EZEKEL 17:23 - Sumi Naga CL (Re-edited) Bible (BSI)

²³ Israel lo naghuto kütsüqa lo I no shosü nani, tishikeu lono ti ye alokaqo qhawo eno axathi pithilu nani eno cedarbo akighiche lakhi shive nani. Tipau qholo aghau jeli kümtsü no ngo nani; tipa loka kicheqho lo aghau jeli kümtsü no apüsü pesü nani.

BAIBEL (BSI)

²³ Tipauno aloka ishe ipeghi nani eno athi pithi eno jukighilepu Kedar subo shi nani. Aghau jeli kumtsuno tilehi acheuve nani eno tipau kicheqo lono kusuqholu nani.

EZEKEL 17:23 Iomraidhean Croise

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 80:8

Nono Egypt lono atsaibo lakhi peighi; Nono shiyeqo haleve eno tipau shosüe.

ALE KIMCHI 5:15

Pa pukhu ye ameshoyi shou alabaster tsükucho ghopüa keshie. Pa koghe ye Lebanon lo cedar kighiche toike.

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

ISAIAH 27:6

Ighinikeu tsala lo Jacob lagha ye akuhu qüsüve nani, Israelmi no mini ipeghi no punani eno axathi no ayeghi nhakha nani.

ISAIAH 49:18

Nongu nhethi tsükhope julo; panongu kümtsü kumqo ani eno nongu lau cheni. Ampeu no piani, ‘I no xüake toi, nongu no hupaqo kümtsü tünatunu pu akeshi pepu nani; külaliu no li chila tshüpu keshi nongu no tshüpu nani.

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

EZEKEL 20:40

“Ampeu Alhou no asheshu, kughengu Iw akimthe naghuto, Israel naghuto kiqhe shou no Israel kibolomi kümtsü, panoqo kümtsü, tilau ayeghi hipau lono I qe nani. Tilau no I no panoqo ikhilu nani, eno tilau no I no nongu süqha-süli eno akighiche gho gholono now akimthe kümllagho kümtsü avehupu shi nani.

EZEKEL 31:6

Atsütsü lo aghau kümtsü no tipa loka lo apüsü pesü; tüghashi kümtsü no tipa loka qholono atiqo piti, tipa kicheqho lono shiye kuloghi kümtsü no xüche.

EZEKEL 36:8

“Ikemu, O Israel lo naghutoqo, nongu no nongu loka lono mini ipeghi nani eno Iw timi Israelmi ghenguno nongu xathi pithi nani, kughengu panongu ye kighithe aki lo ighive nani.

EZEKEL 40:2

Kungunhetsü lono Alhou no Israel yeghi lo I saighi, eno shishe qhemghai keu naghuto lo apeu küdau mishighüna shiqhe aketoi keu-a lo I küghüqa.

DANIEL 4:8

Ashekha lo Daniel no I zülo ighi—pa je ye I lhou je kimihi shi Belteshazzar ipi kuvetsü, eno pa gholo akimthe lhouqo ghungu ani—eno I no asamo pa vilo pi,

DANIEL 4:9

“O Belteshazzar, küdüumi atou, kughengu I no ithi anike akimthe lhouqo ghungu no o lolo ani eno tuqhou küsü püakeu kiumu o ghengu ye kushokütsü kumoe, I samo kungunhetsü I no ithulu keu eno tipaqow hekupho I vilo pilo.

HOSIYA 14:7

Panongu no ideighi no Iw sükusho qholo xü nani; athi toi kupukuno shi nani; atsaibo toi mini ipeghi nani; pano jekipi ye Lebanon tsaiji toi nani.

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

MICAH 4:1

Ashekha tsala lo hi ighi nani Ampeu ki akeu naghuto ye, kümtsü gholo akiqheu shive nani, eno atoghiqo nguno akiqheu shi ikhiqhe nani; ashiayeqo no tile chokive ighi nani,

MATTHEW 13:32

Aghanethi ye alothi kümtsü nguno aghulou kemu kughou tino thuipeghi keno, aghutu lo atsünibo jeli kümtsü nguno akuloghiu shive no asübo toive cheni, ikehu aghau jeli ighi no tipau lokaqo lo apüsü mla cheni.”

Mark 4:32

tishimu kughou tino thuwuni keno aghutu lo atsünibo kümtsü nguno akuloghiu shino aloka kijeje shive cheni, ikehu aghauqo no tipa kicheqho lo apüsü pesülu cheni.”

Luke 13:19

Ti ye aghanethi timi no pewo aghutu lo vesüve ketoie, tino thuikughi no asübo ilhouve, eno aghauqo no tipa lokaqo lo apüsü mlae.”

John 12:24

Kuchou no I no nongu vilo piani, athi no ayeghi lo ikiqi ilo no thivemo keloye tilikhi acheni; ikemu tino thive aye athi kutomo pithi cheni.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”