EZEKEL 20:31 - Sumi Naga CL (Re-edited) Bible (BSI)

³¹ Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

BAIBEL (BSI)

³¹ Ishi tsala kutolo nonguye puzuu akumllagho atho pesu mlla cheni eno amilo nongu tianuli heqhipe puzuu tho asu-atu julho mllakeu lono nongu kitiqeve anike. Tishive keghi nongu Israilmiye ipulouye kiu keno inijuniye ighi cheni kesha! Kuchouno, ni Akughushu MPEU ye xuakeu Lhou ke, niye nongu pelo ivilo kiumu khu pemo nanike.

EZEKEL 20:31 Iomraidhean Croise

JOB 27:10

Pa ye Akughushuu lau azüvü nanio? Pa ye ado kümtsü lo Pa vilo inikhulu nani kema?

JOB 27:8

Kughengu Alhou kümthami ye kughou Alhou no pa küxü ghitha kughukhove tsüni keno paw lajupu ye kiu ani kea?

LESHELE 66:18

Tsala I no amlo lo axine qhipüaghi keaye, Ampeu ye initsü moni cheke.

AHOLE 28:9

Ayezah tsa ini mono tsüghüve aye pa kighiniu ghi Ampeu zülo aphikümqhüpu ake.

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

ISAIAH 57:5

Nonguw aphisübo ngo asübo jeli qholono ashiaji ghasümla no ghüghüshi chekeqo, nongu ye akhila eno atuxu lono nongu tianuli heqhipe aghakishi shi mllae.

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 19:5

eno Baal lau qhemghai ke-a shiqhe puku no pano nuliqo ami lono piti pe Baal mlla niye shike, hi ye I no azah tsümo keu momu I kükümsü lomu iloghimo keu,

JEREMIYA 7:31

Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

EZEKEL 16:20

Nono I lau punu tsükeu o pu-angaqo pesü tsüqhi chuve peniye tipaqo lau aghashi ke. Nono kütüqhalimi shikeu ye avehu tachu kesheno

EZEKEL 16:36

Ampeu Alhou no ishi piani, Ow ghaghu ghale kükümsü lheqhi, o lojipumi eno ow aphikümqhüpu sü-atu julhoqo gholo o phikümsa lhapheke ghenguno eno nono o nuliqo ji panoqo tsüveke ghenguno,

EZEKEL 20:26

I no panoqo gho, panow anu anoghiu akümllagho vecheo panoqo shikitiqeve ke, tishikeu lono Ni ye panoqo kütsaveni ye ke. I no tishikeu lono Ni ye Ampeu kepi panongu pelo ithi peniye ke.

EZEKEL 20:3

“Timi nu, Israel lo layemiqo pütsa no pilo, Ampeu Alhou no ishi piani, Nongu ye I vilo ighijuni ye ighi ani keshea? I no xüake toi, Ampeu Alhou no asheshu, Nongu pelo I lau no ighiju pemo nani.

EZEKEL 23:37

Kughengu pama ye shupuvae, eno pama u lo aji hedape ani. Pamaw asü-atu julho sasü shupuvae, eno pama ye anuli khunoqo pama no punu keno tipaqo pesü achuqupu shi asü-atu julhoqo mllavae.

EZEKEL 33:30

“Timi nu, ow timi khunoqo atupikiye eno ahukikha lono o ghili küptsa cheni keno, panongu lakhino lakhi vilo picheni, ‘Ighi no Ampeu launo ighikeu tsa ye kiu keno inilo.’

AMUS 8:12

Timiqo no Ampeu tsa phusü azüghi lakhi lono lakhiu lo, eno ahuu no kipelau hu-woju nani kemu phulumo nani.

ZEKHARIA 7:13

“I no ku akeghi panongu ye chilu move, ikehu panongu no ku kemu I no chilu tsümove,” ipi aqokitikhi Mpeu no pi,