EZEKEL 17:7 - Sumi Naga CL (Re-edited) Bible (BSI)

⁷ “Tile alhuqu kuloghi kütau ghi achishibo kije eno amhi ghoghoi xapu ae, eno julo, atsaibo hipau no pa küdau akuhu kughopuwo eno tipau shosüpe akeu-a lono pa küdau alokaqo qüpuwu, tishikeu lono pa no azü pesü tipau tsüniye ke.

BAIBEL (BSI)

⁷ “Tilehi aluqu kuloghi kutau lakhi ae, achishibo kije eno amhiye shishoi puae. Ikelo atsayi kighibono tipau kudau akuhu qupuwu eno panipa tikudau khonhapuwoke, tishi anguno tipau pelo aghutu khipa-a lono thuwu akeno tipau nguno alau azu tsupeniye lajuke.

EZEKEL 17:7 Iomraidhean Croise

KUKAMI AKINIU 24:20

Kughengu Ampeu ye Jerusalem ngo Judah lo küami shou ighono amlo ideve kehu Pa no Pa zülono hapheve. Zedekiah no Babylon kükau hebide thuve.

YEKIKITHI AKINIU 26:13

Panongu qholo ghüshimi lakh küthü qhethonhe tsüni no aqhe pungu no aküka kumto lono aghümi launo akükau kuphuni kemi ae.

EZEKEL 17:15

Ikemu pa no hebide no paw lashikami Egypt lo puwu, tishino panongu pelo khurshi ngo ghüshimi kutomo pa tsü peniye shike. Pa ye tolu nani keshea? Thime hitoi keu shiche kemi ye pokalu nani keshea? Pa ye visho kubove no pokalu nani keshea?

EZEKEL 17:6

tino mini ipeghive no aqhou no qhawo keu tsaibo lakhi shive, tipa lokaqo no pa küdau qhawo eno akuhu ye tipa-a lo qüsüpe ae. Ti ye atsaibo lakhi shive no aloka qhawove.

EZEKEL 17:8

Tipau ye azü kupukuno-a phivilo ayeghi kivi lo shosüpe ae, tishikeu lono tino alokaqo qhawo no axathi pithilu no akighiche tsaibo shiniye ke.

EZEKEL 31:4

Azü no tipau vapütsü; azükutho no tipau pelo kushuo thuwu lupe, ti shosü püake-a homxa aghokiqo no qowu, aluza lo asübo kümtsü lau aghokitiqo puwu ke.