EZEKEL 16:49 - Sumi Naga CL (Re-edited) Bible (BSI)

⁴⁹ Julo, o tsünipu Sodom kipimi ye hike: li eno li ngaqo ye aqheküza, achuqupu achili eno pofushi keu lokughuno ae, ikemu kumlhomi ngo akukuphu avehupu shi akemi kuphu tsümoke.

BAIBEL (BSI)

⁴⁹ Li ngo lingaqoye chukepu nibonilei achekeu eno iqughai akupuna kuhano achekeu ghenguno qhezacheke, ikemu panonguye kumlhomi eno aquagha shi achekemiqo tucho hijumoke.

EZEKEL 16:49 Iomraidhean Croise

BOTHUBO 13:10

Lot no pa nhethi tsüpuku no Jordan Khila huye azünihoi Ampeu ghutu toi, Zoar küdau Egypt yeghi toi aghikeu ithulu. (Hi ye Ampeu no Sodom ngo Gomorrah kütsa mphi züuke.)

BOTHUBO 13:13

Sodommi ye küsakügha, Ampeu shou axine kije shiche kemie.

BOTHUBO 18:20

Tishino Ampeu no pi, “Sodom ngo Gomorrah shou ngukube igha keu no kije shivae eno panongu xine no kuthoküzü shive akehu,

BOTHUBO 19:24

Tishino Ampeu no atsütsü lono Sodom ngo Gomorrah shou tsübuta kipti ngo ami ghuqhi tsü.

BOTHUBO 19:9

Ikemu panongu no pi, “Ithauve lo! Timi hipau ye kupokichemi shisü ighi no pau no xaküthau shi auvae! Itehi ye nino pama shou nguno alhoksau o shou shinie.” Tishino panongu no anguka shi Lot tuchile no ahukikha hepho niye kupunu ighi.

LESHELE 138:6

Kughengu Ampeu ye qhemghai animu aqhokighemi kihi acheni, ikemu aqheküzami ye Pa no putou no ithi acheni.

AHOLE 16:18

Kütsakungo nike zülo aqheküza acheni, eno ikiqi mphi züu tsütsüngoju keu acheni.

AHOLE 16:5

Amlo lono qhezalaki kemi Ampeu no aphimqhü cheni, panongu ye ghime moveni keu kumo kepi thebei ithilo.

AHOLE 18:12

Kütsakungo mphilo timi mlo ye tsütsüngoju cheni, ikemu agigihupu ighi nike züu aqhokigheu shicheni.

AHOLE 21:13

Khunono kumlhomi sütsa initsü moni keno kutou pa no ku kelo pa sütsau ghi khochile tsümo nani.

AHOLE 21:4

Tsütsüngoju keu nhethi eno aqheküza mlo ye kixikilami kulu, ti ye axine ke.

ISAIAH 1:10

Nongu Sodom yepemiqo, Ampeu tsa inilo! Nongu Gomorrahmi, ni Lhouw shiküka inilo!

ISAIAH 16:6

Moab ye kishi aqheküza kelae! Pa qheküza, tsütsüngoju keu, eno akiphikumo nino chiluvae; pa kuchhoma ye abokümsae.

ISAIAH 3:9

Panongu gino pano shou thopi shi ani; Sodommi toi küsü mono axine shi ani. Pano hasapue! Kughengu panongu no pano ampi shou alhoksa süghi anike.

ISAIAH 47:8

Tighenguno itehi hi inilo, nongu aghakiqipu kimiye eno sükusho qholo ngono amlo lono ishi piche keqo, “I likhi ke, I nguno kütami khumu kühae; Ni ye chimemi toi iqamo nani momu atianuli pühave keu mloküsa ithimo nani”:

JEREMIYA 48:11

“Moab ye alhothe lono iqüghai acheni eno süküghütha jumphi; pa ye abohu lakhi lono lakhiu lo lekiqeve mphi, momu haphe sawuve jumphie; ikehu paw chukivi ye atho aphi eno pa xo ye kilive mphie.

EZEKEL 16:46

Eno o fo akichiu ye Samaria, khuu li ngaqo sasü o nguno ahuu küghüna acheni keno tihuke; o tsünipu ayitiu, khuu o nguno apeu küghüna acheni keno tihu ye Sodom eno li ngaqo ke.

EZEKEL 18:12

kumlhomi ngo akukuphu avehupu shi akemi shikughuju, pükaqhi, aküna shoqhi tsüchile mo, asü-atu julhoqo shou pa nhethi jupuku, aphikümqhüpu mlaitha,

EZEKEL 18:16

khumu shikughujumo, aküna shoqhi lumo, kiumu pükamo, ikemu müzüthi akemi lau pa sho tsü eno akuuphi pesü aphikümsa shi akemi pipe,

EZEKEL 18:7

khumu shikughujumo, ikemu apiagha kupumiw aküna shoqhi tsüchileve, kiumu pükamo, pa sho pesü müzüthi akemi tsü eno aphimini pesü aphikümsa shi akemi pipe,

EZEKEL 23:42

Ghuthoghüzai kemi sütsa chilu ae, eno asayeqha lono shokümzümi saghi; panongu no totimiqo u lo asapu sütsü eno jukivi kütsüqho pipeke.

EZEKEL 28:17

O jukivi ghenguno no ye qhezave; o jekipi ghenguno nono o lokütsü shipüsave. I no ayeghi lo o peve; kükami shipiye no o ju peniye shike.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

EZEKEL 28:9

O ghiqhini kemi zülo no ye timi thono alhou kumo keghi pano nhethe lono no ye itaghi, ‘Ni ye alhou ke,’ ipi ani keshea?

EZEKEL 29:3

Ampeu Alhou no ishi piani pi pütsa: “Julo, Egypt kükau Pharaoh, Ni ye o lachile ani, dragon kije pa ghoki mta lo ani, tipau no pi, ‘Nile ye Iw ke; I no I ghenguno mlae.’

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

Obadiah 1:3

O mlo lo aqheküza no o pishiqhivae, no khuu atuki qhemghai keu lo xü acheni keno, nono o mlo lono ishi pi cheni, “khuu no ayeghi lo I saiqighi kulupu kea?”

Luke 17:28

Tipaphi shi Lot ghuloki lo ghi, timiqo ye alovi chusho, küqhükili shi, eno shosü mlapuku ae,

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

James 5:5

Nongu ye ayeghi lo nibonilei eno aghakiqipu shi xüvae. Ghiqhini keu tsala ghenguno nongu ye atha pubeyivae.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

Piyeküsü 11:8

eno pama sükumo ye aphughi khileno pano Mpeu yeda pithive keno, akiqipu tsa shi ghi Sodom eno Egypt ipi chekeu phughi laghi lo qhinani.