EZEKEL 21:22 - Sumi Naga CL (Re-edited) Bible (BSI)

²² Shoxü ilokepu sübolu ghope qhi, ghiqhini ke ghenguno akichi xükho, ighamkuni ke asütsa süqhe, khagho shoxü ilo kepu sübolu ghope qhi, ayeghi xapuwo amoqhe puku, leluveni ke aqogheqo shiqhe pukuni ke ghenguno pa u ajeu no Jerusalem ghenguno asaqhilue.

BAIBEL (BSI)

²² Ikelo! Pau ajeuno ‘Jerusalem’ ipi amchi shikeu piji tsuqulue. Tipauno pa vilo kichetsu keuno wuno shoxu ilokepu ghasubo kiti suwoqhi, aghukishi lo ighamuku shoxu ilokepu ghasubo aliwo-khadulo qhi, ayeghi pewo atoghi kughulho eno aqoh chhuwonikeu pitsuke.

EZEKEL 21:22 Iomraidhean Croise

KUKAMI AKINIU 25:1

Zedekiah yepe mpe atokuu aqhi achighiu eno atsala achighiu lono Nebuchadnezzar no paw ghüshimi kümtsü sasü ighi no Jerusalem lethuve no khasü luve. Panongu no ti homxa aqoghe shipukuve.

JOB 39:25

Kughou afuko ighani keno pa no, ‘Aha!’ ipi igha cheni. Pa ye putou no aghükishi, kijemi zakütsü eno igha asheshu keu tsüngü luve cheni.

JEREMIYA 32:24

Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 33:4

Kughengu mishighüna lo aki eno Judah kükami ki kütsave keqo pesü leighi kemi no amoqhe puku akeu eno pano zütakikihi lono sükusho luniye akeu ghenguno Israel Lhou, Ampeu no ishi piani:

JEREMIYA 4:16

Pa ye cheni pi Shiyeqo kütülo; Jerusalem lau asheshu lo, “Putou yeghi lono leni kemi cheni; panongu no Judah phughiqo shou aghüleku ani.

JEREMIYA 51:14

Aqokitikhi MPEU ampi no ishi ashoqhi shivae: Mtsüqheino I no tülhaqu jehi timi kutomo o lau saghi nani, panongu no nongu shou tokulu ghügha sheshu nani.

JEREMIYA 52:4

Zedekiah yepe mpe atokuu, aqhi achighiu, atsala achighiu lono Nebuchadnezzar no paw ghüshimi kümtsü sasü ighi no Jerusalem leighi no khasü luve. Panongu no aqoghe shipukuve.

EZEKEL 26:8

Pa no azütakikihi pesü aphughi mta lono nongu ngaqo ghiqhive nani. Pa no o lenike khasüni keu tupikiye kuto nani eno amoqhe puku nani, eno azüto kumtoqo pesü o mjochile nani.

EZEKEL 26:9

Pa no o tupikiye shoxü ilokepu sübolu peighi nani, eno pa müghü pesü o qogheqo loqhive tsü nani.

EZEKEL 4:2

Tipau leluveni keu kümla shilo, atupi yepuku lo, eno ayeghi pekumqope qhilo. Tipau bothape aphiki shilo, ti shopho ilo kepu sübolu pesü vehomxa qhilo.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

AMUS 1:14

Tighenguno I no Rabbah liwo shou ami süvetsü nani, eno tino liw sükusho-aqo pitileve tsü nani, aghüshi tsala lo toi ighamku nani, pasapagha lo miyitsü toi nani;

JOSHUA 6:10

Ikemu Joshua no timiqo ishi azah tsü, “Nongu ye igha kevilo momu nongu sütsa chilu pe kevilo. I no nongu vilo igha lopi azah tsü moke kutolo, atsa lakhimu nongu kichi lono ipeghi kevilo. Eno azah tsüke tsalani no nongu no ighamku lo.”

JOSHUA 6:20

Ikehu achinemi no afuko igha eno timiqo no ighamku kelo aliwo no ilaqive. Tishino timiqo no pütüta no ngo akeu lono müzüchoi aphughi lo chesü ilo leluve.

SAMUEL ATUGHIU 17:20

Jesse no azah tsüke toi David no inaqhe itheno ithu ambeqo pesü hekujuu gholo qhive no achuqupu pesü wuve. Pa no aghazü lo ighi kelo aqokitikhi ye aghüshiqa lo aghüleku cheghive.