EZEKEL 16:7 - Sumi Naga CL (Re-edited) Bible (BSI)

⁷ I no o pelo aluza lo atsünibo toi miniboi ipeghipe. Eno no ye thuwuve no chuqumghaive no jukivi no chhitoive. O kichhi ye akivi shi ipeghive eno o kütsüsa ye thuwuve; ikeghi no ye aphimini pepumo eno aphikümsa shiae.

BAIBEL (BSI)

⁷ Atsanibo lakhi checheyikeu toi ino opelo thuwulupeke eno noye choshiyi thuwuve, chuqumghaive eno ilimi lhothe lakhi shive. Okichhiye akoghe kivi shive eno osa thuwuve ikemu noye aphi kumsa ke.

EZEKEL 16:7 Iomraidhean Croise

BOTHUBO 22:17

I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

JOB 1:21

Pa no pi, “Ni ye I za po lono aphi kümsa ighi, eno aphi kümsa idewove nani. AMPEU no tsüno AMPEU no ikhipe wuvae; AMPEU je shelo.”

LESHELE 135:4

Kughengu Ampeu no Pa salashi Jacob kisheluke, Israel pesü Pa mheghi shike.

LESHELE 147:20

Pa ye khuno shiye mu sasü hitoi shipüamoe; panongu ye Paw pimheyeqo mthae. Ampeu sheqhelo!

LESHELE 148:14

Pa no Paw timi ghenguno akibo süqhe, Paw timi kümtsü, Israelmi khunono Pa kupunu ani keno Pa sheqhelo. Ampeu sheqhelo!

IPEKULU 1:7

Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

IPEKULU 12:37

Israelmi no Rameses lono Succoth kutolo chewuve, totimi ngo itimi kihisü mono timi lakh tsügho apukhu lono wue.

IPEKULU 3:22

ikemu totimi lakhikhi no li kisüghüu, eno totimi khukhumu li kilo ngo akeu vilo ghükayi, ameshoyi chi eno aphimini khulu nani. Nongu no tipaqo pesü no tianuliqo pipe nani. Titoi nongu no Egyptmi xüle puwuve nani.”

ALE KIMCHI 4:5

O kichhi küma ye asheti kini toi, achuyi pitikishe küma no lapu xamunuli lo achu mzache keshie.

ALE KIMCHI 8:10

Ni ye aliwo lakhi shiche, eno I kichhi no aghukhe qoghe toi ache; tileno timi no aloino keu phulu akeshi I no I lomi nhethi lo kiyighiu shive.

ALE KIMCHI 8:8

Ningu ye achepu lakhi akichhi kühakeu anie. Li ini ighike tsala lo li ghenguno kishiveni kea?

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 62:3

No ye Ampeu ghakhu lo jukighilepu kütsükuqho lakhi shi nani, eno o Lhou yekipe lo kükakütsüqho shi nani.

EZEKEL 16:16

Nono o phimini hami ikhipe o ghenguno alabe jeli no akimtheki shike, eno tipau lono kütüqhauve. Hitoi keu ye khilemu shimphi momu khilemu shimo nani.

EZEKEL 16:22

Ow aphikümqhüpu eno kütüqha keu kümtsü lo no ye o lhothe tsala lo aphimini pepumo no aphikümsa shi aji lo ihi akeu kümsü mlave.

EZEKEL 16:6

“Kughou I no o kathawu keno no ye aji lo ihi aghi keu ithulu, o ji no o küzüpe akelo I no o vilo pi, ‘Xülo!’ o ji no o küzüpe akelo I no o vilo pi, ‘Xülo!’

HOSIYA 2:3

tikumo aye I no li phimini xave tsüno li punu tsala lo toi aphikümsa shive tsüni, li pesü yenguyike-a toive tsüni, eno li pesü qhaike yeghi toive tsüno atüghü lono li pithiveni.

Apostolmi 7:17

“Ikemu Alhou no Abraham vilo piqhikeu do kupunuve kelo, Egypt lo ni timi ye alau ikowove.

ZAKINIU 1:10

Ampeu nongu Lhou no nongu kughukove tsüae, julo, itehi nongu ye atsütsü lo ayepuqo jehivae.

ZAKINIU 1:11

Ampeu no puasü Lhou no Pa no piqhike toi ghuthu qhethonhe kutolo alau nongu kighishetsü eno kümghatsü peniu!

ZAKINIU 4:8

Eno ishi I no akhuaye eno pimheye nongu tsü akeu toike amikucho yezah khuno shiye no ani kea?