EZEKEL 16:60 - Sumi Naga CL (Re-edited) Bible (BSI)

⁶⁰ ikeghi o lhothe tsala lo toi Ni ye Iw puloshoqhi o sasü shikeu kümsülu nani, eno I no o ghenguno shekhaha puloshoqhi lakhi shi nani.

BAIBEL (BSI)

⁶⁰ Ikemu niye nono alhothe shi achekelo ino osasu puloshoqhi shikeu gihu nani eno ino osasu puloshoqhi lakhi shini cheni tiye alhokupuju kutolo achekepuke.

EZEKEL 16:60 Iomraidhean Croise

BOTHUBO 9:15

I no Ni, nongu eno aküxüküa lhoxüqo dolo Iw puloshoqhi akeu kümsülu nani. Eno azüghizü ye khilemu itaghi aküxü kütsa nike züqozü shi ighimo nani.

SAMUEL AKINIU 23:5

“I kibo ye titoi Alhou gholo puthugho acheni kekumo? Kughengu Pa no I sasü lhokta puloshoqhi shivae, thokha kithikiyi eno mtotoivae. Kughengu Pa ye I kuphutsü eno I kimji shikupu tsümoni keshea?

LESHELE 105:8

Pa ye alholo Paw puloshoqhi, Pa no azah tsükeu tsa tiqheli qhethonhe kutolo kümsülu cheni,

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

ISAIAH 14:1

Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 61:8

Kughengu ni Ampeu ye achipiu xakütha kimiye; I no aküpka ngo akumou mithi ke; I no amikucho lono panongu asaxü tsü nani, eno I no panoqo sasü lhokta ghenguno puloshoqhi shi nani.

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

JEREMIYA 50:5

Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

EZEKEL 16:8

“Kughou I no itaghi o kathawu no o ju ithulu keno, julo, no ye küzüvü kepu do tove aghi, eno I no I kuuphi pesü o phikümsa nhatsüe; I no o lau tushoqhi no o sasü puloshoqhi shie, Ampeu no asheshu, eno no ye Iw shiveke.

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

HOSIYA 2:15

Tilauno I no li tsailu tsüchile nani eno Achor Khila pe lajupu hukikha shitsü nani. Tilauno li lhothe ghuloki lo toi, Egypt yeghi lono ipeghi kelo toi li no khochile nani.

ACHINE 26:42

I no Jacob, Isaac, eno Abraham sasü Iw puloshoqhi shikeu kümsülu nani, eno aghakhu kümsülu nani.

ACHINE 26:45

I no panongu ghenguno Iw puloshoqhi pano puasüqo sasü shikeu kümsü luni, I no pano Lhou shiniye shiyeqo nhethe lono Egypt lono saipeghi ke: Ni ye Ampeu ke.”

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.