EZEKEL 14:7 - Sumi Naga CL (Re-edited) Bible (BSI)

⁷ Kughengu Israel laghami momu inaghami Israel lo akemi khukhumu I launo kütüta shive no asü-atu julho pesü pa mlo lo qhive eno pa xine no apukhu küpsüpu shi pa zülo aghi, tishimu tungkupmi lau ighi püzü pa vecheo I vilo kighinikile aye, Ni Ampeu no pa khochile nani.

BAIBEL (BSI)

⁷ “Kughokughomu Israilmi lakhi momu inaghami Israilmi qo-aho gholo xuachekemi lakhino ilauno tsughusu wuve puzu asu-atu julho mllani eno tishi puzu tungkupu sasu kushokileni keno, ni AMPEU no khokichile pa tsu nani!

EZEKEL 14:7 Iomraidhean Croise

IPEKULU 12:48

Tsala inami lakhi no nongu gholo ado hami küghüna no Ampeu lau Hechekulu ikhiluni shi aye, pa gholo kiptimi kümtsü aphighüyiko ghaveni. Tithiuno pa ye punukhoi ighi no ti pelu nani; pa ye Israelmi lakhi toi shilu nani. Ikemu aphighüyiko ghamo kemi khumu hi chumoni.

IPEKULU 20:10

ikemu atsala akütsüniu ye Ampeu nongu Lhou lau Sabbath ke. Tipani ye nongu, no tianuli, no qemi kiptimi momu totimi, atsü-aqu, momu kicheghüzümi now khagho bokütha lo akeqo shi aghi namu nongu ye kiu kümlamu shimoni.

ISAIAH 63:17

O Ampeu, No ye kushiye ni pelo O laghi vezüvepe ani, eno kushiye ni mlo shikümkave tsü ani kea? Eno kushiye tishikeu lono ni pelo O sümsa movepe kea? O qemi, O mheghi shiye ghengu likhi nomu ideighi tsülo.

JEREMIYA 37:17

Akükau Zedekiah no Jeremiah ghenguno timi puwu no pa saluve. Akükau no pa ki lono tuqhou shi pa vilo ighiju, “Ampeu launo atsa kiuala ani keshea?” Jeremiah no pi, “Iyei.” Tileno pa no pi, “No ye Babylon kükau u lo phesüve tsü nani.”

EZEKEL 3:20

Itaghi, amikuchomi lakhi no pa mikucho lono tsüghüsü achipi kumo shive eno I no pa zülo apukhu küpsüpu qhivetsü aye, pa ye thive nani. Kughengu nono pa kütüghü move keke pa ye pa xine ghenguno thive nani, eno pa mikucho kümla pa no mlapüa keqo ye kümsülu tsümo nani, eno pa ji ghenguno no ye kihikülai tsümo nani.

HOSIYA 4:14

Nongaqo no kütüqhauve eno no mulimi no salhauve namu Ni ye panoqo ghimemo nani; kughengu kiptimiqo ghi kütüqhalimi lau wu acheni eno achineki lo kütüqhalimi gholono aghashi acheni ke, alokütsü kumomi ye kütsave nani.

HOSIYA 4:5

Nongu ye puchou no küpxalu nani, tungkupmi ghi nongu sasü putho lono küpxalu nani; eno I no nongu paza kütsave nani.

HOSIYA 9:10

Asayeqha lo atsaithi toi, I no Israel phulue. Mubuthi kipithi ghuloki lo mububo lo axathi amsüu toi, I no pano puasüqo ithulue. Ikemu panongu no Baal-peor lo ighi no pano pesü akukujopu lo ikhiphepe tsüve, eno pano no küpü chekeu lhou toi aphikümqhüpu shive.

ACHINE 16:29

“Hi ye alholo nongu ghenguno pimheye shini: Aqhi akütsüniu, atsala achighiu lo Israelmi eno no gholo inaghami akemi ye akümla kiumu shimo no kümvüni.

ACHINE 20:2

“Israelmi vilo pilo, Nongu gholo momu inaghami nongu gholo akemi khuu no pa tianuli pesü Molekh mllave peniye tsüni keno, aqoaho kümtsü no atu pesü veqhiveni.

ACHINE 24:22

Pimheye hi ye kachenami eno aghakütsami Israelmi kümtsü lau aphiphishi pimhe nani, kughengu niye Ampeu nongu Lhou ke.”

AKIKIHI 15:15

Tiqheli kümtsü lo nongu eno inaghami nongu gholo akemi kümtsü ghenguno akhuaye lakhishi pechelo. Ampeu zülo nongu eno inaghami kümtsü aphiphie.

AKIKIHI 15:29

Israelmi na, inaghami no gholo akemi namu hipa vehu loye ayezah aphiphi shini.

ZAKINIU 29:19

Milakhi no hi puloshoqhi lo yepüa keu chilu no pa ampi kümghatsü ghi, ‘I no kuthovi ghi xüani kemu, ni ye sükusho qholo anie,’ ipi aghi aye, hitoi kemi ye akivimi eno alhoksami kümtsü aphiphishi joleve nani.

Jude 1:19

Ayeghi küxü lo amlo kütsümi, Aghungu Kimthe küha kemi hipaqo no kijetha keu süghi cheni.