EZEKEL 20:28 - Sumi Naga CL (Re-edited) Bible (BSI)

²⁸ Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

BAIBEL (BSI)

²⁸ Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

EZEKEL 20:28 Iomraidhean Croise

KUKAMI ATUGHIU 14:23

Panongu no pano ghenguno atoghi eno asübo kümtsü lo qhemghai ke-a, atsükucho, eno Asherim mlape qhi,

KUKAMI AKINIU 17:10

Panongu no pano ghenguno atsükucho ngo Asherim julho mlape atoghi eno asübo kicheqho kümtsü lo qhi,

KUKAMI AKINIU 17:12

Panongu no, “Nongu ye hi shimoni” ipi Ampeu no pikeu mllauve.

KUKAMI AKINIU 17:9

Israelmi no tuqhou no Ampeu pano Lhou shou akumou mlae. Panongu no pano phughi kümtsü lo, qogheki lono aliwo kumto mishighüna kutolo akümlla-a mlape qhi.

ISAIAH 65:7

Ti ye nongu xine ngo nongu puasüqo xine ishi lochiletsü nani, ipi Ampeu no piani; kughengu panongu no naghutoqo lono akümllagho tsüke eno atoghiqo lono I thaigha ke, I no pano lukobo lo wovekeu lo pano xine mighi püzü lepukutsü nani.

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

JEREMIYA 2:7

I no kupukuno shi akeu yeghi lo axathiqo eno thime kivi chulu penike nongu saghi ke. Ikemu nongu no iloghi kelo, I yeghi shipixive eno I mheghi pesü aphikümqhüpu shivetsü.

JEREMIYA 3:6

Akükau Josiah no ayepe akelo Ampeu no I vilo pi: “Israel aküpülü kükühau no kiu mlave akeno, li no kishi ato kiqhe kümtsü lo ikuno asüminipho qholono kütüqha keno no ye ithulu kema?

JEREMIYA 32:30

Kughengu Israel ngo Judah tianuliqo ye pano lhothe lono ishi kutolo I nhethe lo alhoksa kümla likhi thono kütau kiumu shi püamoe. Panongu ye pano u no mlakeu pesü I mlo shikighide keu nguno alau ye kiumu mla püamoe, ipi Ampeu no sheshu.

EZEKEL 16:19

Asho khikhi I no o tsü keno tipau ghi I no ashomkhu, thazü eno akhingozü akivi pesü o lojike nono alokepu xokütsüngü lakhi shi tipaqo zülo ghope qhi; tihutoi shi kepi Ampeu Alhou no asheshu.

EZEKEL 16:24

nono nhasü keu chebo mla eno o sala alaghila kümtsü lo qhemghaike-a mlae.

EZEKEL 20:15

Tinguno alau, akichhizü ngo akhingozü no qowu akeu, ayeghi kümtsü nguno ajuküvü, khikhi I no panoqo tsü keno Ni ye tile panoqo sailomo nani kepi asayeqha lono I no tushoqhi ke,

EZEKEL 20:29

(I no panoqo vilo pi, Qhemghaike-a khilehi nongu no wucheni keno ti ye kiu kea? Ikehu ti ye ishi tsala kutolo Bamah ipi kucheni.)

EZEKEL 20:6

Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

EZEKEL 6:13

Ghiqhive keqo no akiptia homxape ajulho akeqo gholo, qhemghai keu toghi lo, naghuto kütsüqa lo, asübo lo, aphisübo miniboi keu lo, khile khilemu panongu no pano julhoqo lau axokütsüngü mlla chekeu-aqo lo ikiqi aghi kelono panongu no Ni ye Ampeu kepi ithi nani.

ACHINE 17:5

Hi ye Israelmi pelo khalau no aghakishi lhoxü heqhi süghi mono kuposhukulu phiki lo achineu lau süghi no Ampeu lau külakishi kümllagho shipeniye ke.

JOSHUA 23:14

“Itehi ni ye ayeghi lo kümtsü no wuve chekeu laghi lo wunike kutovae, eno nongu kümtsü, nongu mlo eno angulho no ithi anike Ampeu nongu Lhou no nongu ghenguno akivi tsa piqhi keu lakhimu tomove moe. Thokha shikupuvae; lakhimu tomove moe.