EZEKEL 20:4 - Sumi Naga CL (Re-edited) Bible (BSI)

⁴ Timi nu, no ye panoqo shou küghathabe nani kema? Pano pelo pano puasüqow aphikümqhüpu ithi pelo,

BAIBEL (BSI)

⁴ “Thinikuau timio, noye panoqo shou xakutha shiniye ani kema? Tishiaye tishilo. Panoqo vilo panoqo puasuno kuchhube kutsula kiu shiche keno tipau pesu piputolo.

EZEKEL 20:4 Iomraidhean Croise

ISAIAH 5:3

O Jerusalem eno Judah lo küamiqo, I tsailu ngo nikujo dolo küghatha tsülo.

JEREMIYA 11:14

“Tighenguno timi hipaqo ghenguno inikhu kevi, momu pano züqhushi ighamku khu kevilo, kughengu pano veküsa lo panongu no I kunamu Ni ye ini tsümo nani.

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

JEREMIYA 7:16

“No ye timi hipaqo ghenguno inikhu kevi, momu ighamku pano züqhushi qhüiniju kevilo, kughengu Ni ye o kighini chilu tsümo nani.

EZEKEL 14:14

tsala timi hipano küthü, Noah, Daniel eno Job noqo no tile aghi namu, panongu ghi pano chipiu mikucho vecheo pano küxü likhi xalu nani, Ampeu Alhou no asheshue.

EZEKEL 14:20

Noah, Daniel eno Job noqo no tile aghi namu, I no xüake toi, Ampeu Alhou no asheshu, panongu ghi pano tianuliqo mu xalumo nani. Panongu ye xaluve nani ikemu pano chipiu mikucho vecheo pano küxü xalu nani.

EZEKEL 22:2

“No, timi nu, no ye küghathabeni ma, no ye aji pele keu mishighüna shou küghathabeni ma? Liw aphikümqhüpu kümtsü li vilo sheshu lo.

EZEKEL 23:36

Ampeu no I vilo pi: “Timi nu, no ye Oholah ngo Oholibah pama shou küghathabeni kema? Pama vilo pamaw aphikümqhüpu sheshu lo.

EZEKEL 23:45

Ikemu amikuchomi no shupu-salha kemi eno totimi aji pele kemi lau küghakütha shikeu pesü panoqo lau küghatha nani, kughengu pama ye shupu-salha chekemi eno pama u lo aji hedape ani.”

1 Kor. 6:2

Ikeo Alhou küpülümi no ayeghiqha shou küghathabe nanie pi nongu ye mtha kea? Eno nongu no ayeghiqha shou küghathabe nani pi aye, nongu ye tachutaghu vehuqo ghi küghatha mlave nani keshea?