EZEKEL 20:5 - Sumi Naga CL (Re-edited) Bible (BSI)

⁵ eno pilo, Ampeu Alhou no ishi piani: I no Israel kishelu ke tsalani, Egypt yeghi lono I no panoqo lau pephe piye no ithilupe eno I no Jacob kibolomi tikughukoqo vilo pi; I no panoqo lau tushoqhi no pi, Ni ye Ampeu nongu Lhou ke.

BAIBEL (BSI)

⁵ Ino kiu piani keno tipau panoqo vilo pilo. Kughou ino Israil kishelu keno ino panoqo lau tushokiqhi lakhi shike. Ijip lo akelo ino panoqo lau ni ampino pephepiye eno panoqo vilo pike: Niye nongu Lhou AMPEU ke.

EZEKEL 20:5 Iomraidhean Croise

BOTHUBO 14:22

Ikemu Abram no Sodom kükau vilo pi, “Ampeu, Shishe Akiqheu Lhou, atsütsü eno ayeghi pighiu lau I no I u peqhevae,

KUKAMI ATUGHIU 18:39

Kughou timiqo no ti ithulu keno, panongu no agi pishiqhope ayeghi lo ikiqi no pi, “Ampeu ye Alhou; Ampeu ye Alhoue,”

LESHELE 103:7

Pa no Pa laghiqo Moses pelo ithilu peke, Israelmi pelo Pa kümla ithilu peke.

LESHELE 33:12

Khuno shiye Lhou no Ampeu keno alokivipue, Pa no khuno pesü Pa mheghi shi kisheve akeno alokivipue!

IPEKULU 3:16

Wulo eno Israel lo layemi hekütsü kumqo no panoqo vilo pilo, ‘Ampeu, nongu puasüqo Lhou, Abraham Lhou, Isaac Lhou eno Jacob Lhou no I lau ipeghi no pi, “Egyptmi no nongu lau kiu shi keno I no nongu chhejuvae,

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

IPEKULU 4:31

Eno timiqo no pülüve; kughou panongu no Ampeu no Israelmi xuju ighivae eno Pa no panoqo ghime ithuluvae pi chilu keno, panongu no pano kütsü pishiqho luve no mllae.

IPEKULU 6:2

Alhou no Moses pütsa no pi, “Ni ye Ampeu ke.

IPEKULU 6:3

Ni ye Akughushu Lhou shi Abraham, Isaac, eno Jacob lau ipeghi, ikemu I je, Ampeu, pesü Ni ye panongu lau kilethi moe.

IPEKULU 6:8

I no Abraham, Isaac, eno Jacob noqo lau tsünie pi tushoqhi püakeu yeghi lo nongu saghi nani. I no tipau amheghi shi nongu tsü nani. Ni ye Ampeu ke.’”

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

JEREMIYA 33:24

“No ye timi hipaqo no, ‘Ampeu ye Pa no kishelu keu lagha kini kilevae,’ pikeu chhejumo keshea? Panongu no Iw timi pipüthavae, ikehu panongu ye pano zülo shiye lakhi kumovae.

EZEKEL 16:8

“Kughou I no itaghi o kathawu no o ju ithulu keno, julo, no ye küzüvü kepu do tove aghi, eno I no I kuuphi pesü o phikümsa nhatsüe; I no o lau tushoqhi no o sasü puloshoqhi shie, Ampeu no asheshu, eno no ye Iw shiveke.

EZEKEL 20:15

Tinguno alau, akichhizü ngo akhingozü no qowu akeu, ayeghi kümtsü nguno ajuküvü, khikhi I no panoqo tsü keno Ni ye tile panoqo sailomo nani kepi asayeqha lono I no tushoqhi ke,

EZEKEL 20:23

Tinguno alau, asayeqha lono panoqo lau I no tushoqhive, I no shiyeqo gholo panoqo kutholeve nani eno aghakhuqo lo panoqo haleve nani,

EZEKEL 34:24

Eno Ni, Ampeu no panoqo Lhou shive nani, I qeu David no panoqo gholo kükapuu shive nani. Ni ye Ampeu ke; I no piqhivae.

EZEKEL 35:11

tigheno, I no xüake toi, Ampeu Alhou no sheshu, nongu kimthi panoqo shou akeu eno amlokighide ngo anhekushu piye keu kiqi lono I no nongu peitha nani. Kughou I no nongu shou küghathani keno, I no panoqo pelo Ni ithipe nani.

EZEKEL 47:14

I no kiu o puasüqo tsünike tushoqhi keno ti ye nongu dolo aqhemi shi kije nani. Ayeghi hipau ye nongu ghenguno amheghi shi nani.

DANIEL 12:7

Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

ACHINE 18:2

“Israelmi vilo pilo, Ni ye nongu Mpeu Alhou.

Mark 13:20

Ampeu no atsalaqo kughukho tsümo keaye, milakhimu xakulupu shimoni cheke. Ikemu pa no khunoqo kishephelu keno tipaqo ghenguno atsala kughukhove tsüe.

ZAKINIU 14:2

Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

ZAKINIU 32:40

Kughengu Ni ye alhokupuju xüani eno kungugha küdau I u süqhepe tushoqhi ani,

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 4:37

Pa no nongu puasüqo kimiye kehu pano polo kughukomi kishelu no Pa küka kije lono Pa ampi no Egypt lono nongu saipeghi.

ZAKINIU 7:6

“Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

ZAKINIU 7:7

Nongu no kütami nguno kutomo kehu Ampeu no nongu kimiye eno kishelu ke kumoe, kughengu nongu ye ashiayeqo kümtsü dolo aghuloue.

Piyeküsü 10:5

Tileno kungumi khuu azü eno ayeghi shou puthugho akeno, pa u ajeu kungugha lo chhopuku keu I no ithulu

Piyeküsü 10:6

eno Khuu alholo eno pülhapuju xü acheni, Khuu no kungugha, ayeghi eno azüghi ngo tile ache keqo lho keno, Pa je lono tushoqhi ghi pi, “Itehi ye süpushu moae,