EZEKEL 17:3 - Sumi Naga CL (Re-edited) Bible (BSI)

³ Ampeu Alhou no ishi piani: Alhuqu kuloghi lakhi achishibo kije eno amhi kushuo ache, alabe jeli mhi no ghoghoi püzü Lebanon lo ighi no cedarbo kütsüqa lo ngove.

BAIBEL (BSI)

³ Aluqu akuloghi kije lakhi acheke, amhiye jukighilepu eno achishiboye kije kushuwa sukhope ake. Pano Libanon Naghuto kudau yewu puzu Kedar subo lakhi aketsugho suchhevetsu,

EZEKEL 17:3 Iomraidhean Croise

JEREMIYA 24:1

Babylon kükau Nebuchadnezzar no Jehoiakim nu Judah kükau Jeconiah, eno Judah lo kijemi ngo atshamgha kishimi ngo ayi kümlami kughu sasü Babylon lo wuve kethiu Ampeu no kungunhetsü hipau I piye: Julo, mubuthi ashoghi kini Ampeu chineki zülo qhitsü.

JEREMIYA 4:13

Julo, pa ye khüngküsü toi cheni; paw khurkuluqo no miyitsü toi; paw khurshiqo no alhuqu nguno mthüthei, ningu ye ahasapue, ningu ye pühavae!

JEREMIYA 48:40

Kughengu Ampeu no ishi piani: “Julo, alhuqu no pa chishibo sükhope yeiqiche keshi, shiye lakhi no Moab küzüluve niye ani;

JEREMIYA 49:16

No atuxu lo küxüu, atoghi kütsüqa pükhape achekeu, nono kichi kümsa eno qheza chekeu huno o pishiqhivae. Nono alhuqu toi qhemghai keu lo o püsü mla püaghi namu, I no tilano o sünheqhive nani, ipi Ampeu no sheshu.

AKUMLO 4:19

Ni hache kemi ye atsütsü lo alhuquqo nguno akümthüu; panongu no naghuto lo ni haighi; asayeqha lo itshüpe ni ngokhe.

EZEKEL 17:4

Pa no cedarbo kütsüqa lo akhuni mini ipeghi keu mighi thape kilhikishi yeghi lo pewuve no lhidimiw mishighüna lo ghope qhive.

EZEKEL 17:7

“Tile alhuqu kuloghi kütau ghi achishibo kije eno amhi ghoghoi xapu ae, eno julo, atsaibo hipau no pa küdau akuhu kughopuwo eno tipau shosüpe akeu-a lono pa küdau alokaqo qüpuwu, tishikeu lono pa no azü pesü tipau tsüniye ke.

EZEKEL 31:3

Julo, Assyria ye Lebanon lo cedarbo lakhi ke, jukivi loka eno aghasü kicheqho, chuqumghai iku khüngküsü toe.

DANIEL 2:38

eno timi nuliqo, aluza lo tüghashiqo, kunguu ghauqo, tipaqo no khile khile xüaghimu, Pa no o u lo süve tsüae, o pelo tipaqo kümtsü shou ayepe lupe ke—ameshoyi kütsü huye no ke.

DANIEL 4:22

ti huye no ke, O akükau, no ye thuwuvae eno akumto shivae. O kughushu ye thuwuvae eno atsütsü tovae, eno o yekipeqha ye ayeghi shekha kuto tovae.

DANIEL 7:4

Atüghüu no abongshuu toi eno alhuqu chishibo puae. Tithiu I no ju keloye tipau chishibo tujo phevetsü, tipau ye ayeghi lono sünheqheve eno timi toi apukhu kini no puthughope, eno timi kükümsü pesü tipau lolo süvetsü.

HOSIYA 8:1

Afuko pesü o mütsü lo thelo! Alhuqu toike lakhi no Ampeu ki shou ikughi ani, kughengu panongu no Iw puloshoqhi hexavae eno I yezah hebideve ake.

HABAKUK 1:8

Panow khurshiqo ye angshuu amikhiu nguno akümthüu, avela tineqo nguno ayiküsau; panow khurshimi no kushuo lono kokoshi ighi; panongu no tsüqhini ke alhuqu toi yesü ighi.

MATTHEW 24:28

Khile khilemu akithi kumo akeu lo küzüva lhuquqo anani.

MATTHEW 4:24

Ikehu pa jekipi ye Syria qha kümtsü lo veküpha wove, eno küsükinimi, aküsü jeli xapusü ime akemi, tüghaküsa no ghimeqhi akemi, kiligha kipemi, aphiau kithimi kümtsü pa lau saghi no pa no panoqo shipivi tsü.

ZAKINIU 28:49

Alhuqu no yeiqighi keshi, ayeghi shekhau no Ampeu no shiye lakhi nongu shou saghi nani, nongu ye pano shiye tsa vethamla nani.