EZEKEL 20:21 - Sumi Naga CL (Re-edited) Bible (BSI)

²¹ Ikemu anuliqo no I hebideve ke. Panongu ye I yezah lo cheche move eno Iw pimheyeqo gholuni ke kutokupui move, ti ye milakhi no papelu aye, tipau vecheo pa ye xülu nani pikeu ke; panongu no Iw Sabbath shikitiqeve ke. “Tileno I no pi, Ni ye panoqo shou I loghu lepukuni eno asayeqha lono I mlokighide panoqo shou pukuni.

BAIBEL (BSI)

²¹ “Ikemu tipano tiqhelimiqo ghi ihebideveke. Panonguno iyezah kuboleve eno ino ahza tsukeu pemoveke, khunono tipau peluni keno akuxupu sughi cheni kelauye tipau pemoke. Panonguno Sabat pinye shipixivetsu. Timi kughuna moke-alo niye panoqo pelo iloghu kighide kumgha pupeniye eno panoqo kumtsu pithive nikeu kutoveke.

EZEKEL 20:21 Iomraidhean Croise

YEKIKITHI AKINIU 34:21

“Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

YEKIKITHI AKINIU 34:25

Kughengu panongu no I milive eno pano kümla küghütha vecheo I mlo shikighide tsüniye kütau lhouqo lau akümllagho tsüe, tighenguno I loghu ye a-a hipau shou ikughi nani eno ti ye iqüvemo nani.

LESHELE 78:10

Panongu ye Alhouw puloshoqhi pemove, eno Pa yezah kiqi lono checheni keu milive.

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

EZEKEL 13:15

Ikehu I no atupikiye eno khunono tipau lo metsüghoi nuda keno panoqo shou I loghu puwu nani, eno I no nongu vilo pi nani, atupikiye eno tipau shou nudapuku keqo ye kühavae,

EZEKEL 20:11

I no I yezah panoqo tsü no Iw pimheyeqo panongu pelo ithipe, tipau vecheo milakhi no ti papelu aye, pa ye xülu nanie pi ithipe.

EZEKEL 20:13

Ikemu Israel kibolomi no asayeqha lono I hebide ke. Panongu no I khuayeqo pemove eno Iw pimheyeqo milive ke, tsala milakhi no tipaqo pape aye, pa ye xülu nani; eno panongu no Iw Sabbath shishe shikitiqeve ke. “Tileno I no pi, Ni ye asayeqha lono I loghu panoqo shou lepukuni, eno kümtsü kishekhave tsüni.

EZEKEL 20:36

I no Egypt yeghi lo asayeqha lono no puasüqo sasü küghakütha shike toi I no nongu sasü küghakütha lo ilo nani ipi Ampeu Alhou no asheshu.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

EZEKEL 21:31

Eno I no I loghu kighide nongu shou lepuku nani; I no I loghu miküqü pesü nongu ghaqhi nani, eno nongu pesü ajiküxümi, kütsakungo keu lo shitsami u lo phesüve tsü nani.

EZEKEL 22:8

Nongu ye Iw akimthe thimeqo thaigha eno Iw Sabbath shipixivae.

EZEKEL 7:8

Itehi ye I no mtazü nongu shou I loghu pukuni eno I mlokighide nongu shou pukuni, nongu laghi kiqi lono nongu lau küghathani, nonguw aphikümqhüpu kümtsü ghenguno I no nongu ghime nani.

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

AKIKIHI 21:5

Eno Alhou ngo Moses pama lachile pi, “Nokujo ye kushiye Egypt lono ningu saipe hi asayeqha lono pithive niye ani kea? Kughengu hilau ye achuqupu momu azü mu küha eno ningu ye achuqupu lhoksa hipau chumlae.”

MATTHEW 19:17

Jisü no pa vilo pi, “No ye kushiye I vilo akivipu vehu ighiju ani kea? Milakhi likhi no akivie. Lhokta küxü lo ilonishi aye no ye azakütsü pelulo.”

Apostolmi 13:18

Ampe lhobidi kutolo Pa no asayeqha lo panongu sache.

ZAKINIU 31:27

Kughengu panongu ye kishi kuthovi eno hekibidemi keno, I no ithi ani. I no xüaphi lo thotsü nongu ye Ampeu hebide chenike I no thive kethiu ye kishita hebide nani kelae!

Piyeküsü 16:1

Tileno asütsa kuloghi lakhi achineki lono kungumi tsüni vilo ishi pikeu I no chilu, “Wulo eno Alhou loghu akeu kiptibo tsüni pesü ayeghi lo leqhilo!”