tsü nani,

Luke 1:69

Pa no ni ghenguno Pa qeu David lagha lono timiqo xaluni keu kibo süqheve tsüae,

Luke 2:11

Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae.

John 1:4

Pa lolo aküxüpu ae, eno aküxüpu huno timiqo küvü ke.

John 1:9

Aküvü kuchou khikhi timi kümtsü yepüvü cheni keno tipau ayeghi lo ighi niye shiae.

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.