EZEKEL 20:32 - Sumi Naga CL (Re-edited) Bible (BSI)

³² “Nongu kükümsü lo, ‘Ningu ghi shiye kütami toi shini, aghakhuqo lo ashiayeqo toi shini eno asü ngo atu mllani nolo’ ipikeu kükümsü ye khilemu shilumo nani.

BAIBEL (BSI)

³² Nonguye ashiayeh kutami paphi shinishive keu nonguno kumsu auvae, ti ayeghi kutau xuakemino asubo ngo atuqu mllache keu toi shinishi auvae. Ikemu tiye khilemu shilupemo nanike.

EZEKEL 20:32 Iomraidhean Croise

LESHELE 139:2

Kughou I no iqa eno I no ithughi keno Nono ithi ani; Nono putou no I kükümsü jupililu ani.

LESHELE 33:10

Shiyeqow kichekütsü Ampeu no adou shive tsüe; pa no timi kukughu hexave tsü.

AHOLE 19:21

Timi lolo akukughu kutomo shipeqhi cheni, ikemu ashekha loye Ampeu kimji likhino puthugholu nani.

ISAIAH 37:19

eno pano lhouqo ikhipe ami lo vesüve tsüe. Kughengu tipaqo ye alhou kumono asü ngo atu pesü timi u no mla kehu kütsaveke.

JEREMIYA 2:25

O pukhu kümsa shive moke kutolo eno o kughoki qhaive moke kutolo po kevilo. Ikemu nono pi, ‘Hi ye akiqi kühae, kughengu ni ye inaghami kimiyeve ake pano pape wuni.’

JEREMIYA 44:17

Ikemu ningu ye nino tushoqhive keu shi nani, atsütsü kükaliu lau akümllagho tsü nani, eno Judah ngo Jerusalem laghila lo ningu eno ni puasüqo, niw kükami ngo hiyampemi no shiche ketoi atsaiji kümllagho pesü li tsü nani. Kughengu ningu ye achuqupu no kupukuno eno kinikülü shino aküpüna kiumu ithumlano acheke.

JEREMIYA 44:29

Ampeu no sheshu ani, Hi no nongu lau amchipu shinani, I no hipa-a lono nongu ghime nani eno tishikeu lono I tsa ye mtsüqheino nongu ghüzani ke nongu shou ikughi nani:

AKUMLO 3:37

Ampeu no azah tsümo keloye khuu no piqhive no tipau shikupu kulupu kea?

EZEKEL 11:5

Ampeu Ghungu no I shou ikughive, eno Pa no I vilo pi, “Ampeu no ishi piani pilo: Israel laghami, nongu no kümsüju lo. Kughengu nongu kükümsü lo iloghi akeu thimeqo I no ithi ani.

EZEKEL 38:10

“Ampeu Alhou no ishi piani: Tipa tsalani, o lolo akükümsü iloghi no nono küsakügha kuchughu nani

DANIEL 5:4

Panongu no aji sho eno ameshoyi ngo ghükayi, alazayi, ayi, asü-atu lhouqo sheqhe ae.

HOSIYA 4:12

Iw timiqo no asü tachu launo kighinikile jucheni, eno panongu qheküsü no tungkuptsa pitsü cheni. Kughengu asalha ghawu no panongu saküghüzüve ake, eno panongu ye kütüqha aniye pano Lhou phevae.

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

ZAKINIU 28:36

“Ampeu no nongu eno no puasüqo no mthakeu ghakhu lo nongu eno no kükau hapuwuve nani. Tilauno nongu no asüatu lhouqo qeuve nani.

ZAKINIU 28:64

“Ampeu no ayeghi halau no halau kutolo ashiaye jeli gholo nongu apanagha haleve nani, eno tilau nongu ye asüatu lhou, khikhi nongu na no puasüqo namu mtha keno, tipaqo mllauve nani.

ZAKINIU 29:17

Panongu gholo aphikümqhüpu thime, asüatu julho, ghükayi eno ameshoyi julhoqo nongu no ithuluvae.

ZAKINIU 4:28

Nongu no tilau timi u no asüatu pesü mlakeu lhouqo qe nani, alhou tipaqo ye ithulu, chilu, chulu, tsüngülu chemoe.

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,

SAMUEL ATUGHIU 8:5

eno pa vilo pi, “Julo, no ye alaye shivae eno o nuliqo ye o laghi lo cheche movae. Tighenguno shiye kütami toi ningu shou xaküthau shi penike akükau lakhi ni ghenguno süsü tsülo.”