EZEKEL 20:33 - Sumi Naga CL (Re-edited) Bible (BSI)

³³ “I no xüake toi, Ampeu Alhou no asheshu, mtsüqheino au kumto eno au xachhope aloghu lephe keu lono I no nongu shou akükau shi nani.

BAIBEL (BSI)

³³ “Kuchouno niye Akughushu MPEU, xuakeu Lhou ke ino nongu piputovetsu anike iloghu kighide lono ino i-u kumto, ikuka kumtsu pesu ino nongu shou ayehpe nanike.

EZEKEL 20:33 Iomraidhean Croise

KUKAMI ATUGHIU 8:42

(kughengu panongu no O je kije, O küka kumto, eno O u kümgha ghili chilu nani), aki hileno O lau inikhu aye,

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

ISAIAH 31:3

Egyptmi ye Alhou kumono timi, panow khurshi ghi ashi phimpi kethono aghungu kumoe. Ampeu no Pa u chhopuwo kelo akukuphu tsü akeu ngo ithulu akeu kinikujo ikiqi pühave nani.

JEREMIYA 21:5

Ni ampi no au xachhope au kumto pesü axukighide, mqhumza eno aloghu kije lono nongu sasü aghüshi nani.

JEREMIYA 42:18

“Kughengu aqokitikhi MPEU, Israel Lhou no ishi piani: I no Jerusalem lo küami shou I loghu puku ketoi nongu Egypt lo wuve kemi shou ghi puku nani. Nongu ye ghukushopu, aküighüpu, thoküghapu shive no a-a hipau khilemu ithumlave nani.

JEREMIYA 44:6

Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 51:57

I no liw hiyampemi ngo alokütsümi, angh, zatsümi eno ghüshimi shokümzü nani; panongu ye alholo küzü züve no idathughi move nani, Akükau khuu je aqokitikhi MPEU keno Pa no sheshu.

AKUMLO 2:4

Aghümi lakhi toi Pa no Paw shexilika piqe luvae, Pa u ajeu no piqepe ngovae; ni nhethe lo azüküvü ache keqo kümtsü Pa no Zion nga phiki lono pithivae; Pa no ami toi Pa loghu pephevae.

EZEKEL 22:22

Ayi kiyiqi miküqü lono ghükayi pitive ketoi, nongu ye tipau lono pitive nani, eno Ni ye Ampeu kepi nongu no ithi nani; I no I loghu nongu shou lepuku nani.”

EZEKEL 6:14

I no panoqo shou I u chhopuwo nani, asayeqha lono Riblah kutolo panongu no küghüna akeu kümtsü küghüküghalei shipüsave tsü nani. Tileno panongu no Ni ye Ampeu kepi ithi nani.”

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

HOSIYA 2:14

“Ikehu, julo, I no li züizani, eno yenguyike-a lo saighi no ivüilai li pütsa kümtshani.