EZEKEL 16:13 - Sumi Naga CL (Re-edited) Bible (BSI)

¹³ Ikehu no ye ameshoyi ngo ghükayi no ananu shipuve, phepheike phi akivi, müdüniyike phi eno aye shisükeu phi no o phimini shike. No ye ashomkhu, akhingozü eno thazü akivi chue. No ye shishe ajukivi shi ipeghive eno kükaliu shive.

BAIBEL (BSI)

¹³ Noye shunayi ngo tsandiyino shikeu achiku achila pepu eno noye pulhapuju aye shisukeu phimini eno phepheyi phimini pepuche. Noye asho mukhu akivi pesu shikeu sho chucheke eno akhingozu ngo oliv teli peitha che. Ojukivino qhivutsuniyi ache eno noye akukaliu lakhi shiveke.

EZEKEL 16:13 Iomraidhean Croise

BOTHUBO 17:6

I no o pelo shishe athi pithi lupe nani, o pesü shiye kutomo kughulho nani, eno o launo kükamiqo ighi nani.

SAMUEL AKINIU 8:15

David no Israel kümtsü shou ayepe luve. Pa no kuchou xakütha eno aqhemi lono timi kümtsü shou ayepe.

KUKAMI ATUGHIU 4:21

Solomon no Euphrates lono Philistia eno Egypt lughi kutolo ayepe luve. Tipaqo no sükusho süqha pa tsüno pa küxü tivilo pa qeche.

EZRA 4:20

Kükami kumtomi no Jerusalem shou ayepe ighiva, eno Aghoki Kukuu phughi lo ghi ayepe no zame ngo asüqha pesü pano tsü ighivae.

EZRA 5:11

Ikelo panongu no ningu khochile keu ye hike: ‘Ningu ye atsütsü eno ayeghi Lhou qemi, eno ningu ye khaghi no mlave keu ki, ti ye Israel kükau akijeu no mla eno kishekha keu ki tipau shiqhe kithe ani.

JOB 29:6

athachi no I laghi lo qowu che, eno atuqu no I sala thazü qole pipetsü cheke!

LESHELE 147:14

Pa no no yeghi lughi lo külashi tsü; Pa no athi akiviu pesü O shepichhi tsüke.

LESHELE 48:2

jukivishi qhemghai ani, ayeghi kümtsü lokivipu ke, Zion naghuto ye ahuu kushuo lo ani, Akükau akijeu phughi ke.

LESHELE 50:2

Jukivi kupukülai keu Zion lono Alhou no yepüvü ani.

LESHELE 81:16

Ikemu Pa no athi akiviu pesü nongu loji nani, eno atuki lo akhingozü pesü I no nongu ghapiqi tsü nani.”

ISAIAH 64:11

Niw akimthe eno jukighilepu chineki, khilehi ni puasü no O sheqhe chekeno ami no pitilevae, eno nino kimiye chekeu-a kümtsü ixapinyi ani.

JEREMIYA 13:20

“Khunoqo ahuu no cheni keno pishipuwo julo. O pelo jukuto peniye pichetsü keu jukivi loji khile ani kea?

AKUMLO 2:15

Khunono o kathasü wu keno kümtsü no au kukhupe o tsüe; panongu no Jerusalem limi cheqhi eno akütsü küzü ghi pi: “Kupukülai keu jukivi, ayeghiqha kümtsü lokivipu, ipi chekeu mishighüna huye hi keshea?”

EZEKEL 16:10

I no aye shisükeu phimini pesü o pipe eno ashiyiko akiviu pesü o pukhukuqho shitsü. I no phepheike phi akiviu pesü o küzüluve eno müdüniyike phi pesü o puuve.

EZEKEL 16:17

Iw ameshoyi ngo ghükayi no mlakeu o chila kivi, khikhi I no o tsü keno tipau ghi nono ikhipe o ghenguno timi julhoqo mla, eno tipaqo sasü kütüqha ke.

EZEKEL 16:19

Asho khikhi I no o tsü keno tipau ghi I no ashomkhu, thazü eno akhingozü akivi pesü o lojike nono alokepu xokütsüngü lakhi shi tipaqo zülo ghope qhi; tihutoi shi kepi Ampeu Alhou no asheshu.

EZEKEL 23:40

Pama no putou ghi atsapemi puwu no timiqo kusaghipe; eno panongu no ighi. Panoqo ghenguno nokujo no azü kuchhuve, anhethi lo nudapuve, eno chiku-chilaqo xapuke.

EZEKEL 27:16

Ow tinhemgha kupukuno shi akeu vecheo Syria no o sasü lhidi shiche; panongu no emerald, hughaike phi, aye shisükeu phi, phepheike phi, azükhenu ghitu eno ruby tu pesü ow tinhemgha kilhisho che.

HOSIYA 2:5

Kughengu panongu paza ye shupu-salhave; khuu panongu mishi keno li huno akukujopu shike. Kughengu li no pi, ‘Ni ye I lojipumi lau wuniae, panoqo no asho, azü, akülüphi, phepheike phi, thazü eno yekepu pesü I tsü chenie.’

ZAKINIU 8:8

ti ye ashothi, barleythi, atsaibo, mububo, khaghatu bo, olive, eno akhingozü ipeghi chekeu yeghi ke.

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 12:12

Eno kughou nongu no Ammonmi kükau Nahash no nongu leighi keu ithulu keno, Ampeu nongu Lhou no nongu shou akükau shi akeghi nongu no I vilo pi, ‘Moe, akükau lakhi no ningu shou ayepe nani.’