EZEKEL 16:46 - Sumi Naga CL (Re-edited) Bible (BSI)

⁴⁶ Eno o fo akichiu ye Samaria, khuu li ngaqo sasü o nguno ahuu küghüna acheni keno tihuke; o tsünipu ayitiu, khuu o nguno apeu küghüna acheni keno tihu ye Sodom eno li ngaqo ke.

BAIBEL (BSI)

⁴⁶ “Ofoye ahuu akeu Samaria eno tipau hokuxalo aphu akeqoke. Otsunipuye apeu akeu Sodom eno aphu akeqoke.

EZEKEL 16:46 Iomraidhean Croise

BOTHUBO 14:8

Tithiu Sodom kükau, Gomorrah kükau, Admah kükau, Zeboiim kükau eno Bela (ti ye, Zoar) kükau noqo no wuno Siddim Khila lo aghü shiniye kumqo luve no

BOTHUBO 19:29

Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

ISAIAH 10:11

Samaria ngo li julho lau shike toi ni ye Jerusalem eno li julho kütsa mlani keshea?”

JEREMIYA 23:14

Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

EZEKEL 16:27

Tighenguno julo, I no I u chhopuwo no o lachile eno o saje kotha tsükeu kümghüve tsüae eno Philistiami ngaqo, khunono ow ghaghu ghale ghilisüqe ghenguno kujove akeno, o ghümi tipaqo lakimne lo no ikhiphepe tsüvae.

EZEKEL 16:51

Samaria ye o xineqo tüxa qhemi mu shimphi. No ye panongu nguno aphikümqhüpu alau shivae, eno nono aphikümqhüpu mlakeqo vecheo o tsünipulimi ye amikucho toive tsüe.

EZEKEL 16:61

Kughou nono o tsünipulimi, akichiu eno ayitiu pama gha ikhiluni keno, tileno nono o laghiqo kümsülu no kujove nani. I no panoqo pesü angaqo toi o tsüve nani, ikemu ti ye o sasü puloshoqhi shipüa keu ghenguno kumoe.

EZEKEL 23:11

“Li tsünipu Oholibah no hipau ithulu, li ye li ghaghughale ngo kütüqha keu lo li pafo nguno alau alhoksa shive, ti ye li pafo nguno alhoksau shive ke.

EZEKEL 23:2

Timi nu, aza lakhi nga totimi kini ache.

EZEKEL 23:4

Akichiu je ye Oholah eno li tsünipu je no Oholibah. Pama ye Iw shive eno pama no apu-angaqo punue. Pama je ye ishi, Oholah no Samaria, eno Oholibah no Jerusalem.

EZEKEL 26:6

eno li ngaqo ye aphughi mta lono azütakikihi pesü ghiqhive nani. Tileno panongu no Ni ye Ampeu kepi ithi nani.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

MICAH 1:5

Hi kümtsü Jacob xine eno Israel lagha xine ghenguno ke. Jacob xine ye kiu kea? Ti ye Samaria ke kumo? Eno Judah kuchuqu-a ye kiu kea? Ti ye Jerusalem ke kumo?

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

ZAKINIU 32:32

Pano tsaizü ye Sodom ngo Gomorrah tsaibo lono ighie; pano tsaithi ye tüghü tsaithi, eno pano tsaibo ye khumtsai ke.

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

Piyeküsü 11:8

eno pama sükumo ye aphughi khileno pano Mpeu yeda pithive keno, akiqipu tsa shi ghi Sodom eno Egypt ipi chekeu phughi laghi lo qhinani.

XAKUTHAMI 19:22

Panongu no chushove no alokughuno shi akelo aphughi lo timi lhoksami ighi no aki sühope ngoluve no ahukikha lo hepuku thuve. Eno panongu no velami vilo pi, “Timi khuu o kilo ighi keno, pa sasü ipeghi lo, ningu no pa ithinie.”