EZEKEL 2:3 - Sumi Naga CL (Re-edited) Bible (BSI)

³ Pa no I vilo pi, “Timi nu, I no Israelmi, hekibide shiye, khunoqo I ghobide ani keno tipaqo lau o puwu ani. Ishi tsala kutolo panongu eno pano puasüqo ye I hebide ghi axine shivae.

BAIBEL (BSI)

³ “Thinikuau timio, Israilmi lau ino opuwu ani. Panonguno ihebide akumou shiani eno pano puasuqo toi ihebide achephike.

EZEKEL 2:3 Iomraidhean Croise

KUKAMI AKINIU 17:14

Ikemu panongu no ini tsümo eno pano puasüqo no Ampeu pano Lhou pülübemo ketoi, panongu no kuthovi ke.

KUKAMI AKINIU 17:15

Panongu no Pa khuayeqo eno puloshoqhi khikhi pano puasüqo sasü shi keno, ti thaighae. Panongu no kichile julhoqo pape eno sükümxa lo Ampeu no shiye khunoqo toi shi kevilo pi azah tsü keno, tipaqo pape ke.

EZRA 9:7

Ni puasüqo ghuloki lono ishi tsala kutolo ningu ye akipimi kije shi ighivae. Ni xine ghenguno ningu, niw kükami eno ni chinemi ye aghakhu lo kükamiqo u lo ilovae, azütakikihi lono ikiqivae, akughu lo wuvae, pükaqhivae, eno ishi tsala lo toi akukujo kitikhi lo ilovae.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

LESHELE 106:28

Tithiu panongu no Peor lo Baal sasü kuokhasü lakhi shive, eno kithimi lau aghakishi mllave keu chusho;

ISAIAH 30:1

Ampeu no pivae, “I kukughu lumono kughu chekemi eno axine küpha ghi I Ghungu no pulomo keu visho shi, kuthovi chekemi hasapue;

JEREMIYA 1:7

Ikemu Ampeu no I vilo pi, “‘Ni ye lhothemi’ ipi kevilo; kughengu khuno lau I no o puwuni keno no ye wuni, eno kiu kiumu I no azah o tsükeu no ye pimasae.

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 36:2

“Liküküzü kaku lakhi pesü I no Josiah ghuloki lono ishi kutolo Israel ngo Judah eno shiye kümtsü küla keu tsa o vilo pive keu kümtsü yepe qhilo.

JEREMIYA 44:20

Tileno Jeremiah no kiptimi, totimi, eno khokichile hipau pa tsükemi timi kümtsü vilo pi:

JEREMIYA 44:21

“Judah ngo Jerusalem laghila lo nongu eno no puasüqo, now kükami ngo hiyampemi, eno aghakhu lo timiqo no akümllagho tsükeqo Ampeu ye kümsülu tsüke kumo? Ti ye Pa kükümsü lo ighi move keshea?

JEREMIYA 7:2

“Ampeu khagho lo puthugho no hipau tsa pesü asheshu no pilo, nongu Judah lo khaghoqo veche ilo Ampeu mlla chekemi kümtsü Ampeu tsa inilo.

EZEKEL 17:12

“Itehi hekibidemi kibolomi vilo pilo, Thime hipaqo ye kiu keno nongu ye ithi anima? Panoqo vilo pilo, julo, Babylon kükau no Jerusalem lo ighi, eno li kükau ngo liw sakiphemi küghaluve no panoqo sasü pa lau Babylon lo ighivae.

EZEKEL 24:3

Hekibidemi kibo vilo aholetsa lakhi sheshu lo, eno panoqo vilo pilo, Ampeu Alhou no ishi piani: “Ali lakhi ghope ami lo pukulo; azü ghi tile lesülo;

EZEKEL 40:4

Pa no I vilo pi, “Timi nu, o nhethi tsükhope julo, o kini kughope inilo, eno I no o piyeni ye akeu kümtsü lo o mlo tsüqhiyi shilo, kughengu ni ye o piyeni ye hile o saighi ani. Nono ithulu keu kümtsü Israel kibolomi lau asheshu lo.”

AMUS 7:15

Ikemu Ampeu no ambe loji lono I kuphelu, eno I vilo pi, ‘Wulo, Iw timi Israelmi lau tungkuptsa piwulo.’

MALAKI 3:7

Nongu puasüqo ghuloki lono nongu ye I yezah lono tsüghüve eno tipaqo pemove. I lau ideighilo, eno I no nongu lau ideighini, aqokitikhi Mpeu no pi. Ikemu nongu no pi, ‘Ningu ye kishi ideighini kea?’

AKIKIHI 20:10

Tishino Moses ngo Aaron pama no atuqu zülo aqoaho kukumqo no Moses no pi, “Inilo nongu hekibidemi: ni pelo nongu ghenguno atuqu hipau lono azü pipetsü penishi ani keshea?”

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

Rommi 10:15

Atsapemi puwumo keloye kishino panongu ye asheshuni kea? Ti ye ishi yepüake toi, “Atsakiviu sheshu chekemi pukhu ye kiu toi jukivi kelae!”

ZAKINIU 9:24

I no nongu ithi ke tsalani no ishi kutolo nongu ye Ampeu hebide acheni.

ZAKINIU 9:27

O qemi Abraham, Isaac, eno Jacob kümsülu lo eno timi hipaqo mlo kutho, kixikila, eno pano xine kihitsü kevilo.