EZEKEL 19:12 - Sumi Naga CL (Re-edited) Bible (BSI)

¹² Ikemu axukighide lono atsaibo pigheve, eno ayeghi lo veqhive; kipela mülhü no tipa xathi fukighichive tsü; tipaqo ye ighive no thizümüive. Abo kumtoqo ye ami no pitive.

BAIBEL (BSI)

¹² Ikemu aloghu kighide uno tipau akuhu lono nhuve tsuke eno ayeghilo vedape qhiveke. Kipelau mulhuno tipau xathi fuki-ghichive tsuke. Tipau lokaqoye icheuve, tipaqoye qhaive eno pitive.

EZEKEL 19:12 Iomraidhean Croise

KUKAMI AKINIU 23:29

Pa ghuloki lono Egypt kükau Pharaoh Neco no Assyria kükau lau Euphrates ghoki lo iqhoe. Akükau Josiah no pa sasü aghü shinike wukelo Pharaoh Neco no Megiddo lono pa ithulu kemtsa pithive.

KUKAMI AKINIU 23:34

Tishino Pharaoh Neco no Josiah nu Eliakim pesü papu Josiah thisü luvepe, eno pa je pesü Jehoiakim ipi kukideve tsü. Ikemu pa no Jehoahaz sasü Egypt lo wuve eno pa ye tilau no thive.

KUKAMI AKINIU 24:6

Jehoiakim ye pa puasüqo gholo zühuve eno pa nu Jehoiachin no pa thisü luve.

LESHELE 52:5

Ikemu Alhou no alhokupuju ghenguno o kütsave nani; o phiki lono Pa no o mxape süthave nani Pa no küxümi yeghi lono o nhüve nani.

LESHELE 80:16

Panongu no ami pesü ti pitive tsüae; ti loqhivae; axukighide lono pano kütsave lo!

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

ISAIAH 27:8

Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

JEREMIYA 22:30

Ampeu no ishi piani: “Timi hipau ye anuhami kepi yepe qhilo, pa ye pa küxü lo tokulu shimo nani, kughengu pa kughukomi khumu David kükalakhü lo iqa no Judah lo ayepe lumoae.”

JEREMIYA 31:28

Hitoi shinani, I no panongu nhüve, peve, xaleqhive, kütsaleve, eno aghüzapu süghi keu shou khekuto ketoi, I no panongu khekuto no shiqhe eno shosü tsünani ipi Ampeu no sheshu.

AKUMLO 2:1

Ampeu no kishi Pa mlokighide lono khüngküsü no Zion nga küzüluve kela! Pa no Israelmiw qhivütsünyi keu atsütsü lono ayeghi lo veqhive tsü; Pa mlokighide tsalani Pa ye Pa pukhu kinepu kümsü mlave.

EZEKEL 15:2

“Timi nu, aghasü lo asübo akeqo dolo kishino atsai kighibosü, atsai loka no asü kütau nguno akiviu shiluni kea?

EZEKEL 15:4

Julo, ti ye süküghüpusü shi peithave cheni. Kughou ami no tipau aboake eno amta kuchopu pitiveni keno ti ye kiu lomu peitha kulupu ani keshea?

EZEKEL 17:10

Julo, ti ye shosüvae; ti ye thuwulu nani keshea? Kughou kipela mülhü no ti fudaqhini keno ti ye qhoi thizümüi tipau shosü püake-a lo mini ipeghi keu lono thizümüive moni keshea?”

EZEKEL 19:11

Tipau loka mtotoi keu no yepemi kükaküsü shive; tino aghasa dolono chuqumghai thuikughi; aloka tubolei ipeghi keu no qhemghai ithulue.

EZEKEL 28:17

O jukivi ghenguno no ye qhezave; o jekipi ghenguno nono o lokütsü shipüsave. I no ayeghi lo o peve; kükami shipiye no o ju peniye shike.

HOSIYA 13:15

Pa no pa thiküzümi gholo miniboi aghi namu, kipela mülhü, Ampeu mülhü, no yenguyike-a lono ighi nani, eno pa züpuki ngo azükikhe ye qhaive tsü nani; tino pa kinibo lono akughupu thime kümtsü pewuve nani.

JONAH 4:8

Kughou khetsünhe ipeghi keno, Alhou no kipelau shukuthui keu mülhü puwu, eno khetsünhe no Jonah kütsü yedaqhi, ikehu pa ye thiuve cheghi. Pa pelo thive pelopi pa no khu, “I ghenguno xü akeu ye thiveke pavie.”

MATTHEW 3:10

Itehi mu amüghü ye asübo philo qhipüani, eno axathi kivi pithimo keu sübo ye yeqhipe ami lo vesüve nani.

John 15:6

Khunono I lau kimepe moni keno aloka lakhi toi ikhipe peve cheni eno thizümüive cheni; aloka tipaqo ye xukumqope ami lo vesü no pitive cheni.

ZAKINIU 29:28

Ampeu no Pa mlo kighide kije lono aghakhu hipau lono panongu nhüpe itehi ayeghi kütau panongu no akeu lo vesüve.’

ZAKINIU 32:22

Kughengu I loghu no ami iqüvae, tino Kithigha kutho kutolo piti nani, ayeghi ngo tile akeqo pitive nani, eno naghuto boqha pitive nani.