EZEKEL 16:15 - Sumi Naga CL (Re-edited) Bible (BSI)

¹⁵ “Ikemu nono o jukivi shou pükhübeve eno o kighiche ghenguno kütüqhauve eno khukhumu iqhoiqi cheghi kemi shou o salha lepuku tsü; o jukivi ye paw shiveke.

BAIBEL (BSI)

¹⁵ “Ikemu noye ojukivi shou pukhu auve, eno ojekipi shi achekehu iqho iqikichemi kumtsu sasu salha wuve.

EZEKEL 16:15 Iomraidhean Croise

KUKAMI ATUGHIU 11:5

Solomon no Sidonmi lholiu Ashtoreth eno Ammonmi no mlla chekeu aphikümqhüpu lhou Milcom mllauve.

KUKAMI ATUGHIU 12:28

Ikehu akükau no akükümsü luno ameshoyi mishiti julho kini mla, eno timiqo vilo pi, “Nongu ghenguno ado shulo Jerusalem lo wu ighivae. O Israel, nongu lhou Egypt lono nongu saipeghi keu julo.”

KUKAMI AKINIU 17:7

Hipaqo shikeu ye Israelmi no Ampeu pano Lhou, khuu no Egypt yeghi lo Pharaoh u lono panongu sasü ipeghi keno, Pa zülo axine shive no alhou kütauqo mllauve,

KUKAMI AKINIU 21:3

Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

LESHELE 106:35

ikemu shiyeqo sasü kitekungo xüuve eno panongu no shiche keqo shika luve.

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

ISAIAH 48:1

O Jacob laghami, hi inilo, nongu ye Israel je vecheo ku kemi eno Judah züghi lono ighi kemi ke, nongu no Ampeu je lono tushoqhi eno Israel Lhou je piphe cheni, ikemu kuchou eno achipi lono tishi chemoe.

ISAIAH 57:8

Nongu no no hukikha sholokuu aphikümqhüpu julho qhipüani; nongu ye I pheve keu lono, nongu lüpa xape kümsa qhivae, nongu no tilau iku, eno nongu no ti qhape qhi, panongu sasü puloshoqhi shike; nongu no pano lüpa kimiye, eno panongu sasü nongu shiaji ghapiqi cheni.

JEREMIYA 2:20

“Khaghi no I no ow kuokhasü hephove tsü eno o kütsüghaqo süthave tsü kemu nono pike, ‘Ni ye O qemoe.’ Iyei, atoghi kümtsü lo eno asübo kümtsü qholo nono kütüqhalimi toi ihozü ke.

JEREMIYA 3:1

“Milakhi no pa nipu pheve no li no kütami nipu shive aye pa ye li lau idewulu nani keshea? Ayeghi tipau ye kümzapu shi shipuqove nanike kumo? No ye alojipumi kutomo sasü kütüqhave eno I lau ideighini keshea? Ampeu no asheshu.

JEREMIYA 7:4

Pishikiqhi tsa hipaqo shou pükhübe kevilo: ‘Hi ye Ampeu chineki, Ampeu chineki, Ampeu chineki ke.’

EZEKEL 16:16

Nono o phimini hami ikhipe o ghenguno alabe jeli no akimtheki shike, eno tipau lono kütüqhauve. Hitoi keu ye khilemu shimphi momu khilemu shimo nani.

EZEKEL 16:25

Alaghila kümtsü lo nono ow qhemghaike-a mla eno o jukivi pesü aphikümqhüpu shino khukhumu kathawu chekemi lau no ampi pesü ikhiphe tsüno o salha küghüsü ke.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

EZEKEL 23:3

Pama ye Egypt lo kütüqha che; pama ye alhothe lono kütüqha che; pama kichhi tsüqü tsüche eno athathe kichhi pemghave tsüe.

EZEKEL 23:8

Li ye asalha khikhi li no Egypt lono huthu keno ti phevemoe; kughengu li lhothe lono apulhothemi no li shou iku eno li thathe kichhi pemgha no panoqow kütüqha keu pesü li shou lepuku ke.

EZEKEL 27:3

eno Tyre, azüghi kulaghi lo küghüna achekeu, azüghimkü lo küxümi kutomo sasü lhidi shichekeu vilo, Ampeu Alhou no ishi pianie pilo: “O Tyre, nono pi ke, ‘Ni ye kupukülai jukivi ke.’

EZEKEL 33:13

I no amikuchou vilo pa ye mtsüqheino xülu nanie pi püaghi namu, pa no pa chipiu mikucho lo pükhübe no athiu ye achipikumo shive aye, pa mikucho kümla ye kiumu kümsülu tsümo nani, ikemu pa chipikumo ghenguno pa ye thive nani.

HOSIYA 1:2

Kughou Ampeu no atüghüshi Hosea vecheo Israel pütsa keno, Pa no Hosea vilo pi, “Wulo, anipu kütüqhalimi luvelo eno kütüqhaliu sasü atianuli shilo, kughengu aghakhu ye Ampeu pheve no shishe kütüqhauvae.”

HOSIYA 4:10

Panongu no chunani, ikemu aghaqimo nani; panongu no kütüqha nani, ikemu kughuko lumo nani, kughengu panongu no Ampeu pheve no pano pesü

HOSIYA 4:18

Pano ji shokhave kemtsa panongu no kütüqhauve cheni; panow yepemi no akukujopu kimiyekütü cheni.

HOSIYA 9:1

Alovi kevilo, O Israel! Ashiayeqo toi ahulü akevilo; kughengu nongu ye no Lhou pheve no kütüqhauvae, nongu ye aniqa kümtsü lo asalha jume kimiye cheni.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

ZEFANIA 3:11

“Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

MATTHEW 3:9

Eno kümsükuju lono, ‘Abraham no ningu papu,’ ipi nongu ampi vilo kevilo, kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani.

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

Piyeküsü 17:5

Eno li kishe lo ithikümla tuqhou je lakhi yepüa: “Babylon akijeu, kütüqhalimi eno ayeghi shikipiximi paza.”

XAKUTHAMI 10:6

Itaghi Israelmi no Alhou zülo küsakügha shino Baal ngo Ashtaroth, Syriami, Sidonmi, Moabmi, Ammonmi, eno Philistiami lhouqo mllau khaveno Ampeu pheve no Pa huthu move.

XAKUTHAMI 2:12

Panongu no Ampeu pano puasü Lhou, khuu no Egypt lono panongu saipeghi keno, Pa pheve. Panongu ye alhou kütauqo phuwuve, eno timi kütami khunoqo pano sümxape ache keno, tipaqo lhou mllauve. Tishikeu lono panongu no Ampeu mlo shikighide tsüe.

XAKUTHAMI 3:6

Panongu no pütüta ngaqo sasü külauve, panongu ngaqo pelo pano puqo sasü külape, eno tipaqo lhouqo mllauve.