EZEKEL 20:3 - Sumi Naga CL (Re-edited) Bible (BSI)

³ “Timi nu, Israel lo layemiqo pütsa no pilo, Ampeu Alhou no ishi piani, Nongu ye I vilo ighijuni ye ighi ani keshea? I no xüake toi, Ampeu Alhou no asheshu, Nongu pelo I lau no ighiju pemo nani.

BAIBEL (BSI)

³ “Thinikuau timio, timi hipaqo putsalo eno panongu vilo Akughushu MPEU no ishi pikeu pitsulo: Nonguye ipulou inijunike ighiani kema? Kuchouno niye xuakeu Lhou ke niye nongu pelo ivilo kiumu inijupemo nanike. Ni Akughushu MPEU no pivae.

EZEKEL 20:3 Iomraidhean Croise

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 21:27

Kixikilami ghakishi ye aphikümqhüpue, imaye pa no alhoksa kimji lono mllani kelo kishita akimthipu kelae.

AHOLE 28:9

Ayezah tsa ini mono tsüghüve aye pa kighiniu ghi Ampeu zülo aphikümqhüpu ake.

ISAIAH 1:12

“Nongu no I zülo ighi kelo khuu no hipaqo sawo ishi I kikhala tiphe lopi kea?

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

ISAIAH 58:2

Panongu ye achipiu-mikucho papeche keu shiye shi aghi kepu toi, momu Alhouw küghakütha milivemo kemi toi, Ghulo atsütsü I mlla acheni, eno I laghi ithini keu lo azüvü acheni, panongu no I vilo achipiu xakütha iniju ke; eno azüküvü shi Alhou lau kupunu wuke.

EZEKEL 14:1

Tithiu Israel lo layemi khami I lau ighi no I zülo iqave.

EZEKEL 20:2

Tile Ampeu tsa I lau ighi:

EZEKEL 20:31

Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

EZEKEL 33:30

“Timi nu, ow timi khunoqo atupikiye eno ahukikha lono o ghili küptsa cheni keno, panongu lakhino lakhi vilo picheni, ‘Ighi no Ampeu launo ighikeu tsa ye kiu keno inilo.’

AMUS 8:12

Timiqo no Ampeu tsa phusü azüghi lakhi lono lakhiu lo, eno ahuu no kipelau hu-woju nani kemu phulumo nani.

MICAH 3:7

tungkupmi ye kujove nani, eno pichhotsü chekemi ye akukujopu lo süve nani; Alhou launo khokichile kiumu küha kehu panongu kümtsü akichi kujukhave nani.

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

Luke 3:7

Ikehu John no aqokitikhi pa launo baptiz shiniye ighi keqo vilo pi, “Nongu tüghü pighitiqo! Khuu no nongu ye Alhou loghu ighini ye akeu lono polu nanie pi ghutu kea?

John 4:24

Alhou ye Aghungu, eno khunono Pa mllani keno aghungu eno kuchou lono mlla masae.”

SAMUEL ATUGHIU 28:6

Kughou Saul no Ampeu lau ighiju keno, Ampeu ye asamou nomu, Urim momu tungkupu vecheo nomu pa khochile move.