EZEKEL 18:30 - Sumi Naga CL (Re-edited) Bible (BSI)

³⁰ “Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

BAIBEL (BSI)

³⁰ “Itehiye ni, Akughushu MPEU no nongu Israilmi vilo pianike ino nongu milakhi khino kiu mlapuani keno tipau lono kughatha nani. Nonguno alhoksa kumtsu shiakeu lono tsughusu ighivelo eno nongu xine pelo nongu kutsavepe kevilo.

EZEKEL 18:30 Iomraidhean Croise

EZRA 10:11

Ikehu itehi ye Ampeu, no puasüqo Lhou lau axine piphelo eno Pa pulou shilo. Aghakhu lo ashiayeqo eno inaghalimi nipuqo launo nongu pesü kütüta shivelo.”

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

YETSAPIU 3:17

I mlo lono I no pi, Alhou no amikuchomi eno kixikilami shou küghatha nani, kughengu avehu eno akümla kümtsü ghenguno ado anike.

ISAIAH 21:12

Pa no khochile, “Tsüthou chea kemu putho ghi chephi; nono inijuni shi aye itaghi ideighi no inijulo.”

ISAIAH 59:20

Ampeu no piani, “Xachilekuluu ye Zion lo, Jacob limi khunoqo axine lono ideighive akeno, tipaqo lau ighi nani.”

JEREMIYA 25:5

eno pi, ‘Itehi nongu pütüta laghi eno akümla lhoksa lono tsüghü ighilo, eno Ampeu no khaghi no alholo ghenguno nongu eno no puasüqo tsükeu yeghi lo xülulo.

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 7:3

Aqokitikhi MPEU, Israel Lhou no ishi piani: Nongu laghi eno no kümla kilive lo, eno I no nongu pelo hile xülupe nani.

EZEKEL 14:6

“Tighenguno Israel laghami vilo pilo, Ampeu Alhou no ishi piani: Xaidelo eno now asü-atu julhoqo launo tsüghüve lo, eno now aphikümqhüpu kümtsü launo agi kughove lo.

EZEKEL 18:21

“Ikemu tsala kixikilami no pa no mlaitha chekeu xineqo lono tsüghü ighi no I yezah kümtsü pape eno kiu no achipi eno kuchou keno shi aye, pa ye mtsüqheino xü nani; pa ye thimo nani.

EZEKEL 18:29

Ikeghi Israel laghami no pi, ‘Ampeu laghi ye achipi kumoe.’ O Israel laghami, I laghiqo ye achipikumo keshea? Nongu laghiqo no achipikumo ke kumo?

EZEKEL 24:14

Ni ye Ampeu ke. I no piqhivae; tipau ye shikupu nani; I no tishi nani. Ni ye palokuto monani; Ni ye akipimi qhitsümo nani; Ni ye qhivemo nani; nongu laghi eno nongu kümlaqo kiqi lono nongu shou küghatha nani ipi Ampeu Alhou no sheshu.”

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

EZEKEL 33:20

Ikeghi nongu no pi, ‘Ampeu laghi ye achipi kumoe.’ O Israel kibolomi, I no milakhikhi laghi kiqi lono kümtsü shou küghathabe nani.”

EZEKEL 33:9

Ikemu nono kixikilau pelo pa laghi lono tsüghülu peniye ghutu kemu pa no pa laghi lono tsüghü move aye, timi tipau ye pa kipimi lono thive nani, ikemu no ye o ngulho xaluve nani.

EZEKEL 34:20

“Tighenguno Ampeu Alhou no ishi piani: Julo, Ni ampi no ambe atha kupuu eno aghi kümsa keu dolo küghatha nani.

EZEKEL 36:19

I no shiye gholo panoqo kutholeve, eno panongu ye aghakhuqo lo apanagha wuve. Pano laghi eno pano kümla kiqi lono I no panoqo shou küghatha ke.

EZEKEL 43:9

Itehi ye panoqo pelo panow kütüqha keu ngo panow kükami sükumo I launo putou peve pelo, eno I no panoqo gholo alhokupuju acheuve nani.

EZEKEL 7:27

Akükau no mloqae, yepemi no aghüthiküsü no küzüluve, ayeghi lo timiqo ye kichi kümsa keu lono anhü thizümüive. Panoqo laghi kiqi lono I no panongu lau mla nani, eno panow küghakütha kiqi lono I no panoqo shou küghatha nani, eno Ni ye Ampeu kepi panongu no ithi nani.”

EZEKEL 7:3

Itehi kishekha ye nongu shou ighivae, I no I mlokighide nongu shou puwu nani; I no nongu laghi kiqi lono nongu lau küghatha nani, eno nonguw aphikümqhüpu kümtsü ghenguno I no nongu ghime nani.

DANIEL 9:13

Moses Yezah lo yepüake toi, amhekiqi hipaqo kümtsü ningu shou ikughivae; tishimu ningu ye Ampeu ni Lhouw kikimiye qhüiniju ighimo eno ni kipimi xine lono tsüghüve no Ow kuchou vecheo vethakulu ithi küphalu move.

HOSIYA 12:6

“Ikehu no ye o Lhou kukuphu vecheo ideighilo, iqemokeu kikimiye eno kuchou xakütha mtotoi tsüqülo, eno tamono o Lhou khealo.”

ZEKHARIA 1:4

No puasüqo toi kevilo, azüu tungkupmi no panoqo vilo igha pi, ‘Aqokitikhi Mpeu no piani, Nonguw küsakügha laghi eno küsakügha kümla lono ideighive lo.’ Ikemu panongu no chiluke kumono I lau amlo tsümoe, ipi Ampeu no asheshu.

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 25:32

Shiye kümtsü pa zülo hekütsü nani, eno ambekheu no ambe ngo ane kütüta shike toi pa no timiqo lakhino lakhi launo kütüta shitsü nani.

MATTHEW 3:2

“Xaidelo, kughengu kungugha yekipe ye kupunuvae.”

MATTHEW 3:8

Aküxü xaidelu keu michipu shi axathi pithilo.

Luke 13:3

Moe, I no nongu vilo piani; ikemu nongu no xaidemo kelo nongu kümtsü titoi pühave nani.

Luke 13:5

I no nongu vilo piani, kumoe; ikemu nongu no xaidemo kelo nonguu ghi kümtsü titoi pühave nani.”

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

James 1:15

Tishino ngosükümla no mishipu luve no axine punu cheni; eno kughou axine no chhikhoi thuwuveni keno akithi süghive cheni.

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

Piyeküsü 2:16

Tighenguno xaidelo. Tikumo aye I no kighithe o lau ighini eno I kichi lo azütakikihi akeu pesü panoqo mjochile aghü shini.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

Piyeküsü 22:12

“Julo, Ni ye itheno cheni, milakhikhi no kiu mla püani keno tsüchile nike I no ajume pecheni.