EZEKEL 20:41 - Sumi Naga CL (Re-edited) Bible (BSI)

⁴¹ Kughou I no ashiayeqo gholono nongu saipeghi eno kuthole püakeu ghakhuqo lono nongu hekütsüni keno, I no alokiqipu xokütsüngü toi nongu ikhilu nani. Eno shiye kümtsü nhethe lono I no I kimthe nongu gholo pephe piye nani.

BAIBEL (BSI)

⁴¹ Khilehi nongu kuthole puwuve keno tipa ghakhuqo lono ino nongu saipeghive kethiu eno nongu hekutsukumqove kethiuno nonguno heqhi pitipe mllakeu ino ikhilutsu nani, eno kutami shiayehqono niye akimthe kepi ithulu nani.

EZEKEL 20:41 Iomraidhean Croise

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

SAMUEL AKINIU 24:23

Hi kümtsü Araunah no o tsüve ani, O akükau.” Pa no itaghi pi, “Ampeu o Lhou pelo no ikhilu tsüpeni.”

ISAIAH 5:16

Ikemu aqokitikhi MPEU ye Pa chipiu lono süqhe nani, eno amikucho no Akimthe Lhou ye akimthe kepi piye ani.

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

JEREMIYA 30:18

“Ampeu no ishi piani: Jualo, I no Jacob phiki kinigha athoputho tsü nani eno pa kungo-a lo kimiyeqhiyi keu anani; mishighüna ye xaleqhive keu shou shiqhe puku nani, eno kükaki ye thosü-a lo puthugho nani.

JEREMIYA 30:3

Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

JEREMIYA 32:37

Julo, I no I mlokighide, I loghu eno axukighide lono hapupove keqo aghakhu kümtsü lono xukumqo nani, eno I no panongu pelo sükusho lono xülupe nani.

EZEKEL 11:17

Tighenguno pilo, ‘Ampeu Alhou no ishi piani: I no timiqo gholono nongu hekütsü nani eno aghakhu khipaqo lo nongu kutholeve puwuve keno tipaqo lono nongu kumqo nani, eno I no Israel yeghi pesü nongu tsü nani.’

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 28:22

Ampeu Alhou no ishi piani: “Ni ye o lachile ani, O Sidon, I no o lau I juküvü pephe nani. Kughou I no li shou küghathani, eno li lau I kimthe pepheni keno panongu no Ni ye Ampeu kepi ithi nani;

EZEKEL 28:25

“Ampeu Alhou no ishi piani: Kughou I no ashiaye gholo kuthole puwuve keqo Israel laghami hekütsü luve no shiyeqo nhethe lono I kimthe panoqo gholo pephe piyeni keno, tileno I no I qeu Jacob tsükeu yeghi lo panongu no küghünauve nani.

EZEKEL 34:11

“Kughengu Ampeu Alhou no ishi piani: Julo, I no, Ni ampi no I mbeqo phuwu nani eno panoqo juwu nani.

EZEKEL 34:19

I mbeqo ye nongu pukhu no qodave keu chumasa eno nongu pukhu no shipuqove keu yemasa keshea?

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.

EZEKEL 38:23

Ikehu I no I kughushu eno I kimthe piye nani eno shiye kutomo pelo Ni ithipe nani. Tileno panongu no Ni ye Ampeu kepi ithi nani.

EZEKEL 38:8

Atsala kutomo thiuno no hekütsü nani. Ampe kutomo thiu aghüshi lono athoputho luve keu yeghi nongu no lewu nani, tipa yeghi lo timiqo ye ashiaye kutomo xuküqhape alhokuthu kütsape achekeu Israel naghutoqo lo acheni. Pano timiqo ye ashiaye kutomo gholono saighi no itehi ye kümtsü sükusho qholono küghüna ani.

EZEKEL 6:13

Ghiqhive keqo no akiptia homxape ajulho akeqo gholo, qhemghai keu toghi lo, naghuto kütsüqa lo, asübo lo, aphisübo miniboi keu lo, khile khilemu panongu no pano julhoqo lau axokütsüngü mlla chekeu-aqo lo ikiqi aghi kelono panongu no Ni ye Ampeu kepi ithi nani.

ACHINE 1:13

ikemu kighinoli eno apukhuqo ye pa no azü lono qhuveni. Tishino achineu no tipaqo kuchopu ikhipe pitiveni; Ampeu lopu mülüi keu xo hino akipti kümllagho ke.”

ACHINE 1:17

Pa no tipau chishibo tsüqüpe no sülaveni, ikemu sütha kütüta shimono akiptia lo ami iqü akeu lono pitiveni. Ampeu lopu mülüi keu xo hino akipti kümllagho ke.”

ACHINE 1:9

ikemu kighinoli eno apukhuqo ye azü lono qhuveni. Achineu no tipaqo kuchopu akiptia lono achuqupu kümllagho, Ampeu lopu mülüi keu xo shi ghi pitiveni.”

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

AMUS 9:14

I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.

AKIKIHI 20:13

Hi no Meribah zü, hileno Israelmi no Ampeu sasü mtomshu eno hipaqo vecheo Pa ye akimthe kepi Pa no piye ke.

Luke 2:14

“Kungugha akiqheu lono Alhou sheqhelo, eno ayeghi lo Pa mlo chulu chekeqo gholo aloino keu alo!”

2 Kor. 2:14

Ikemu Alhou shikimthi, Pa no Khristo gholono alhokuthu ningu sasü aghü tolu no shekujo woche keshi cheni eno ningu vecheo Khristo kighithi xokütsüngü aqha kümtsü lo veküpha cheni.

2 Kor. 2:15

Kughengu khunoqo xaluve ani eno pühave ani keno, tipaqo gholo ningu ye Alhou lau Khristo xokütsüngü ke,

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

1 Peter 3:15

ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,