EZEKEL 18:6 - Sumi Naga CL (Re-edited) Bible (BSI)

⁶ tsala pa no naghutoqo shou no chushomo momu Israel kibolomi sü-atu julhoqo shou pa nhethi jupukumo, pa kisüghüu nipu shikitiqemo momu aqhi lo aji wokeu dolono totimi ika wumo,

BAIBEL (BSI)

⁶ paye Israilmi su-atu julhoqo mlla chemo momu naghuto kutsuqa chinealo akumllagho tsukeu chuchemo, paye akusami nipu shipusa chemo momu totimino mithekumodo sholu akelo paye kupunu wuchemo;

EZEKEL 18:6 Iomraidhean Croise

LESHELE 121:1

Ni ye naghuto lo jupukuni. Khilau no I kukuphu ighi cheni kea?

IPEKULU 34:15

nongu no tishimo aye ayeghi tipau lo küghüna akeqo sasü puloshoqhi shive nosa, eno kughou panongu no pano lhou sasü kütüqha, eno pano lhouqo lau aghashi no nongu kusüni keno, nongu ye pano ghakishi lo chuve nosa,

AHOLE 6:29

Tihutoi timi khuu no kütami nipu sasü züveni keno, li shipüthave ke lame pa ye aghime pumove mlae.

EZEKEL 18:15

pa no naghutoqo lono chusho chemo momu Israel kibolomi sü-atu julhoqo shou pa nhethi jupukumo, pa kisüghüu nipu shikitiqemo,

EZEKEL 18:5

“Tsala milakhi no amikucho eno kiu no achipi eno kuchou keno shi cheghi aye,

EZEKEL 20:24

kughengu panongu no Iw pimheye gholu move, I khuaye milive eno Iw Sabbath shikitiqeve, eno panongu nhethi no pano puasüqo süatu julho shou jupuku auveke.

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 20:7

I no panoqo vilo pi, ‘Nongu nhethi ghapiqilu chekeu aphikümqhüpu thimeqo nongu lakhikhi no pevelo, eno Egypt lo asü-atu julho vecheo nongu ampi shikitiqe kevilo; Ni ye Ampeu nongu Lhou ke.’

EZEKEL 6:13

Ghiqhive keqo no akiptia homxape ajulho akeqo gholo, qhemghai keu toghi lo, naghuto kütsüqa lo, asübo lo, aphisübo miniboi keu lo, khile khilemu panongu no pano julhoqo lau axokütsüngü mlla chekeu-aqo lo ikiqi aghi kelono panongu no Ni ye Ampeu kepi ithi nani.

ACHINE 20:10

“Timi lakhino aküsami Israelmi lakhi nipu sazüve aye, pa ngo atotiu gha pithiveni.

ACHINE 20:18

Timi lakhi no totimi no atüqhüdo ighi akelono lono ashiaji küqha aye pama kinikujo aqoaho lono hapheveni.

AKIKIHI 25:2

Totimi hipaqo no pano lhouqo mlla cheke-a lo Israelmi kusü no kümtsa kuchu-kusho shi eno pano lhouqo mllauve.

MATTHEW 5:28

Ikemu I no nongu vilo pi akeu ye khuu no mineqhiyi kütami nipu juni keno pa mlo lou no li sasü kütüqhavae.

1 Kor. 10:20

Moe, I no pi akeu ye Alhou kümthami no aghashi keu ye tüghami mlla ani thono Alhou mlla amoe. Ni ye nongu pelo tüghami sasü kuposhu penishi amoe.

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

IBRIMI 13:4

Kümtsü no külakupu gihu masae, eno külakupu lüpa shipixi kepu kumoe, kughengu kipti toti dolo mithekumomi eno küsalhami shou Alhou no küghathabe nani.