EZEKEL 17:19 - Sumi Naga CL (Re-edited) Bible (BSI)

¹⁹ Tighenguno, Ampeu Alhou no ishi piani, I no xüake toi, mtsüqheino pa no I shoqhi thaighave eno pa no kubove keu ye Iw puloshoqhi ke. I no tipau pa kütsü shou pukutsü nani.

BAIBEL (BSI)

¹⁹ Akughushu MPEU no piani, “Kuchouno niye xuakeu Lhou ke, visho khipau penikepi pano ije lono tushoqhi keno tipau kuboleveke ghenguno niye pa ghime nani.

EZEKEL 17:19 Iomraidhean Croise

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

KUKAMI ATUGHIU 2:33

Pama heqhive keu ngusü ye Joab ngo pa lagha shou alholo anani. Ikemu David ngo pa lagha eno pa kibolomi ngo pa kükalakhü ye Ampeu launo alholo aloino ache nani.”

JEREMIYA 27:8

“‘“Ikemu shiye momu kükaqha lakhino hi Nebuchadnezzar Babylon kükau qemo eno pano kuo lo paw kuokhasü pumo aye, I no shiye tipau kütsave moke kutolo azütakikihi, akhüava, eno püsa pesü ghime nani, ipi Ampeu no sheshu.

JEREMIYA 37:17

Akükau Zedekiah no Jeremiah ghenguno timi puwu no pa saluve. Akükau no pa ki lono tuqhou shi pa vilo ighiju, “Ampeu launo atsa kiuala ani keshea?” Jeremiah no pi, “Iyei.” Tileno pa no pi, “No ye Babylon kükau u lo phesüve tsü nani.”

JEREMIYA 5:2

Panongu no, “Ampeu xü anike,” ipi anamu, akimki lono tushoqhi cheni.

JEREMIYA 5:9

Hipaqo ghenguno Ni ye panongu ghime moni keshea? ipi Ampeu no asheshu; eno Ni ye shiye hitoi keu shou I mkhü lumoni keshea?

EZEKEL 16:43

Kughengu nono o lhothe tsalaqo kümsü move, ikemu thime hi kümtsü vecheo I mlo shikighideve ke, tighenguno julo, I no o kümlaqo pesü o kütsü shou shekichile shipukuve tsü kepi Ampeu Alhou no asheshu. No ye ow aphikümqhüpu kümla kümtsü shou asalha pesü shoqabe ke kumo keshea?

EZEKEL 16:59

“Kughengu Ampeu Alhou no ishi piani: Nono mlave ketoi I no o lau shinani, no ye puloshoqhi kubove keu vecheo küthakügha shivae,

EZEKEL 17:18

Pa no visho kubove keu lono ashoqhi thoghave kehu julo, pa no pa u pesü thime hi kümtsü shivae; pa ye poka lumo nani.

EZEKEL 17:20

I no pa shou I khame vepuku nani, eno pa ye I lichhe lo kitime luve nani, I no pa sasü Babylon lo ighive nani eno pa no I pishiqhi keu ghenguno tilau no I no pa sasü küghatha nani.

EZEKEL 9:10

Ikemu I ghengu ye, I nhethi no juzüve monani, momu Ni ye amlosa qhiyi monani; I no panoqo kümla pesü panoqo kütsü shou betsü nani.”

ZAKINIU 5:11

“‘Nongu ye adou lono Ampeu nongu Lhou je peitha moni, kughengu Ampeu ye adou lono Pa je peitha keqo akipimi tsünani.