EZEKEL 16:52 - Sumi Naga CL (Re-edited) Bible (BSI)

⁵² No ghi ow küthakügha puqhelo, kughengu o tsünipulimi züqhushi nono chhosüke. O xine khipaqo vecheo nono panongu nguno alau aphikümqhüpu shi mlave keno tipaqo ghenguno panongu ye o nguno alau achipiu lo anie. Ikehu no ghi kujolo eno ow küthakügha puqhelo, kughengu nono o tsünipulimi pelo amikucho toi ithulupe ke.

BAIBEL (BSI)

⁵² Itehino noye olikhi okukujo xapulu kepu shiveake. Oxineqoye otsunipu qono shikeu nguno kumzapushi anikehu ophivilo panonguye pimimokeu paphike. Itehi agi isaphai alo eno okukujo xapululo kughengu ojupesu otsunipu qoye mithemithei ithulu kepu shipeke.”

EZEKEL 16:52 Iomraidhean Croise

BOTHUBO 38:26

Tile Judah no tipaqo kimchi luve no pi, “Li ye I nguno alau achipiue, kughengu I no I nu Shelah li tsümove ke.” Tithiu pa ye khilemu li lau wu kithe move.

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

JEREMIYA 23:40

I no nongu shou alholo sakiyi keu eno pülhapuju kümsümamo kepushi akukujo süghi tsüni.”

JEREMIYA 3:11

Ampeu no I vilo pi, “Aküpülü kükühau Israel ye li pesü pishikiqhiu Judah nguno amikuchou shi piyeke.

JEREMIYA 31:19

Ni ye itsü wuve kemu xaide luvae, eno I kütsüluve kethiu ye I no I lukobo lo hepukuvae; Ni ye kujove eno I shikuchunive, kughengu ni ye I lhothe lo kukujopu xapu ani.

JEREMIYA 51:51

‘Ni thogha ke ghenguno ningu ye kujovae; akukujo no ni gi küzü luvae, kughengu inaghami no Ampeu ki alou akimthe-a lo iloghivae.’

EZEKEL 16:47

No ye panoqo laghi lo chechekeu ngo panow aphikümqhüpu kümla kiqi lono mla chekeu likhi kumoe; ado kitila dolo no ye o laghi kümtsü lo panoqo nguno alau shiküsapu shive ke.

EZEKEL 16:48

Ampeu Alhou no asheshu, I no xüake toi, o tsünipu Sodom ngo li ngaqo ye no eno o ngaqo no mla ketoi mla püamoe.

EZEKEL 16:53

“I no panoqo ngukümgha tsüchile nani, Sodom ngo li ngaqo ngukümgha eno Samaria ngo li ngaqo ngukümgha ghi athoputho tsü nani, eno I no panoqo gholono o ngukümgha ghi athoputho tsü nani,

EZEKEL 16:54

tishikeu lono no ye ow küthakügha xapu eno nono mlakeu kümtsü ghenguno kujove nani, tihuno panoqo lau alopiqikütsü lakhi shilu nani.

EZEKEL 16:56

O tsünipu Sodom ye nono o qheküza tsala lo o kichi lono küghakiche tsa shi jekuche,

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

EZEKEL 32:24

“Elam ye tilau ani, eno liw aqokitikhi ye li sükumo vehope ani; panoqo kümtsü ghiqhivae, azütakikihi lono ikiqivae eno khunono küxümi yeghi lo kichi kümsa chekeno panongu ye aphighüyiko ghamo no akuthoku lo iqivae; eno kithimi yeghi lo wuve kemi gholo panongu ye pano kukujo xapu wuvae.

EZEKEL 36:15

I no nongu pelo shiyeqow küthakügha chilu pemove nani, nongu ye ashiayeqow küthakügha xapu move nani eno no shiye pelo küpxalu pemo nani, Ampeu Alhou no asheshu.”

EZEKEL 39:26

Panongu no pano kukujo eno I pishiqhi ighikeu kümtsü kümsümave nani, panongu ye khunomu pano shikümsa mlano pano yeghi lo sükusho qholono xülu nani,

EZEKEL 44:13

Panongu ye achinemi shi I qenike I kupunu ighimo nani momu Iw akimthe thime khikhi ighono akimthe keno tipaqo kupunu ighimo nani, ikemu panongu ye pano kukujo eno aphikümqhüpu shive keqo xapu nani.

HOSIYA 10:6

Ti huye asüqha shi ghi Assyria lo akükau akijeu tsüve nani. Ephraim ye shikujove nani, eno Israel ye pa julho ghenguno kujo nani.

Luke 6:37

“Küghathabe kevilo, eno o shou küghathabe monani; akipimi phu kevilo, eno o kipimi phutsü monani; akipimi peve tsülo, eno o kipimi pevetsü nani;

Rommi 1:32

Alhou mikucho zakütsü kiqilo khunono hikithipu shicheni keno thive küzüe pi ithi apülaghi panongu no hipaqo shike likhi kumono kütami no shi aghike lo ghi pano kupulo tsü cheni.

Rommi 2:10

ikemu Jewmi na Greekmi namu akivi mla kemi kümtsü ghenguno shekiqhe, agigihu, eno aloino keu anani.

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

SAMUEL ATUGHIU 24:17

Pa no David vilo pi, “No ye I nguno amikuchoue, kughengu I no alhoksa pesü o tsü keghi nono akivi pesü I lochilevae.