EZEKEL 18:7 - Sumi Naga CL (Re-edited) Bible (BSI)

⁷ khumu shikughujumo, ikemu apiagha kupumiw aküna shoqhi tsüchileve, kiumu pükamo, pa sho pesü müzüthi akemi tsü eno aphimini pesü aphikümsa shi akemi pipe,

BAIBEL (BSI)

⁷ kutami khumu nedaqoda chemo, nalukemino athelilo qhipaghi keu nhemgha tsuchileve cheni, puka suxalu chemo, kumlhomi pa chuqu tsucheni eno aphimini kuhakemi puucheni,

EZEKEL 18:7 Iomraidhean Croise

NEHEMIA 5:10

Itaghi, ni eno I thiküzümi ngo I qemi no timiqo pisa ngo athi pünatsü ani. Ningu akighishe lukeu lhoaye hipau qhiveni nolo.

JOB 22:6

O thiküzümi no o lochile mla nosa kehu no ye akumou lono pa phimini xaluve no aphi kümsa qhive cheni.

JOB 24:3

Panongu no mighimiw khurha hasasü wuve cheni; api lomla nosa kehu chimemi mishitsü tshüluve cheni.

JOB 24:9

(Khami ye api lomlave keu theli lo mighimi launo akichhelo kupu tianuli ghi lekho pewuve tsü cheni.)

LESHELE 112:4

Timi kivimi ghenguno aküvü no aküzü lo yepüvü tsü nani, pa ye küpüqhiyi, kimiyeqhiyi eno amikucho ke.

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

LESHELE 41:1

Khunono kumlhomi jukuto cheni keno pano lokivipue! Shiluküsa tsala lo Ampeu no pa xaphelu cheni;

IPEKULU 22:25

“Tsala nono Iw timi kumlhomi o gholo akemi lau pisa püna aye, no ye pisa püna kighishe chekemi toi pa lau akighishe lumoni.

IPEKULU 22:26

Tsala nono aküna shoqhi shi o kisüghüu hebephi qhiluve aye, khetsünhe ilomphi lono pa tsüchileveni,

IPEKULU 23:9

“No ye inaghami peitha püsa moni. Nono inaghami mlo ithi anie, kughengu nongu ghi Egypt yeghi lo inaghami shi acheke.

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 28:27

Kumlhomi tsü chekemi ye püqüve mo nani ikemu anhethi miyi luve chekemi ye timi kutomo no ghusho nani.

AHOLE 28:8

Akighishe lono küakini kughuko chekemi ye kütami khuu no kumlhomi tsü-je cheni keno pa ghenguno pekike tsüani.

AHOLE 3:31

Ngukangugha shi xüche kemi jumine kevilo momu pano laghi pape kevilo,

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

ISAIAH 5:7

Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

JEREMIYA 22:3

Ampeu no ishi piani: Kuchou xakütha eno achipiu mikucho shilo, eno püka luve tsüno itaghi aküpkau no qhasüpe akeu xaphe lulo. Inaghami, mighimi, eno chimemi lau anguka eno akumou shi kevilo, a-a hipau lo pimihami ji pele kevilo.

EZEKEL 16:49

Julo, o tsünipu Sodom kipimi ye hike: li eno li ngaqo ye aqheküza, achuqupu achili eno pofushi keu lokughuno ae, ikemu kumlhomi ngo akukuphu avehupu shi akemi kuphu tsümoke.

EZEKEL 18:12

kumlhomi ngo akukuphu avehupu shi akemi shikughuju, pükaqhi, aküna shoqhi tsüchile mo, asü-atu julhoqo shou pa nhethi jupuku, aphikümqhüpu mlaitha,

EZEKEL 18:16

khumu shikughujumo, aküna shoqhi lumo, kiumu pükamo, ikemu müzüthi akemi lau pa sho tsü eno akuuphi pesü aphikümsa shi akemi pipe,

EZEKEL 18:18

Papu ghenguu ye, pa no süxachu, pa thiküzüu pükaqhi, eno paw timi gholo kiu no akivi kumo keno tipau mla ishi kehu, julo, pa ye pa xine ghenguno thinani.

EZEKEL 33:15

eno pa no aküna shoqhi tsüchileve, kiu pükave keno tsüchileve, aküxü khuaye lono cheche, eno achipikumo shimove aye, pa ye mtsüqheino xülu nani; pa ye thimo nani.

EZEKEL 7:23

“Ayikichhe iqiphelo! Kughengu ayeghi ye aji pele keu no chhitoivae eno mishighüna ye heqhi buqhi keu no chhitoivae.

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

ACHINE 19:13

“No ye o kisüghüu nedaqoda momu pükaqhi kevilo. Nono piqe akemi jume kijili lakhi ghenguno pinamu süchileve kevilo.

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

ACHINE 25:14

Israelmi aküsami vilo ayeghi jesü momu pa launo qhülu püaghi aye, lakhino lakhi lau akumou shimoni.

AMUS 2:6

Ampeu no ishi piani, “Israel xine küthü ghenguno eno bidi ghenguno, Ni ye aghime süchilemo nani; kughengu pano no ghükayi ghenguno amikuchomi jechuve, eno apukhuqho ghenguno kumlhomi jechuve.

AMUS 2:8

nalu keu theli lo aphimini qhipüa keqo panongu no pesü akümlla-a lono qhazü, pano Lhou ki lono asüchuve kemi tsaiji pewo sho acheni.

AMUS 3:10

“Khunono anguka lono süxape sükusho-a lo püani keno,” “tipaqo ye kishi achipiu shini keno mthae,” Ampeu no pi.

AMUS 6:3

Nongu no amhekiqi tsala kushuo lo tuha puwuve eno kütsakungo keu lakhü aphivilo süghive ke.

MICAH 2:1

Khunono küsakügha kuchughu eno pano lüpa lono alhoksa shicheni keno ahasapue! Kughou no tsütho ipeghini keno panongu no tishi cheni, kughengu pano u lo tishilu kepu küka anike.

MICAH 3:2

Nongu akivi mithi eno küsakügha kimiye chekeqo, Nongu no Iw timi yiko lhave tsüno asaghi lono ashi sülavetsü,

ZEFANIA 1:9

Tipani khunono akikhasü ilhe kache ilo anguka eno pishikiqhi vecheo pano mpeu ki shepichhi tsü cheni keno I no ghime nani.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

Luke 3:11

Pa no khochile, “Khukhumu aphiküzü kini akeu no küha kemi sasü küsaje lo, titoi achuqupu akeu no tishilo.”

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,