EZEKEL 18:20 - Sumi Naga CL (Re-edited) Bible (BSI)

²⁰ Khuu no axine shini keno mtsüqheino thinani. Anu ye apu kipimi ghenguno aghime shimo nani, momu apu ye anu kipimi ghenguno aghime shimo nani. Amikuchomi mikucho ye pa ampi shou ikughi nani, eno kixikilamiw küsakügha ye pa ampi shou ikughi nani.

BAIBEL (BSI)

²⁰ Timi khuuno axine shikeno paye thi nani. Anu lakhiye papu xineqo ghenguno aghimepu shimo nani momu anu xineqo ghenguno papu ghimekepu shimo nanike. Amikuchomiye pano achipiu shikeu saxu ithulu nani eno alhoksamiye pano alhoksa shikeu ghimepu sholu nanike.

EZEKEL 18:20 Iomraidhean Croise

KUKAMI ATUGHIU 14:13

Israelmi kümtsü no pa ghenguno mloqa no pa shiqho nani, kughengu Jeroboam lagha lo pa likhi no Israel Lhou Ampeu mlo piqilu kehu pa sükumo likhi no shiqholu nani.

KUKAMI ATUGHIU 8:32

kungugha lono ini tsüno o qeu lau küghatha tsülo eno küqüve keu ghime lo, ikemu amikuchou ye pa mikucho kiqi lono asaxü tsülo.

KUKAMI AKINIU 14:6

Ikemu pa no ghikiqhimi tianuli pithi move, ti ye Moses Yezah kaku lo Ampeu no azah ishi tsükeu kiqi lono ke, “Anuli kipimi ghenguno apuaza pithimla, eno apuaza kipimi ghenguno anuliqo pithimlae; ikemu timi kümtsü pütüta xine ghenguno thimasae.”

YEKIKITHI AKINIU 25:4

Ikemu pa no ti ghikiqhimi tianuli pithi move, ti ye Moses Yezah Kaku lo Ampeu no ishi azah tsükeu kiqi lono ke, “Anuli kipimi ghenguno apuaza pithimla, eno apuaza kipimi ghenguno anuli pithimlae; ikemu kümtsü pütüta xine ghenguno thimasae.”

YEKIKITHI AKINIU 6:23

Ow kungugha lono ini tsüno O qeu lau küghatha tsülo, eno küqüve keu lau aghime tsülo ikemu achipiu ye pa chipiu kiqi lono kümgha tsülo.

YEKIKITHI AKINIU 6:30

O kungo-a kungugha lono, ini tsüno akipimi qhitsülo, eno pütüta mlo Nono ithi akeu kiqi lono, panongu lau mla tsülo kughengu O likhi no timi kümtsü mlo ithi anike,

IPEKULU 32:33

Ikemu Ampeu no Moses vilo pi, “Khunoqo no I lau axine shive akeno, I no Iw kaku lono nuxaveni.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

EZEKEL 14:14

tsala timi hipano küthü, Noah, Daniel eno Job noqo no tile aghi namu, panongu ghi pano chipiu mikucho vecheo pano küxü likhi xalu nani, Ampeu Alhou no asheshue.

EZEKEL 14:16

timi hipano küthü no tile aghi namu, I no xüake toi, Ampeu Alhou no asheshu, panongu ghi pano nuliqo ngo angaqo xalumo nani. Panongu likhi xalu nani, ikemu ayeghi hipau ye küghüve nani.

EZEKEL 18:13

akighishe lono püna, ala lu cheghi aye, pa ye xülu nani keshea? Pa ye xümo nani. Pa ye aphikümqhüpu hi kümtsü shivae; pa ye mtsüqheino thinani; pa ji ye pa ampi shou anani.

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

EZEKEL 18:4

Julo, angulho kümtsü Iw ke; apu ngulho ngo anu ngulho ghi Iw ke: Khuu no axine shini keno thive nani.

EZEKEL 33:10

“No, timi nu, Israel kibolomi vilo pilo, Nongu no ishi pike: ‘Mtsüqheino ni kipimi eno ni xine ye ningu shou ani, eno ningu ye tipaqo ghenguno tsümavae. Imaye ningu ye kishino xüluni kea?’

EZEKEL 33:6

Ikemu aghukheu no azütakikihi cheghi keu ithulu anamu afuko küigha move, tishikeu lono timiqo ghutu move, eno azütakikihi ighive no panoqo khukhumu yive aye, timi tipau ye pa kipimi lono yivae, ikemu pa ji ye I no aghukheu launo khu nani.

EZEKEL 4:4

“Tithiu o u piyiu küdau ihozü lo, eno Israel laghami ghime o shou belo. Atsala khije nono tile ihozüni keno tijehi no ye panoqo ghime xapu nani.

ACHINE 10:17

“Kushiye nongu ye axine kümllagho hipau akimthe-a lono chuvemo kea? Kughengu ti ye shishe akimthe eno nongu tsükeu ye aqoaho xine xapu luve tsüno Ampeu lau lokichile shitsü peniye ke.

ACHINE 16:22

Ane no panongu xine kümtsü xapusü timi küghünamo ke-a lo wuveni, tilau no pa no kuqho pheveni.

ACHINE 19:8

Khuu no tipau chuni keno ti ye Ampeu lau ikhiphepe tsüve keu kehu akipimi shivae, ikehu pa ye timiqo gholono hapheveni.

ACHINE 5:1

“Khuana no küqüve no thopi shi penike aqha zülono inijuni, eno timi lakhino pa ye ithulu püani momu ithi ani kehu thopi tsülu nani kemu pimove aye, timi hupau kipimi pa no xapuni;

ACHINE 5:17

“Khuana no Ampeu zakütsü lo shimo kepu lakhimu shive no axine shive aye, pa no mthano shive aghi namu kughou pa kipimi kümsüchile luni keno, pa ye pa xine xapu masae.

AKIKIHI 15:31

Kughengu pa ye Ampeu no kiu pi keno milivae eno püthapütsano Pa yezah hephovae, pa ye aqo gholono kileveni eno pa kipimi ye pa shou ikuve peni.”

AKIKIHI 18:1

Ampeu no Aaron vilo pi, “Akimthe-a lo shipimive kelo no eno o nuli eno o limi no amakho pu nani, eno achine kümlapu lo shipimilu kelo no eno o nuliqo no amakho pu nani.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

ZAKINIU 24:16

“Anuli kipimi ghenguno apunoqo pithi moni, eno apunoqo kipimi ghenguno anuli pithi moni. Timi kümtsü pütüta xine ghenguno thi masae.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.