EZEKEL 18:24 - Sumi Naga CL (Re-edited) Bible (BSI)

²⁴ Ikemu kughou amikuchomi no pa chipiu mikucho lono tsüghüsü idewove no kuchou xakütha shimo eno kixikilami no shiche keu paphi shi aphikümqhüpu shini keno, pa ye xülu nani keshea? Pa no amikucho kümla shi keqo kiumu kümsülu tsümo nani; pa no pishikiqhi kiu shi keno tipau kipimi xapu akeu eno axine shive keu ghenguno pa ye thinani.

BAIBEL (BSI)

²⁴ “Ikemu amikuchomi lakhino akivipu shimoveno alhoksa kumtsu shicheuve eno alhoksamino kuchhube kutsula jeli shichekeu shiuve aye, paye xuakulupu kesha? Moe! Pano akivipu shipuakeu lakhimu kumsulu tsumo nani. Pa mikuchokumo eno pa xineqo ghenguno paye thi nanike.

EZEKEL 18:24 Iomraidhean Croise

YEKIKITHI AKINIU 24:2

Achineu Jehoiada no xüake tivilo Joash ye Ampeu zülo kiu no achipi keno shiche.

LESHELE 125:5

Ikemu khunono chighichilai keu laghi lo wuveni keno Ampeu no kixikilami gholo haphe puwuve cheni! Israel shou aloino keu apelo!

AHOLE 14:32

Kixikilami ye pa lhoksa kümla no pa xakuluve cheni, ikemu timi kuchomi ye pa kithi lo ghi sükusho acheni.

AHOLE 21:16

Kümsükulumi launo itsüsü wuve kemi ye kithimi gholo ngo nani.

JEREMIYA 34:16

ikemu nongu no tsüghüwo pütüta qüaxemi kiptimi totimi, pano kupulo lono kuqhopheve keqo, sachile luve keu lono I je shipixive, eno nongu no panongu pesü aqüaxe lo süveke.

EZEKEL 17:20

I no pa shou I khame vepuku nani, eno pa ye I lichhe lo kitime luve nani, I no pa sasü Babylon lo ighive nani eno pa no I pishiqhi keu ghenguno tilau no I no pa sasü küghatha nani.

EZEKEL 18:18

Papu ghenguu ye, pa no süxachu, pa thiküzüu pükaqhi, eno paw timi gholo kiu no akivi kumo keno tipau mla ishi kehu, julo, pa ye pa xine ghenguno thinani.

EZEKEL 18:22

Pa no mla ithave keqo xine kiumu pa lachile kepu shi kümsüchile tsümo nani; pa no achipiu mikucho shive keu ghenguno pa ye xülu nani.

EZEKEL 18:26

Kughou amikuchomi no pa chipiu mikucho lono tsüghüsü wuve no achipikumo shiveni keno, pa ye tipau ghenguno thinani; pa no achipikumo shiveke ghenguno thinani.

EZEKEL 20:27

“Tighenguno, timi nu, Israel kibolomi pütsa no pilo, Ampeu Alhou no ishi piani: Nongu puasüqo ye hipau lo ghi I lau küthakügha shike, ti ye pishikiqhi shi I peitha keu vecheo ke.

EZEKEL 33:18

Kughou amikuchomi no pa chipiu mikucho lono tsüghüsü achipikumo shiveni keno, pa ye tipau ghenguno thinani.

EZEKEL 33:6

Ikemu aghukheu no azütakikihi cheghi keu ithulu anamu afuko küigha move, tishikeu lono timiqo ghutu move, eno azütakikihi ighive no panoqo khukhumu yive aye, timi tipau ye pa kipimi lono yivae, ikemu pa ji ye I no aghukheu launo khu nani.

ZEFANIA 1:6

Ampeu papeche no athiu idewove kemi, Ampeu phumo momu Pa küsütsamo kemi kütsave nani.”

Mark 13:13

I je ghenguno timi kümtsü no nongu mithi nani. Ikemu khuu no ashekha kutolo kutuulu keno xaluve nani.

John 8:21

Pa no itaghi panoqo vilo pi, “Ni ye wuve nani eno nongu no I phuju nani, eno nongu ye no xine lono thive nani. I no khila wucheni keno nongu ye ighimlae.”

John 8:24

I no nongu vilo pike nongu ye no xine lono thive nani, kughengu nongu no ni ye Pa kepi pülümo kelo nongu ye no xine lono thive nani.”

Galatiami 3:3

Nongu ye hikithipu shi mbomzü keshea? Aghungu lono huthuve apüzü itehi nongu ye ashi lono kupukülai luniye ani keshea?

Galatiami 3:4

Nongu no adou lono ime püaghi aye, kuchou no nongu ghime ye ame kühave akeshea?

Galatiami 5:7

Nongu ye akivishi pocheke. Khuu no kuchou gholuni keu lono nongu hachileve kea?

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

2 John 1:8

Nongu jukutolo, tishianguno nino nongu ghenguno kiu mla püani keno pühave mono nongu no asaxü qhoi ithulu nani.

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 3:11

Ni ye ke-i cheni. Nono kiu pe ani keno mtotoi pelulo, tishi aye khunomu o kütsükuqho süxa luvemo nani.

SAMUEL ATUGHIU 15:11

“I no Saul pesü akükau shiveke I mlo kili ani, kughengu pa ye I papemo no tsüghüvae eno I zakütsüqo shimovae.” Samuel ye amloideve no puthotsü Ampeu qhüiniju.