EZEKEL 18:27 - Sumi Naga CL (Re-edited) Bible (BSI)

²⁷ Itaghi, kughou kixikilami no pa no küsakügha mlaitha chekeu lono tsüghü ighi no achipiu eno kuchou shini keno, pa ye pa küxü xalu nani.

BAIBEL (BSI)

²⁷ Kughou alhoksami lakhino alhoksa shimoveni eno achipiu ngo akivipu shiaye, paye pa kuxu xalu anike.

EZEKEL 18:27 Iomraidhean Croise

ISAIAH 1:18

Ampeu no pi, “Ighilo, ningu itehi no kiqikuto juni: nongu xine no hughüi aghi namu, tipaqo pesü mürasü toi metsüghoive tsüni; akuhuphi toi huchuyi aghi namu, asüpha toi metsüghoive tsüni.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

EZEKEL 13:22

I no amikuchomi püqapunu mo keghi nongu no akumou lono amikuchou ghüthi püsüve tsü, eno kixikilami shikumto no pa pelo kixikila laghi lono tsüghü idelu no pa küxü xalu pemoke ghenguno

EZEKEL 18:21

“Ikemu tsala kixikilami no pa no mlaitha chekeu xineqo lono tsüghü ighi no I yezah kümtsü pape eno kiu no achipi eno kuchou keno shi aye, pa ye mtsüqheino xü nani; pa ye thimo nani.

EZEKEL 18:26

Kughou amikuchomi no pa chipiu mikucho lono tsüghüsü wuve no achipikumo shiveni keno, pa ye tipau ghenguno thinani; pa no achipikumo shiveke ghenguno thinani.

EZEKEL 18:28

Kughengu pa no kümsüju no pa no axine shiche keqo lono tsüghü ighike, pa ye mtsüqheino xü nani; pa ye thimo nani.

EZEKEL 33:14

Itaghi, I no kixikilau vilo, ‘No ye mtsüqheino thinani,’ ipi püaghi namu, pa no pa xine lono tsüghüve no kiu no achipi eno kuchou keno mla aye,

EZEKEL 33:5

Pa ye afuko ghügha chilu kemu ghutu keu lumove ke; pa ji ye pa ampi shou ikughi nani. Ikemu pa no ghutu keu luke aye, pa ye pa küxü xaluni cheke.

MATTHEW 9:13

Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

Apostolmi 2:40

Pa no atsa kütau kutomo pesü thopi shino panoqo hakutho ghi pi, “Hi chighichilai keu tiqheli lono nongu ampi xalulo.”

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

1 Tim. 4:16

No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.