EZEKEL 16:25 - Sumi Naga CL (Re-edited) Bible (BSI)

²⁵ Alaghila kümtsü lo nono ow qhemghaike-a mla eno o jukivi pesü aphikümqhüpu shino khukhumu kathawu chekemi lau no ampi pesü ikhiphe tsüno o salha küghüsü ke.

BAIBEL (BSI)

²⁵ Alaghilapa kumtsulo a-a qhemghai keu shipe qhike eno ojukivi tileno sunhe kiti pesu salhake. Nono iqho iqichekemi kumtsu lau noikhipe tsuvecheke eno osalha kighishe acheke.

EZEKEL 16:25 Iomraidhean Croise

BOTHUBO 38:14

li no chimemi phimini xaqhive agi künhaphi pesü li nhapuve, eno Enaim ikulo lalo iqave, ti ye Timnah laghi küdau ke. Kughengu Shelah ye kichimi shive keu li no ithi ae, ikemu li pelo pa sasü külau pemo kehue.

BOTHUBO 38:21

Pa no tile timiqo vilo ighiju, “Achineki kütüqhaliu khuu Enaim laghi phivilo acheni keno, li ye khile ani kea?” Panongu no pi, “Achineki kütüqhaliu khumu hile achemoe.”

ISAIAH 23:17

Ampe lhotsüni shekha lono Ampeu no Tyre xuju nani, li ye aqekiqe lo idewove no ayeghi lo kükaqha akeqo kümtsü sasü kütüqha nani.

ISAIAH 3:9

Panongu gino pano shou thopi shi ani; Sodommi toi küsü mono axine shi ani. Pano hasapue! Kughengu panongu no pano ampi shou alhoksa süghi anike.

JEREMIYA 11:15

Alhoksa kümla kutomo shive no I qhuu ye I chineki lo kiu shi ani kea? Ashi pesü aghashi keu no aghime tutsüghülu nani keshea? No ye alovilu nani keshea?

JEREMIYA 3:2

Atoghi kütsüqa lo jupuku julo! Nono shipüthamo ke-a khileala ani keshea? Asayeqha lo Arabmi toi alaphe lo nono o lojipumi ngokhe ke. O salha kümla lhoksa no nono ayeghi shipixivae.

JEREMIYA 3:20

Kuchou no pishikiqhi nipu no li kimi pheveke toi, O Israel kibo, no ye I pishiqhivae Ampeu no asheshu.’”

JEREMIYA 6:15

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani,” ipi Ampeu no pi.

EZEKEL 16:15

“Ikemu nono o jukivi shou pükhübeve eno o kighiche ghenguno kütüqhauve eno khukhumu iqhoiqi cheghi kemi shou o salha lepuku tsü; o jukivi ye paw shiveke.

EZEKEL 16:31

alaghila kümtsü lo nhasü keu chebo mlae, eno alapa kümtsü lo qhemghaike-a mlake. Ikemu no ye kütüqhaliu toimoe, kughengu nono asalha me mithi ke.

EZEKEL 23:32

Ampeu Alhou no ishi piani: “No ye o fo jukhu lono sho nani ti ye kije eno thonhei; o junuqhi nani eno cheqhi nani, kughengu ti ye chhitoi ani;

NAHUM 3:4

Hi kümtsü kütüqhalimi loji no jukivi eno akithipu gha pesü kütüqha keu ghenguno ke, li no kütüqha keu eno züküghüzü keu gha pesü shiye eno timiqo thechuvae.

Piyeküsü 17:16

Eno nono akibo chighi ithulu keu ngo tüghashi ishi küqhano kütüqhaliu jumithi nani. Panoqo no li küakini qhoi hakholuve no aphikümsa küghüküghalei qhive nani, eno li shi chuve no ami pesü pitive nani,