EZEKEL 16:47 - Sumi Naga CL (Re-edited) Bible (BSI)

⁴⁷ No ye panoqo laghi lo chechekeu ngo panow aphikümqhüpu kümla kiqi lono mla chekeu likhi kumoe; ado kitila dolo no ye o laghi kümtsü lo panoqo nguno alau shiküsapu shive ke.

BAIBEL (BSI)

⁴⁷ Noye panoqo nepa papeni keulo eno panoqono kuchhube kutsula kumla shikeu papeni keulo aghakiqi shi acheni kema? Noye ado kitila dolono nonguno mula ithakeu kumtsulo panongu nguno alhoksau shi mula itha anike.”

EZEKEL 16:47 Iomraidhean Croise

KUKAMI ATUGHIU 16:31

Nebat nu Jeroboam toi xükeu ye züla ketoi pa no Sidon kükau Ethbaal nonga Jezebel luve no Baal mlla eno huthuuve.

KUKAMI AKINIU 21:16

Manasseh no Judah sasü axine lo ilokeu lono panongu pelo Ampeu zülo axine shive peke likhi kumono, pa no amikuchomi kutomo pithive tsükeu ji no Jerusalem halau no halau kutolo qowue.

KUKAMI AKINIU 21:9

Ikemu panongu no agholu move, eno Israelmi no ighi mphi züu Ampeu no shiye kütsave keqo no shiche keu nguno aküsau Manasseh no panongu sawo axine shipe.

JEREMIYA 3:7

‘Li no hipaqo shive kethiu I lau ideighi nani pi I no kümsüe,’ ikemu li ye ideighi moe, liw pishikiqhi kümla ye li tsünipu Judah no ithuluvae.

JEREMIYA 3:8

Israel aküpülü kükühau no salha keu kümtsü ithuluvae, I no pheve keu shepe tsüve no li puwuvae. Ikeghi pishikiqhiu li tsünipu Judah no msamoe, ikemu li ghi wuno kütüqha thuve.

EZEKEL 16:48

Ampeu Alhou no asheshu, I no xüake toi, o tsünipu Sodom ngo li ngaqo ye no eno o ngaqo no mla ketoi mla püamoe.

EZEKEL 16:51

Samaria ye o xineqo tüxa qhemi mu shimphi. No ye panongu nguno aphikümqhüpu alau shivae, eno nono aphikümqhüpu mlakeqo vecheo o tsünipulimi ye amikucho toive tsüe.

EZEKEL 16:52

No ghi ow küthakügha puqhelo, kughengu o tsünipulimi züqhushi nono chhosüke. O xine khipaqo vecheo nono panongu nguno alau aphikümqhüpu shi mlave keno tipaqo ghenguno panongu ye o nguno alau achipiu lo anie. Ikehu no ghi kujolo eno ow küthakügha puqhelo, kughengu nono o tsünipulimi pelo amikucho toi ithulupe ke.

EZEKEL 8:17

Pa no I vilo pi, “O timi nu, no ye hipau ithuluve akema? Israel laghami no aphikümqhüpu hilehi shi akeu ye thime aghulo lakhi kesheno panongu ye ngukangugha jeli ghi pesü no ayeghi hipau shepichhi eno itaghi I xukutho no alau I mlo shikighide ani kea? Julo, panongu ye ihulo keu shi I thaigha auvae.

1 Kor. 5:1

Nongu gholo kipti toti dolo mithekumo anipi kuchou tsa I lau pi ighivae, timi lakhi no papu nipu sasü küghüna anie pike ti ye Alhou mtha kemi gholou ghi kutuulu chemoe.