EZEKEL 2:4 - Sumi Naga CL (Re-edited) Bible (BSI)

⁴ Pano kughukoqo ghi ayekümtha eno kuthovi ke: I no panoqo lau o puwu ani, no ye panoqo vilo pilo, ‘Ampeu Alhou no ishi piani.’

BAIBEL (BSI)

⁴ Panonguye kuthovi acheni eno isumsakeu kuhae, tighenguno ni, Akughushu MPEU no kiu panoqo vilo piani keno tipau opelo panoqo vilo pipe nike ino opuwu ani.

EZEKEL 2:4 Iomraidhean Croise

KUKAMI ATUGHIU 22:14

Ikemu Micaiah no pi, “Ampeu xü anike Pa no kiu I vilo pi keno ni ye ti pi nani.”

YEKIKITHI AKINIU 30:8

Itehi no puasüqo toi kuthovi kevilo, ikemu nongu pesü Ampeu tsüve lo eno Pa kimthe khache, khikhi Pa no alholo ghenguno shikimtheve akeno, tile ighi lo eno Ampeu nongu Lhou huthu lo, tishianguno nongu launo Pa loghu tsüghüve nani.

YEKIKITHI AKINIU 36:13

Pa no akükau Nebuchadnezzar khuu no pa pelo Alhou je lono ashoqhi shipe keno, pa ghi hebide ke. Pa ye ighono kuthovi auve eno Ampeu Israel Lhou lau pa mlo tsümove.

LESHELE 95:8

Meribah eno yenguyike-a Massah lo toi nongu mlo kuthovi kevilo,

AHOLE 21:29

Akümzümi ye pa ghili kümsü kutoju cheni ikemu kixikilami ye ithi ake ghilishi teqhitelei acheni.

ISAIAH 48:4

Kughengu nongu ye kishi kuthovi keno I no ithi ani, nongu kuo ye ayikichhe toi nongu kishe no alazayi toike,

JEREMIYA 1:7

Ikemu Ampeu no I vilo pi, “‘Ni ye lhothemi’ ipi kevilo; kughengu khuno lau I no o puwuni keno no ye wuni, eno kiu kiumu I no azah o tsükeu no ye pimasae.

JEREMIYA 3:3

Ikehu tsütsüghu no süchileve, tuqu tsütsüghu no ighi move, ikeghi no ye kujomo mithe küsalhami gi xapu ani.

JEREMIYA 36:21

Akükau no liküküzü süghi penike Jehudi puwu, pa no akiyeu Elishama chebo lono liküküzü kaku pesü akükau eno pa phivilo puthugho akemi kijemi lau phisütsü.

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

JEREMIYA 6:15

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani,” ipi Ampeu no pi.

JEREMIYA 8:12

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani, ipi Ampeu no pi.

EZEKEL 3:11

Ow timi haphe sawuve keqo lau wulo, eno panoqo no inina monamu panoqo pütsa no, ‘Ampeu Alhou no ishi piani,’ ipilo.”

EZEKEL 3:27

Ikemu kughou I no o pütsani keno, I no o kichi xükho tsü nani, eno nono panoqo vilo, ‘Ampeu Alhou no ishi piani’ ipi nani. Khuu no chiluni keno, pa no chilu pelo; eno milive keu no milive pelo, kughengu panongu ye hekibide laghami ke.

EZEKEL 3:4

Pa no I vilo pi, “Timi nu, Israel laghami lau wuno I tsa panoqo vilo pilo.

EZEKEL 3:7

Ikemu Israel laghami ye o tsa inini ke pulomo nani, kughengu panongu ye I tsa inini ke pulomoe: kughengu Israel laghami ye kümtsü no kuthovi eno amlo mkake.

AMUS 7:15

Ikemu Ampeu no ambe loji lono I kuphelu, eno I vilo pi, ‘Wulo, Iw timi Israelmi lau tungkuptsa piwulo.’

ZEKHARIA 7:12

Panongu no pano mlo pesü atu kümka toive, tikumo aye aqokitikhi Mpeu no Pa Ghungu vecheo azüu tungkupmi launo ayezah eno atsape tsükeu panongu no chiluve nosa kehue. Tighenguno aqokitikhi Mpeu launo axukighide kije ighive.

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

ZAKINIU 10:16

Tighenguno nongu mlo shikimthe lo, eno hinguno hilau ye kuthovi kevilo.

ZAKINIU 31:27

Kughengu panongu ye kishi kuthovi eno hekibidemi keno, I no ithi ani. I no xüaphi lo thotsü nongu ye Ampeu hebide chenike I no thive kethiu ye kishita hebide nani kelae!