EZEKEL 14:3 - Sumi Naga CL (Re-edited) Bible (BSI)

³ “Timi nu, timi hipaqo ye panow asü-atu julho pano mlo lo xapu ani, eno panoqo xine küpxalu kepu pano zülo anie. Mtsüqheino Ni ye panoqo pelo I launo kighinikile lupeni keshea?

BAIBEL (BSI)

³ “Thinikuau timio, timi hipaqoye asu-atu julho lau panoqo mlo tsuvae eno tino axinelo panoqo sawuvepe cheni. Niye khokichile panoqo tsu nani kepi panonguye kumsu ani kesha?

EZEKEL 14:3 Iomraidhean Croise

KUKAMI AKINIU 3:13

Elisha no Israel kükau vilo pi, “Ni ye kiu lono o vehupu shikepu ipeghi kea? O pu ngo o zaw tungkupmiqo lau wulo.” Ikemu Israel kükau no pa vilo pi, “Moe; Ampeu no kükami hi pano küthü ku phepe Moab kükau u lo süve tsüniye shi ani.”

LESHELE 101:3

Kiukiumu ameküküha thime pesü I nhethe lo qhimo nani. Khunono ikiqive akeno pano kümla ye I no mithi ke; tino I sünhe luve pemo nani.

LESHELE 66:18

Tsala I no amlo lo axine qhipüaghi keaye, Ampeu ye initsü moni cheke.

AHOLE 15:29

Ampeu ye kixikilami launo putosüu ani ikemu Pa no akivimi kighini chilutsü cheni.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 21:27

Kixikilami ghakishi ye aphikümqhüpue, imaye pa no alhoksa kimji lono mllani kelo kishita akimthipu kelae.

AHOLE 28:9

Ayezah tsa ini mono tsüghüve aye pa kighiniu ghi Ampeu zülo aphikümqhüpu ake.

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

JEREMIYA 11:11

Tighenguno, Ampeu no ishi piani, Julo, I no amhekiqi panongu shou süghini cheni eno panongu ye pomla nani. Panongu no I lau ighamku namu Ni ye panongu sütsa inimo nani.

JEREMIYA 17:9

Amlo ye thime kümtsü nguno pishikiqhiue, shipivimla kepushi sü ani; khuu no ti vethakulupu kea?

JEREMIYA 21:2

“Ampeu vilo ningu ghenguno ighiju tsülo, kughengu Babylon kükau Nebuchadnezzar no ni sasü aghü shiniye ani. Ishiake Ampeu no Paw akichiqhipu kümla ni lau mlatsü no ni launo pa hachileve tsü luvie.”

EZEKEL 11:21

Ikemu khuno mlo no aphikümqhüpu thime ngo kuchhube kütsülaqo pape cheni keno I no panoqo kütsü shou pano kümlaqo lepukutsü nani, ipi Ampeu Alhou no asheshu.”

EZEKEL 14:2

Eno Ampeu tsa I lau ighi:

EZEKEL 14:4

Tighenguno panoqo pütsa no pilo, Ampeu Alhou no ishi piani: Israel laghami khukhumu pa sü-atu julho pesü pa mlo lo xapu eno pa xine küpxalu kepu pa zülo qhi pülaghi tungkupu sasü kushoni ye ighi keu ye Ni Ampeu no asü-atu julhoqo ithulu keu qhemi khochile tsü nani,

EZEKEL 14:7

Kughengu Israel laghami momu inaghami Israel lo akemi khukhumu I launo kütüta shive no asü-atu julho pesü pa mlo lo qhive eno pa xine no apukhu küpsüpu shi pa zülo aghi, tishimu tungkupmi lau ighi püzü pa vecheo I vilo kighinikile aye, Ni Ampeu no pa khochile nani.

EZEKEL 20:16

kughengu panongu no I khuayeqo milive eno I yezahqo pemove ke, eno Iw Sabbath shikitiqeve; kughengu panoqo mlo ye pano sü-atu julho lau wuveke.

EZEKEL 20:3

“Timi nu, Israel lo layemiqo pütsa no pilo, Ampeu Alhou no ishi piani, Nongu ye I vilo ighijuni ye ighi ani keshea? I no xüake toi, Ampeu Alhou no asheshu, Nongu pelo I lau no ighiju pemo nani.

EZEKEL 20:31

Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

EZEKEL 3:20

Itaghi, amikuchomi lakhi no pa mikucho lono tsüghüsü achipi kumo shive eno I no pa zülo apukhu küpsüpu qhivetsü aye, pa ye thive nani. Kughengu nono pa kütüghü move keke pa ye pa xine ghenguno thive nani, eno pa mikucho kümla pa no mlapüa keqo ye kümsülu tsümo nani, eno pa ji ghenguno no ye kihikülai tsümo nani.

EZEKEL 33:30

“Timi nu, ow timi khunoqo atupikiye eno ahukikha lono o ghili küptsa cheni keno, panongu lakhino lakhi vilo picheni, ‘Ighi no Ampeu launo ighikeu tsa ye kiu keno inilo.’

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

EZEKEL 44:12

Kughengu panongu no pano süatu julhoqo zülono Israel kibolomi lau achine kümla shino panongu lau apukhu küpsüpu xine shike, tighenguno I no panoqo ghenguno tushoqhive, ipi Ampeu Alhou no asheshu, eno panongu ye pano ghime xapu nani.

EZEKEL 6:9

tileno nongu küghape wuve keu shiyeqo dolo akelono nongu pokalu keqo no I kümsülu nani. Kishi panoqow ghaghu mlo eno anhethi no I launo kughosü pano julhoqo mineuve kelono I mlo hephove tsü keno panongu no kümsülu nani. Eno panongu no panow kixikila kümla eno kuchhube kütsüla ghenguno pano ampi jupe aphimqhü nani.

EZEKEL 7:19

Panongu no panow ghükayi alaghila lo kuthole, eno ameshoyi ye mithekumo thime toivae. Panow ghükayi ngo ameshoyi ye Ampeu loghu lono xamlae. Panongu ye tipau pesü pano khüava ghapiqi lumoe momu pano kive shepichhi lumoe. Kughengu tino pano pukhu püsüpe axine shiveke.

HOSIYA 4:5

Nongu ye puchou no küpxalu nani, tungkupmi ghi nongu sasü putho lono küpxalu nani; eno I no nongu paza kütsave nani.

ZEFANIA 1:3

“I no timi eno tüghashi jole nani; I no atsütsü lo aghauqo eno azüghi lo akhaqo jole nani, I no kixikilami püxakulu nani. I no ayeghi lono timiqo kütsave nani,” Ampeu no pivae.

ZEKHARIA 7:13

“I no ku akeghi panongu ye chilu move, ikehu panongu no ku kemu I no chilu tsümove,” ipi aqokitikhi Mpeu no pi,

Luke 20:8

Tile Jisü no panongu vilo pi, “Imaye Ni ghi kiu kükagha pesü thime hipaqo shicheni keno nongu vilo pimoae.”

Ephesiami 5:5

Nongu no hi thebeilu nani ke küsalhami, mithekumomi momu alakimnemi (ti ye, ajulho kümllau) ye Khristo eno Alhou yekipe amheghi ithulumo nani.

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

SAMUEL ATUGHIU 28:6

Kughou Saul no Ampeu lau ighiju keno, Ampeu ye asamou nomu, Urim momu tungkupu vecheo nomu pa khochile move.